Golejada e passam as ½ finaus dera Copa de Comminges

Valentine S.C. 0 - U.E. Bossòst 4

Classificacion facil entàs ½ dera Copa de Comminges era artenhuda pera U.E. Bossòst. Partit dominat en tot moment per equip aranés que disposèc de nombroses ocasions. Ena prumèra mietat ja podèc sentenciar eth partit, Miguel en dues ocasions enes que lo mès facil era plaçar era pilota laguens dera porteria shutaue dehòra. Paba tanben auèc ua bona ocasion. Tamb eth 0-0 s’ arribaue ath descans.
Ena dusaua mietat pluja de gols entar equip aranés. Sonque començar, Eric se plantaue dauant de Fasan e marcaue eth 0-1 en un shut ras. Ignasi en un shut de vaselina marcaue un polit gol: ère eth 0-2. Non tardàuem guaire en marcar e eth madeish Ignasi remataue un centre en àrea petita, ère eth 0-3. Eth quart gol arribaue a 5 menutes deth finau en que Viló se regatejaue ath portèr francés Fasan e marcaue a puerta ueda, ère eth 0-4. Moha tanben disposèc de bera ocasion entà marcar, sense sort ena rematada finau.

Ath finau, golejada facil dauant un rivau en que non a shutat ena nòsta porteria, Marcos a estat sense auer de parar cap de pilota. E ara, a pensar enes ½ finaus que ja sòn aquiu, ben lèu.

Cau arregraïr ara aficion que responèc e se desplaçèc enquia Valentine a dar suport ath sòn equip; les demoram a toti ena semifinau d’aguest dissabte.

Eth pròplèu partit jogam es ½ de finau dera Copa de Comminges en Cierp, eth dissabte 30 de abriu tàs 20 :00 ores contra er equip U.S. Garonne.

Valentine: Fasan, Alcover, Aouam, Jibbou, Pardo, Garoui, Gomez, Garcia, Canevese, Toulouse, Stoll. Remplaçants: Delage, Maury, Prat.
Tarjetes auriòles : Gomez (78’).
Trainer : Mathieu Laurent.

U.E. Bossòst: Marcos, Marc (65’ Arroyo), Eric (59’ Moha), Viló, Felipe, Jorge , Javi (66’Dani), Alex, Paba, Ignasi, e Miguel.
Trainer: Adrian.

Gols : 0-1 Eric (50’), 0-2 Ignasi (60’), 0-3 Ignasi (70’), 0-4 Viló (85’).
Arbitre: Desprats Serge.
Líniers : St Paul Arnaud, Hubert Marc.

Era U.E. Bossòst serà present ena finau dera Copa deth Rei 2011

Aguest dimèrcles 20 de abriu finau dera Copa deth Rei 2011 en Valencia entre es equips deth Real Madrid e F.C. Barcelona serà retransmitida en aranés per TV3 per Silvia Puertolas e Jordi Delaurens.

Hèrem a patir ath líder

ClaracPointis 3 - U.E. Bossòst 2 Partit sense complexes dera U.E. Bossòst, ath despient des baishes qu’auíem, eth que se joguèc aguest dissabte en Clarac. Jòc igualat en sòn començament a on se veiguèc eth perilh deth Clarac : es contres, tamb es sòns jogadors ràpits e es cornèrs e fautes. En un lançament de fauta, eth Clarac dauríe eth marcador ; Via, en un shut pera esquaira, marcaue un polit gol. Era U.E. Bossòst non se desmoralizèc peth gol encaishat e 5 menutes mès tard Paba a passada d’Ignasi marcaue er empat a 1. Marcos auec d’ arturar es boni shuts de Youri abantes d’arribar ath descans tamb empat a 1 en marcador. Ena dusaua mietat, as 10 menutes auèrem era mala sort en un cornèr en marcà-mos un gol en pròpia porteria. Un aute viatge, Paba en ua jogada laguens der àrea petita podèc shutar e empatar a 2 gols. Quedaue mieja ora de partit e eth líder patíe entà arténher era victòria. Youri en ua jogada personau, se plantaue dauant de Marcos e marcaue eth 3-2. Encara quedaue un quart d’ ora long enquiath finau, er equip aranés sajèc d’empatar eth partit, e non auec guaire oportunitats. Ath finau ,derròta cuerta dauant eth líder, se hèc un bon partit e açò mos a de dar talents entàs partits dera Copa de Comminges. Eth pròplèu partit jogam es ¼ de finau dera Copa de Comminges en Valentine, eth dissabte 23 de abriu tàs 20 :00 ores contra er equip locau. ClaracPointis: Boutramanscur, Ribet, Hernandez, Ferrere, Leon S., Borreda, Leon T., Via, Youri, Yoan, Ludwing. Remplaçants: Cambours, Denax, Ducasse. Tarjetes auriòles: Borreda (26’). U.E. Bossòst: Marcos, Marc (45’ Dani), Juanka, Viló, Felipe, Jorge (70’ Polilla), Javi, Paba, Ignasi, Arroyo (45’ Javi Castet) e Pèir.. Tarjetes auriòles : Marcos (35’), Jorge (68’). Trainer: Jordi. Gols : 1-0 Via (25’), 1-1 Paba (30’), 2-1 Marc (p.p. 55’), Paba 2-2 (60’), 3-2 Youri (70’). Arbitre: Lozes Henri.

Sorteig 1/2 Finau Copa de Comminges

Eth sorteig dera 1/2 finau dera Copa de Commiges realitzat agèr en St. Gaudens ei:

F.C. ClaracPointis - Martres Tolosane.

U.S. Garonne - Guanhador 1/4 de finau entre Valentine - U.E. Bossòst.

Segurament es partits se jogaríen era darrèra dimenjada deth mes de abriu.

Mos classificam entàs ¼ de finau dera Copa de Comminges

U.E. Bossòst 2 – E.C. Aurignac 0 Objectiu artenhut aguest dissabte en Bossòst dauant er equip der Aurignac. Victòria cuerta entàs oportunitats qu’ auèrem. As 15 menutes, Paba tot solet shutaue dehòra dauant deth portèr francés. En ua bona jogada de Pèir, Ignasi remataue de cap desviat dera porteria. Ena menuta 30 Paba artenhíe eth 1-0 en un polit gol, en un shut des de dehòra der àrea en qu’eth portèr Daubian non podíe hèr arren entà arturar era pilota. Ena menuta 40 ampliauem era diferéncia en marcador dempús d’ un bon passe de Javi donques Pèir se plantaue dauant Daubian e marcaue d’ un fort shut eth 2-0. Er Aurignac sonque cercaue ath son delantèr St. Laurans entà crear perilh, mès era defensa aranesa estec fòrça ben. Tamb eth 2-0 s’ arribaue ath descans. Ena dusaua mietat, as 15 menutes, er Aurignac auèc era milhor ocasion entà reduir distàncies en marcador quan un jogador shutaue des de dehòra der àrea e era pilota desviada pera defensa aranesa tocaue eth garròt dera porteria. Era U.E. Bossòst reaccionèc e Paba tot solet remataue dehòra dera porteria. En un centro de Pèir, Ignasi remataue de cap ath ran deth garròt dera porteria francesa. En ua fauta tirada per Javi, Castet non podèc acabar de méter era pilota laguens dera porteria. Enes menutes finaus eth partit s’ enlordic un sinhau e patirem tarjetes auriòles que non èren de besonh. Er Aurignac acabèc tamb 10 jogadors. Ath finau, classificacion entàs 1/4 de finau dera Copa de Comminges, partit que jogaram contra eth Valentine. Eth pròplèu partit jogam en Clarac, eth dissabte 16 de abriu tàs 20 :00 ores en contra er equip deth ClaracPointis. U.E. Bossòst: Marcos, Marc (45’ Dani), Juanka, Viló, Felipe, Jorge (70’ Polilla), Javi, Paba, Ignasi, Arroyo (45’ Javi Castet) e Pèir.. Tarjetes auriòles : Marc, Jorge, Pèir e Javi Castet. Trainer: Adrian. E.C. Aurignac: Daubian, Malvaud, Cazenave I, Ane, Barousse, Alves, Cazenave II, Bouche, Marinho, Fabre, St. Laurans. Remplaçants: Hurle, Da Cruz Tarjetes auriòles: Cazenave I, St. Laurans, Hurle. Tarjeta vermelha: Cazenave I Trainer: Lapuyade Joël. Gols : 1-0 Paba (30’), 2-0 Pèir (40’). Arbitre: Hubert Marc.

Golejada ath Valentine

U.E. Bossòst 4 – S.C. Valentine 1 Partit sense guaire istòria eth d’aguest dissabte en Bossòst donques as 5 menutes eth partit ja i ère sentenciat. Non s’ auie arribat ara prumèra menuta quan Paba profitaue un error dera defensa e se plantaue dauant de Fasan e marcaue a plaser eth 1-0. Ena menuta 5´ se marcaue eth 2-0 en un long desplaçament deth nòste portèr Marcos, un defensa toquèc mau era pilota e eth bot susprenie ath portèr deth Valentine. Se shumaue ua golejada. Ena menuta 20 en ua jogada peth costat d’ Ignasi e rematat per Paba se marquèc eth 3-0. Ena menuta 30 eth Valentine reduie distàncies en marcador en tot marcar eth milhor gol dera net en que Gomez des deth miei camp susprenie a Marcos. Tamb eth 3-1 s ’arribaue ath descans. Ena dusaua mietat, mès domini der equip aranés. Ena menuta 70´, Moha, marcaue eth 4-1. Eth nòste jogador Ignasi auec bères ocasions entà marcar de cap, mès en dues rematades tot solet non artenhèc eth gol e ath delà, en ua jogada en qu’eth sòn remat de cap acabaue en gol, aguest siguèc anulat incomprensiblement per arbitre per fauta inexistent ath portèr francés. Eth Valentine , en tota era dusaua mietat non s’ apropèc ena porteria aranesa. Ath finau, golejada a un equip dera part baisha dera classificacion. Aguesta victòria mos torne a plaçar tresau ena classificacion deth campionat. Ara, a pensar en important compromís dera Copa de Comminges d ’aguest pròplèu dissabte. Eth pròplèu partit jogam es 1/8 de finau dera Copa de Comminges, eth dissabte 9 de abriu tàs 20 :00 ores en Bossòst, contra er equip der Aurignac. U.E. Bossòst: Marcos, Dani, Juanka, Viló, Felipe, Gachi (45’ Arroyo) , Polilla, Paba, Ignasi, Madrid e Alex (60’ Moha). Tarjetes auriòles : Dani. Trainer: Adrian. S.C. Valentine: Fasan, Alcover, Aouam, Jibbou, Alaoui, Canevese, Gimenez, Gomez, Stoll, Toulouse, Diaz. Remplaçants: Duthu, Maury, Delage. Tarjetes auriòles: Delage. Trainer: Mathieu Laurent. Gols : 1-0 Paba (1’), 2-0 Alaoui (p.p 5’), 3-0 Paba (20’), 3-1 Gomez (30’), 4-1 Moha (70’). Arbitre: Guezello Guy.