¡¡¡ Guanham eth derbi !!!

B. Luchon 0 - U.E. Bossòst 1 Típic partit de derbi eth jogat aguest darrèr dissabte en Luchon. Partit en que er equip aranés controlèc era situacion pendent es 90 menutes a despiet de jogar damb dus jogadors de mens en bona part deth partit. Era U.E. Bossòst artenhíe eth 0-1 en un bon passe de Miguel entre es dus centrals deth Luchon e que Ignasi profitaue entà marcar dauant era gessuda de Cazes. Ère eth 0-1. Eth Luchon reaccionèc enes botes deth sòn milhor jogador Sales, trincaue eth dehòra de jòc e tot solet dauant de Marcos shutaue desviat dera porteria. Pèir en ua gran jogada personau podie auer ampliat eth marcador. Ena menuta 40 Miguel ère expulsat per dusaua tarjeta auriòla. Tamb eth 0-1 s’arribaue ath descans. Ena dusaua mietat damb 10 jogadors, er equip aranés se defenèc fòrça ben e deishèc ath Luchon sense cap ocasion entà marcar. Ena menuta 60 i auèc era jogada que podèc sentenciar eth partit: Felipe, en ua gran jogada personau ère derribat en àrea deth Luchon, eth clar penalty fiulat per arbitre siguèc shutat peth madeish, mès eth portèr Cazes arturaue era pilota. Ath delà, ena menuta 70 a Jorge li meteren era dusaua tarjeta auriòla e mos quedauem tamb 9 jogadors. Auèrem sort que Sales ena menuta 80 veiguèc era dusaua tarjeta auriòla e deishaue ath sòn equip damb 10 jogadors. Ath finau ,sense cap de perilh ena nòsta porteria, s’arribaue ara fin deth partit damb eth 0-1. Victòria important entà agarrar morau entàs pròplèus compromisi, e cambiar era dinamica de resultats dolenti d’ aguest dusau torn. Eth pròplèu partit jogam eth dissabte 2 de abriu tàs 20 :00 ores en Bossòst, contra er equip deth Valentine. B.luchon : Cazes, Coutinho, De Abreu, El Mahraoui, Novals, Revertegat, Tisme, Baup, Savazzi, Julia, Sales. Remplaçants : Lansalot. Tarjetes auriòles : De Abreu, El Mahraoui, Novals, Sales, Lansalot. Tarjeta vermelha : Sales. Trainer : Julia Rene. U.E. Bossòst: Marcos, Marc, Miguel, Adrian, Felipe, Jorge , Javi (75’ Gachi), Ruben, Ignasi (70’ Madrid), Pèir(65’ Arroyo) e Alex. Tarjetes auriòles :Miguel, Jorge, Paba. Tarjetes vermelhes: Miguel, Jorge Trainer: Adrian. Gols : 0-1 Ignasi (25’). Arbitre:Castro Antoine.

Tornam a pèrder en casa

U.E. Bossòst 1 – U.S. Garonne 2

Non i a manèra de guanhar un partit en aguest dusau torn deth campionat. Un auta derròta en casa en un partit igualat sustot ena prumèra mietat a on es dus equips poguèren daurir eth marcador. Er U.S. Garonne se mostrèc coma un equip defensiuament ben plaçat e sajant de profitar es jogades deth sòn milhor jogador Pailloux. Ena prumèra mietat un centre-shut de Belarbi tocaue eth garròt dera porteria aranesa. Ara seguida, Pèir en ua jogada d’estrategia dempús d’un corner shutaue mès eth portèr Rachid hège ua gran arturada e desviaue era pilota. Tamb eth 0-0 s’arribaue ath descans.
As 10 menutes dera dusaua mietat, er U.S. Garonne marcaue eth 0-1 en ua jogada de mala sort, Marcos esguitlaue e eth shut deth delantèr francés entraue suaument ena porteria aranesa. Ena menuta 70´ Pailloux marcaue eth 0-2 en un gran gol de vaselina per dessús deth portèr aranés. Era U.E. Bossòst sajèc de retalhar distàncies en marcador mès non ac harie enquiara menuta finau en què un clar penalty a Ignasi siguèc shutat per Felipe entà marcar eth 1-2, resultat que seria definitiu.
Ath finau, un auta derròta en casa, èm en fase descendent, non auem sort, es equips mos marquen prumèr e semble qu’ei impossible remontar.
Era única nota positiua ei era tornada d’Ignasi e Juanka dempús des sues lesions.
Eth pròplèu partit jogam eth dissabte 26 de març tàs 20 :00 ores en Luchon, derbi deth Portilhon, contra er equip locau.

U.E. Bossòst: Marcos, Juanka (70’ Madrid) Alex, Jorge, Felipe, Gachi , Javi, Ruben, Miguel Pèir(70’ Javi Castet) e Arroyo (60’ Ignasi).
Tarjetes auriòles :Felipe, Jorge, Miguel, Ignasi, Pèir.
Trainer: Jordi.

U.S. Garonne: Rachid, Bresquignan, Verge, Baboulet, Loufti, Heuillet, Essaoui, Belarbi, Pellegrin, Pailloux, Saurrat. Remplaçants:Benchohra, Tari, Saurat.

Tarjetes auriòles: Pailloux.

Trainer: J.M. Laplagne.

Gols : 0-1 Pellegrin (55’), 0-2 Pailloux (70’), 1-2 Felipe (90’).

Arbitre:Laven Mickael.

Un líder massa fort

U.E. Bossòst 0 – U.S. SaliesMane 3

Un SaliesMane reforçat tamb jogadors deth prumèr equip s’emportèc ua clara victòria en Bossòst. Sonque començar eth partit, Barnier de cap marcaue pera esquaira dera porteria aranesa. Era U.E. Bossòst ena prumèra mietat sajèc d’ arribar ena porteria de Claverie des de shuts de luenh, atau Pèir shutaue entà dehòra dempús d’ un cornèr e Adrian shutaue ras e eth portèr arturaue era pilota. Eth SaliesMane en un aute cop de cap de Barnier, tocaue eth garròt dera porteria aranesa. Tamb 0-1 s’arribaue ath descans.
Ena dusaua mietat , en un inici era U.E. Bossòst dominèc eth partit e auèc ocasions entà empatar. Paba en ua bona jogada se plantaue dauant eth portèr e shutaue per dessús dera porteria deth SaliesMane.
En tram finau deth partit , eth SaliesMane marcaue dus gols mès que deishàuen eth partit sentenciat.
Ath finau 0-3 dauant un molt bon equip. Non auèrem sort ath començament dera dusaua mietat en que mereishíem bèth gol ;eth SaliesMane profitèc fòrça ben es sues jogades d’atac.
Classificacion : SaliesMane 55, ClaracPointis 49, Luchon 40, Encausse e Bossòst 38, Garonne 37.

Eth pròplèu partit jogam eth dissabte 19 de març tàs 20 :00 ores en Bossòst contra eth U.S. Garonne

U.E. Bossòst: Marcos, Marc , Miguel, Viló, Felipe, Gachi (60’ Madrid) , Javi, Adrian , Alex (60’ Ruben), Pèir e Arroyo.
Tarjetes auriòles : Marc.
Trainer: Adrian.

U.S. SaliesMane : Claverie, Laffont I, Cazenave, Ferran I, Laffont II, Martins, Barnier, Brih, Hanscotte, Uchan, Dias. Remplaçants : Fronton, Ferran II, Roca

Arbitre: Desprats Serge.

Eth pròplèu dissabte mos visite eth líder

Eth pròplèu dissabte 5 de març tàs 18:00 en Bossòst jogam contra eth líder deth campionat eth SaliesMane . Aguest equip e eth ClaracPointis s'han destacat ath dauant dera classificacion:

SaliesMane 51, ClaracPointis 49, Luchon 40, Encausse 38 e Bossòst 37.