dilluns, 19 de setembre de 2011

Eliminadi enes lançaments de penaltys

U.E. Bossòst 0 – Larboust-OÒ 0
Penaltys : 3 – 4

Partit fòrça disputat eth que se joguèc aguest dissabte en Bossòst, dauant un equip de Larboust-OÒ que disputèc era eliminatòria en tot jogar un bon partit. Es dus equips disputèren ath màxim es 120 menutes que durèc eth partit, demostrant atau aué ua bona condicion física. Era U.E. Bossòst damb un equip fòrça joen sajèc de portar era iniciatiua deth jòc; Ignasi auèc era milhor ocasion ena prumèra mietat. Tanben Alex, en un shut de luenh, portèc eth perilh ena porteria francesa. Eth Larboust-OÒ non portèc guaire perilh ena prumèra mietat.
Ena dusaua mietat continuèc eth partit igualat sense qu’es portèrs auèssen de trebalhar guaire. Eth nòste portèr Luis auèc de desviar tamb eth pé un shut dera delantera francesa. Per part aranesa es shuts de fauta e cornèrs non siguèren ben profitadi.
Ena prolongacion deth partit se reclamèc ua fauta a Alex laguens der àrea francesa, mès er arbitre non fiulèc arren. Tamb eth 0-0 s’arribaue ara fin des 120 menutes.
Enes lançaments de penaltys ,eth Larboust-OÒ guanhèc 3-4 ara U.E. Bossòst.

Ath finau eliminadi dera Copa de Midi en un partit igualat dauant un equip de categoria inferior mès que demostrèc bones manères. Ara, a cambiar eth chip e dedicàs-se ara Liga e ara Copa de Comminges.

Pròplèu partit eth dissabte 24 de seteme en Bossòst tàs 20 ores, dusaua jornada deth campionat de liga contra er equip de Landorthe.

U.E. Bossòst: Luis, Dani, Hector, Liaño, Felipe, Adrian, Javi Iglesias, Alex, Moha, Ignasi, Pipe. Remplaçants: Mutu, Paul, Ariel.
Trainer: Adrian
Tarjetes auriòles: Dani (50’).

Larbost-OÒ: Tresserre, Andrillon, Heride C, Joly, Escole P., Heride J., Heride Y., Rossi, Dulon, Baux, Arnauduc. Remplaçants : Jean, Faure, Escole S..
Trainer : Tine Jean Claude.
Tarjetes auriòles : Arnauduc (28’), Heride J. (75’), Faure (85’).

Arbitre: Ferran David.

Cap comentari: