Sorteig 1/16 de finau dera Copa de Comminges

Eth sorteig 1/16 de finau dera Copa de Comminges:
U.E. Bossòst - Ent. Landorthe
Era dimenjada deth 12-13 de noveme en Bossòst.

¡¡¡ Mauditi garròts !!!

U.E. Bossòst 0 – Montastruc de Salies F.C. 0

Partit vibrant e fòrça disputat eth d’aguest dissabte en Bossòst en qu’er era U.E. Bossòst shutèc enquia tres viatges enes garròts dera porteria francesa. En ua prumèra mietat dominada per equip aranés, Pipe auèc era prumèra ocasion dempús d’ un lançament de cornèr en qu’era pilota le venguèc entàs sòns pès e eth son shut siguèc desviat peth portèr a cornèr. Eth portèr deth Montastruc siguèc eth protagonista ath desviar dus lançaments de fauta shutadi per Àlex. Ara mieja ora de jòc, era milhor ocasion tara U.E. Bossòst venguec quan Ignasi shutaue ras en garròt dera porteria francesa. Ena menuta 40´ ,era soleta ocasion deth Montastruc dera prumèra part venguec en un lançament de fauta qu’eth portèr aranés Marcos desvièc ath cornèr. Tamb 0-0 s’arribaue ath descans.
Sonque començar era dusaua mietat, bona ocasion deth Montastruc en que Lacarrere shutaue as mans de Marcos. Era U.E. Bossòst auec ua bona ocasion en un lançament d’ Àlex que s´encuedèc de desviar era defensa francesa entath garròt dera sua porteria. Leon, en ua bona jogada, tanben shutaue en trauessèr dera porteria francesa. Eth Montastruc auec era milhor ocasion en ua bona jogada d’ Embarek que centrèc era pilota e aguesta siguèc rematada dus viatges e eth defensa aranés Héctor artenhèc desvià-la. En un lançament de cornèr Mutu shutèc desviat per dessús dera porteria francesa. Ena darrèra menuta eth Montastruc en un lançament de cornèr rematat per Raynaud auec era darrèra ocasion deth partit.
Ath finau, 0-0 dauant un molt bon equip deth Montastruc en qu’eth sòn portèr e es garròts siguéren es protagonistes. Ena dusaua mietat quaussevolh des dus equips podie auer guanhat eth partit.

Pròplèu partit eth dissabte 5 de noveme derby deth Portilhon en Luchon tàs 20 ores, cinquaua jornada deth campionat de liga contra er equip locau.

U.E. Bossòst: Marcos, Alex, Jose Ramon, Hector, Felipe, Liaño, Javi Iglesias, Madrid, Pipe, Ignasi e Miguel. Remplaçants: Gachi,León e Mutu.
Trainer: Jordi

Montastruc de Salies F.C. : Cucuron, Martinez, Saint Martin, Ribet, Gracia, Raynaud, Da Costa, Denat, Embarek , Lacarrere e Brun. Remplaçants : Rampon, Buffalan e Arcangeli.
Trainer : Sentenac Jerome.
Tarjetes auriòles : Embarek (86’).

Arbitre: Desprats Serge.

Empatam a 1 gol

U.S. SaliesMane 1 - U.E. Bossòst 1

Partit fòrça disputat aguest darrèr dissabte en Salies du Salat, dauant eth conjunt locau deth SaliesMane. Es dus equips cercàuen impossar eth sòn jòc. Eth SaliesMane auec ua bona oportunitat en jogada deth sòn jogador Cep que Marcos desviaue a cornèr. Er equip aranés se podia auer auançat en marcador quan Pèir se plantèc dauant eth portèr e eth sòn shut ère desviat peth portér Marrot. En dues arribades de Pèir e Ignasi, non poguèrem trèir cap de profit en marcador. Tamb eth 0-0- s’arribaue ath descans.
Ena dusaua mietat, eth SaliesMane enes prumères menutes ei quan mès cauishiguèc er àrea aranesa. Mès era milhor ocasion l’auie era U.E. Bossòst quan Miguel dauant deth portèr francés, shutaue e aguest desviaue era pilota entà cornèr. Ena menuta 65’ ,eth SaliesMane artenhíe eth 1-0 en ua rematada de Roca.
Era U.E. Bossòst pelejèc per igualar eth marcador; era igualada se produic ena menuta 80´ quan un centre de Pèir ère rematat per Pipe ena esquaira dera porteria francesa.
Ath finau 1-1 ; repartiment de punts. Cap des dus equips gessèc content deth tot deth resultat. Nosati, domatge de non profitar es ocasions dauant deth portèr.

Pròplèu partit eth dissabte 22 d’octobre en Bossòst tàs 20 ores, quataua jornada deth campionat de liga contra er equip de Montastruc( prumèr classificat deth campionat )

U.S. SaliesMane : Marrot, Tetard, Da Costa, Bamard, Rouillon, Dai Pra, Ferrandi, Ertlen, Cep, Roca, Hanscotte. Remplaçants: Montoriol, Martins I, Martins II.
Trainer : Lacomme Jean Luc.
Tarjetes auriòles : Tetard (34’), Dai Pra (85’).

U.E. Bossòst: Marcos, Marc, Jose Ramon, Viló, Felipe, Liaño, Javi Iglesias, Alex, Pèir, Ignasi, Miguel. Remplaçants: Madrid, Gachi, Pipe.
Trainer: Jordi
Tarjetes auriòles: Viló (15’).


Gols : 1-0 Roca (65’), 1-1 Pipe (80’).

Arbitre: Courthieu Patrick.