Mos manquèc eth gol

E.S. Boussens 0 - U.E. Bossòst 0

Empat a 0 en partit disputat aguest darrèr dissabte en Boussens. Terren de jòc tamb fòrça hanga çò que dificultèc eth jòc des dus equips.
Partit dominat per equip aranés mès sense auer guaire oportunitats de gol. Ena prumèra mietat , Pèir auèc era ocasion mès clara de tot eth partit en rematar tot solet en dusau garròt mès quan era pilota entraue eth portèr Bourot la treiguèc. Es jogadors aranesi reclamèren ar arbitre qu’ era pilota auie entrat. Eth Boussens auèc ua aproximacion en àrea dera U.E. Bossòst tamb un shut des de dehòra der àrea. En un bon centro Javi Castet auèc ua bona ocasion, mès shutèc luenh dera porteria. Tamb 0-0 s’arribaue ath descans.
Ena dusaua mietat atau coma ena prumèra , iniciatiua dera U.E. Bossòst e eth Boussens sajant de suspréner ara defensa aranesa. Molt poques oportunitats en aguesta dusaua part, sonque un shut d’Arroyo qu’eth portèr Bourot desvièc entath cornèr.
Ath finau 0-0, un trist empat que a despiet de qu’er arbitre non fiulèc guaire ben, sustot enes dehòra de jòc, auíem de guanhar aguest partit dauant un rivau bastant hloish ; mos manquèc eth gol, quauquarren esenciau entà podèr guanhar es partits. Ara, era dimenjada que ven descansam, e non serà enquia d’aciu quinze dies que tornaram a jogar.

Eth pròplèu partit jogam eth dissabte 5 de març tàs 20 :00 ores en Bossòst contra eth SaliesMane.

E.S. Boussens : Bourot, Benazi, Mehaouti, Darnaud, Capo, Bachet, Marco, Massat, Mothe, Hritane, Boukebouche. Remplaçants :Puyo, Ghazouani, Moustati.
Tarjetes auriòles : Bachet, Ghazouani.
Trainer : Ortega Stephane.

U.E. Bossòst: Marcos, Marc , Alex, Jorge, Felipe, Gachi (45’ Eric) , Javi, Javi Castet (45’ Ariel) , Paba, Pèir e Madrid (45’ Arroyo).
Tarjetes auriòles :Felipe, Javi Castet, Pèir.
Trainer: Jordi.

Arbitre: Fortin Jacques.

Derròta contundent en casa

U.E. Bossòst 2 – U.S. Encausse 4

Derròta contundent era qu’ auem patit aguest darrèr dissabte en partit disputat contra er Encausse en Bossòst. Ei vertat qu’er equip auie fòrça baishes mès es errors defensius mos an penalitzat fòrça dauant un bon equip. Partit equilibrat sense lèu ocasions de gol enquiara menuta 33 en que Paya profitaue un error defensiu entà marcar eth 0-1. 5 menutes mès tard , en ua jogada desafortunada dera nòsta defensa, s’ aprofitaue Brana A. entà marcar eth 0-2. Semblaue difícil retalhar es diferéncies en marcador mès Javi Castet aprofitaue ua bona jogada entà marcar eth 1-2, resultat damb eth que s’arribaue ath descans.
Encara quedaue tota era dusaua mietat e tot ère possible. Gessèren damb era intencion d’empatar e çò que passèc ei qu’ un aute error defensiu permetèc a Germa marcar eth 1-3. Encara quedauen 30 menutes de partit e er equip aranés sajèc de reduir diferéncies. Atau , ena menuta 73 Miguel aprofitaue ua badada deth portèr Paya M, entà marcar eth 2-3. Quedaue un quatau d’ora e sajèrem d’empatar, mos quedèrem tamb defensa de 3 jogadors mès non auèrem cap oportunitats. Ena menuta 93 Servat aprofitaue , mau plaçat eth nòste portèr Alex, entà marcar de fauta directa des deth costat dret. Ath finau 2-4 entath Encausse.
Sabem qu’ eth fotbòl ei un joc e qu’er equip que hè mens errors ath finau a fòrça possibilitats de guanhar eth partit. Nosati aguest darrèr dissabte derem fòrça facilitats entà encaishar aguesta derròta. Demoram èster milhor enes pròplèus compromisi, encara quedent 9 partits deth campionat e èm enes 1/8 de finau dera Copa de Comminges ; non auem de pèrder era morau, encara podem arténher es objectius de començament dera sason.

