Eth líder Clarac Pointis guanhe en Bossòst

U.E. Bossòst 0 – Clarac Pointis F.C. 2

Partit vibrant entre eth líder deth campionat e era U.E. Bossòst. Eth Clarac Pointis siguèc fòrça contundent en inici deth partit e eth prumèr quatau d’ora auèc es arribades mès perilhoses. Ena menuta 15 Bernoville Your marcaue eth 0-1 en shutar dauant de Marcos. Aguest gol hèc fòrça mau ar equip aranés qu’ ena prumèra mietat sonque shutaue a porteria des de luenh sense guaire perilh. Tamb eth 0-1 s’arribaue ath descans.
Ena dusaua mietat, enes prumères menutes, Pèir auèc ua bona oportunitat mès eth portèr deth Clarac Pointis desvièc era pilota en ua bona arturada. Deth possible 1-1 passèrem ath 0-2 en aprofitar Bernoville Your ua pilota en profunditat e shutar per dessús dera gessuda de Marcos. Encara quedaue fòrça temps entà acabar eth partit. Er equip aranés sajèc de marcar mès non siguèc possible. Es jogades mès perilhoses siguèren ua queiguda de Miguel laguens der àrea (penalty) qu’er arbitre senhalèc dehòra der àrea e un bon centro de Pèir que Madrid en punt de penalty solet non podèc plaçar era pilota laguens dera porteria de Boutramansour.
Ath finau, prumèra derrota deth campionat en nòste terren de jòc per 0-2.
Cau díder qu’eth líder se mostrèc coma un equip fòrça solid defensiuament e fòrça contundent enes sues arribades ath contratac. Era U.E. Bossòst luitèc enquiath darrèr moment entà apropar eth marcador. Tamb aguest partit s'acabe era prumèra mietat deth campionat. Ara manque era dusaua mietat que demoram sigue tant bona o milhor qu'era prumèra.
Classificacion: Clarac Pointis 40, SaliesMane 35, U.E. Bossòst 32, Luchon 31.

Eth pròplèu partit jogam eth dissabte 5 d’ hereuèr tàs 20 :00 en Montastruc de Salies contra er equip locau.

U.E. Bossòst: Marcos, Dani (45’ Gachi), Marc , Liaño, Felipe, Javi , Jorge, Alex , Paba (65’ Javi Castet), Pèir, e Miguel (75’ Madrid).
Tarjetes auriòles : Javi (75’), Jorge (89’).
Trainer: Adrian.

Clarac Pointis F.C. : Boutramansour, Hernandez, Maury, Cambours, Ferrere, Leon S., Borreda, Leon T., Daffos, Bernoville Yann, Bernoville Your. Remplaçants : Ribet, Fourment, Pouyfourcat.
Tarjetes auriòles : Borreda (89’).
Trainer : Hernandez Eric.

Gols: 0-1 Bernoville Your (15’), 0-2 Bernoville Your (50’).

Arbitre: Duprat Philippe.

Plòplèu partit contra eth líder

Eth plòplèu dissabte 29 de gèr tas 20:30 en Bossòst, partit contra eth líder deth campionat Clarac Pointis F.C.

Classificacion:Clarac Pointis 36, SaliesMane 35, U.E. Bossòst e Luchon 31. Cau díder que Luchon a dus partits de més jogadi e Clarac Pointis un partit de més.

¡¡¡ Amplís eth camp, anima eth tòn equip, fòrça U.E. Bossòst !!!.

Partits suspenudi

Es dus partis que s'auien de jogar en Bossòst aué dissabte s'han suspenut pr'amor qu'eth terren de joc era fòrça gelat. Atau es partits dera E.F. Val d'Aran e U.E. Bossòst contra eth SaliesMane se jogaran pendent eth mes d'hereuèr.