Eth pròplèu partit jogam eth dissabte 19 de hereuèr tàs 20 :00 ores en Boussens contra er equip locau.

U.E. Bossòst: Alex, Dani, Marc , Viló, Felipe, Gachi , Jorge, Javi Castet (45’ Miguel) , Paba, Pèir (5’ Madrid) e Arroyo.
Tarjetes auriòles :Jorge e Viló
Trainer: Jordi.

U.S. Encausse : Paya M., Descoubes, Brana G., Bissieres, Perrood, Brana A., Duclos, Le Vecher, Brana O., Masi, Paya S. Remplaçants: Germa, Servat, Suspene.
Tarjetes auriòles : Le Vecher.
Trainer : Germain Thierry.

Gols: 0-1 Paya (33’), 0-2 Brana A. (38’), 1-2 Javi Castet (43’), 1-3 German (62’), 2-3 Miguel (73’),2-4 Servat (93’).

Arbitre: Darnaud Claude.

Empatam a 1

Montastruc de Salies F.C. 1 - U.E. Bossòst 1

Partit igualat eth disputat en Montastruc aguest darrèr dissabte. Non i auèc guaire ocasions de gol entàs dus equips e es defenses s’imposèren as atacs. Ena prumèra mietat, sonque començar, as 5 menutes gol anulat ath Montastruc per mans de sòn delantèr en portà-se era pilota. Er equip aranés sajèc de portar era iniciatiua deth jòc, mès non siguèc bric fàcil degut ara forta pression der equip contrari; òc que i auèc bones jogades mès mancàue era darrèra passada entà poguer auer ua bona ocasion. Tamb 0-0 s’arribaue ath descans.
Ena dusaua mietat tot igual: poques ocasions de gol e eth Montastruc sajant d’ hèr bera jogada de contratac entà suspréner era nòsta defensa. Es gols arribèren en darrèr quart d’ora deth partit. S’ auançaue eth Montastruc en ua jogada en qu’ un rebot plaçaue era pilota en cap de Embareck que tot solet remataue eth 1-0. Era U.E. Bossòst non se dèc per perduda e persistic en sòn jòc entà empatar. Eth premi arribaue a 5 menutes deth finau quan Arroyo profitaue un error dera defensa locau , se plantèc dauant de Cucuron e shutèc ras jos era gessuda deth portèr. Ère eth 1-1, resultat ath finau deth partit.
Ath finau , repartiment de punts, dauant un rivau que mos agradèc mès qu’ eth partit d’anada. Era U.E. Bossòst luitèc ath màxim entà arténher un resultat positiu, a despiet d’anar darrèr en marcador.
Classificacion : ClaracPointis 41, Salies 39, U.E. Bossòst 34, Luchon e U.S. Garonne 31.

Eth pròplèu partit jogam eth dissabte 12 de hereuèr tàs 20 :00 ores en Bossòst contra er equip der Encausse.

Montastruc : Cucuron, Brun, Saint Martin, Ribet, Gracia, Lacarrare C., Lacarrere T., Raynaud, Embarek, Rampon, Cardillo. Remplaçants :Da Costa, Martinez, Ripoll.
Tarjetes auriòles : Lacarrare C., Embareck.
Trainer: Arreou Patrick.

U.E. Bossòst: Marcos, Dani, Miguel , Viló, Felipe, Javi (75’ Gachi) , Jorge, Alex , Ariel (60’ Paba), Pèir, e Arroyo (75’ Madrid).
Tarjetes auriòles : Javi, Jorge, Miguel e Viló.
Trainer: Jordi.

Gols: 1-0 Embarek (75’),1-1 Arroyo (85’).

Arbitre: Desprats Serge.