Un gol de Paba mos da era victòria

E.S. Martres Roquefort 0 - U.E. Bossòst 1

Victòria trebalhada era artenhuda aguest darrèr dissabte en Martres Tolosane. Era prumèra mietat siguèc fòrça igualada. Shuts des de luenh sense guaire perilh e poques arturades des portèrs. Ena menuta 35 se marcaue eth que serie er únic gol deth partit en ua bona jogada colectiua : Paba encaraue eth portèr Firmino e shutaue ua pilota rasa qu’ entraue laguens dera porteria deth Martres. Ère eth 0-1. Eth Martres sajèc d’empatar abantes deth descans mès Liaño parèc un shut des de dehòra der àrea. Tamb 0-1 s’arribaue ath descans.
Ena dusaua mietat dominèrem milhor eth jòc .Pèir e Miguel aueren ocasions tà marcar bèth gol, ath delà de bèra jogada en que mos fiulèrem dehòra de joc quan ja encaràuem ath portèr contrari. Eth Martres auèc era milhor ocasion deth partit ena menuta 25 quan eth sòn delantèr centre se plaçaue dauant de Liaño e non podèc acabar era sua jogada pera bona actuacion deth portèr aranés.
Eth Martres sajèc d’empatar enes darrères menutes sense poder arténher eth sòn objectiu.
Victòria important que mos plaçe ena part nauta dera classificacion : Clarac e Salies 35, Bossòst 31, Luchon 30.
Ara bien, dus partits fòrça importants contra es dus equips prumèrs dera classificacion entà poder apropà-se ath prumèr lòc.

Eth pròplèu partit jogam partit de liga eth dissabte 22 de gèr tàs 20 :00 en Bossòst contra er equip de SaliesMane.

E.S. Martres Roquefort : Firmino, Bresten, Eychenne, Gautier, Tetard, Camayon, Coutanceau, Quantin, Loze, Gomes, Rouquette. Remplaçants : Batralle, Vivini, Querre.
Tarjetes auriòles : Rouquette (32’), Coutanceau (65’), Gautier (77’), Bresten (87’), Batralle (87’).
Trainer : Tetard Guy.

U.E. Bossòst: Liaño, Dani, Juanka (70’ Gachi), Marc , Felipe, Javi , Jorge, Alex (80’ Madrid), Paba (60’ Javi Castet), Pèir, e Miguel.
Tarjetes auriòles : Javi (20’), Paba (50’), Marc (68’), Dani (75’), Miguel (87’).
Trainer: Adrian.

Gols: 0-1 Paba (35’).

Arbitre: Zoubir Jamal.

Victòria fàcil e classificacion entàs 1/8 de finau dera Copa de Comminges

U.E. Bossòst 3 – U.S. Miramont 0

Prumèr partit d’ enguan 2011 e victòria fàcil entà classificà-mos entàs 1/8 de finau dera Copa de Comminges.
Partit dominat pera U.E. Bossòst enes 90 menutes sense qu’eth Miramont auesse cap d´oportunitat en tot eth partit. Ena prumèra mietat, a despiet de dominar, poques ocasions entà marcar. Un bon shut de Pèir dempús d’un corner anèc entà dehòra per poc dempús de qu’era pilota toquesse involuntariament en arbitre. Ena menuta 35 artenhíem eth 1-0 en ua bona jogada d’Eric e que Miguel profitaue entà marcar. Abantes d’arribar ath descans poguèrem ampliar eth marcador mès non estèrem acertadi ena passada finau e s’arribaue ath descans tamb 1-0.
Ena dusaua mietat sonque començar sentencièrem eth partit: en ua jogada entre Pèir e Paba, aguest darrèr marcaue eth 2-0 en tot ampliar eth marcador ath nòste favor. Er equip ,en aguesta dusaua mietat ei quan milhor joguèc. Ena menuta 70, Polilla de fauta directa marcaue eth 3-0. Encara auèrem mès ocasions entà marcar; Miguel en un shut des de luenh auèc ua bona ocasion mès eth portèr desvièc entà cornèr. Ath finau, 3-0 e classificadi entàs 1/8 de finau que jogaram a finaus de mes en casa contra er Aurignac. Ara, tornam a jogar partit de liga, eth darrèr partit deth prumèr torn.

Eth pròplèu partit jogam partit de liga eth dissabte 15 de gèr tàs 20 :00 en Martres Tolosane contra er equip locau.

U.E. Bossòst: Liaño, Marc , Eric, Adrian , Felipe, Javi , Alex (60’ Polilla), Paba (60’ Madrid), Pèir, Ignasi e Miguel (65’ Javi Castet).
Trainer: Adrian.

U.S. Miramont: Sanmartino I, Sanmartino II, Ousset, Mohrani, Campo I, Pacheco, Vit, Martinez, De Sousa, Jimenez, Campo II. Remplaçant: Clave.

Trainer: Clave Dominique.

Gols: 1-0 Miguel (35’), 2-0 Paba (50’), 3-0 Polilla (70’).

Arbitre: Desprats Serge.

Partit 1/16 de Finau de Comminges

Eth plòplèu dissabte 8 de gèr tas 18:00 en Bossòst prumèr partit d'aguest an 2011.

1/16 de finau Copa de Comminges:

U.E. Bossòst - U.S. Miramont