Enquiath 2011

Enquiath 8 de gèr non jogaram segurament eth prumèr partit der an.

¡¡¡ Bon Nadau e Erós An Nau 2011 entà toti !!!

Partit suspenut

Degut ara nheuada d'agèr diuendres s'ha suspenut eth partit de Copa Comminges entre era U.E. Bossòst e eth Miramont.

Tambén s'ha suspenut eth partit dera E.F. Val d'Aran qu'auie de jogar en Vielha contra eth Cazeres.

Auançam era ora deth partit

Auançam era ora deth partit de Copa contra eth Miramont a jogar en Bossòst aguest dissabte 18 de deseme tàs 18:00.

De totes maneres era nhèu d'aguest dijaus e es previsions non son guaire bones entà poder jogar eth partit en Bossòst.

Empat a 2: Perdem es prumèrs punts en casa

U.E. Bossòst 2 – Et. Canton St. Martory 2

Prumèrs punts que perdem en casa en un partit que semblaue ben encarrilat e qu’ath començament dera dusaua mietat se mos compliquèc.
Ena prumèra mietat bones ocasions des d’ un començament: Javi Iglesias des de laguens der àrea shutaue enes mans deth portèr. Moha auèc dues bones ocasions entà poder marcar. Eth St. Martory sonque s’apropèc ena prumèra mietat ena porteria de Marcos en un shut de Candani qu’eth portèr aranés desviaue a cornèr. Responèc era U.E. Bossòst: Felipe en un bon cop de cap enviaue era pilota en garròt. Ena menuta 35’, Alex de fauta tirada ràpidament susprenie ara defensa e ath portèr deth St.Martory e marcaue eth 1-0. Ena menuta 40’ , Madrid profitaue ua pilota laguens der àrea entà marcar eth 2-0. Tamb aguest resultat s’arribaue ath descans.
Ena dusaua mietat, un inici dolent dera U.E. Bossòst siguèc aprofitat peth St. Martory entà empatar eth partit en dues jogades fòrça semblantes, dempús de shutar ues fautes en qu’era defensa e portèr non estèrem acertadi. Quedàuen 30 menutes entà acabar eth partit e tot podie passar. Eth St. Martory auèc ua bona ocasion en un shut de Khan en que Marcos arturaue molt ben era pilota. D’ aguesta ocasion enquiath finau , domini dera U.E. Bossòst. En un shut de luenh, Javi tocaue eth garròt dera porteria deth St. Martory. Enes menutes finaus Paba e Javi Castet portaren fòrça perilh en àrea deth St. Martory sense poder marcar cap de gol. Ena darrèra menuta, Marc en un shut des de dehòra der àrea podie auer marcat, mès eth portèr Delhaye desviaue era pilota a cornèr.
Ath finau , 2-2 e repartiment de punts en un partit estonant. Açò mos distancie un sinhau des líders dera categoria.

Classificacion: ClaracPointis e SaliesMane 31, B.Luchon 29, U.E. Bossòst 27.

Eth pròplèu partit jogam es 1/16 Copa de Comminges en Bossòst, dissabte 18 de deseme tàs 20 :00 contra eth Miramont.

U.E. Bossòst: Marcos, Marc , Juanka, Viló (20’ Madrid) , Felipe, Javi , Liaño, Alex, Gachi (65’ Paba), Sergio, Moha (65’ Javi Castet).
Tarjetes auriòles: Marc (50’).
Trainer: Adrian.

Et. Canton St. Martory: Delhaye, Rey, Dauban. Benac, Salles, Couderc I, Fourronx, Candani, Khan, Doyen, Couderc II. Remplaçants : Fumery, Piovan.
Trainer : Loncan Fabian.

Gols: 1-0 Alex (35’), 2-0 Madrid (40’), 2-1 Fourronx (55’), 2-2 Khan (60’).


Arbitre: Duprat Philippe.

Decision deth partit deth Luchon

Eth Comité de Litiges après era decision surt eth partit deth Bossòst- Luchon. Eth resultat ei partit perdut ath Luchon per penalizacion 3 a 0, a més non sumen eth punt de jogar eth partit. Eth son trainer ei suspenut enquia comparacion en Comité.

Era classificacion deth campionat ei:

ClaracPlaine e Salies 27, U.E. Bossòst e Luchon 25, aguest darrèr equip damb un partit de més que toti es auti.

Suspenut eth partit

Eth partit contra eth líder dera categoria d'Excellence eth Clarac Pointis que s'auie de jogar aguest dissabte 4 de deseme tas 20:30 en Bossòst s'ha suspenut pera nhèu. Tamben s'han suspenut es dus partits dera E.F. Val d'Aran -15 e -17.

Eth plòplèu partit serà eth dissabte 11 de deseme tas 20:00 en Bossòst contra er equip St. Martory.

Mereishuda victòria dehòra de casa

S.C. Valentine 1 - U.E. Bossòst 3

Mereishuda victòria dehòra de casa en un partit que, sonque ena prumèra mietat, estèc igualat e mès degut ath nòste mau jòc que non ath bon jòc deth contrari.
Eth Valentine ena prumèra mietat dauric eth marcador as 10 menutes en profitar un error de marcatge dera nòsta defensa e Aouam, tot solet dauant de Marcos, shutaue entà marcar eth 1-0. Era U.E. Bossòst sajèc de remontar en marcador en contra, mès en aguesta prumèra mietat non se trobèc comode entà jogar eth sòn fotbòl. Auèrem talents ena menuta 25 en qu’en shut des
de dehòra der àrea siguèc tocat tamb es mans per un defensa laguens der àrea e er arbitre fiulèc penalty. Felipe shutèc e marquèc er empat a 1 gol. Tamb aguest resultat s’arribaue ath descans.
Ena dusaua mietat, era U.E. Bossòst siguèc eth clar dominador deth partit. Ath quart d’ora, Ignasi remataue de cap un bon centre de Miguel e marcaue eth 1-2. Un aute bon centre de Pèir siguèc rematat per Miguel entà marcar eth 1-3. En quart d’ora finau bones oportunitats de Paba e Javi Castet entà marcar + gols mès eth sòns shuts siguèren arturadi peth portèr. Eth Valentine ena dusau mietat baishèc fòrça fisicament e s’apropèc molt poc en àrea aranesa.

Prumèra victòria dehòra de casa que mos plaçe ena part nauta dera classificacion a manca dera decision que a de préner era federacion deth partit contra eth Luchon. En aguesti moments, es dus equips compdam damb un partit de mens.

Classificacion: ClaracPointis e SaliesMane 27, B.Luchon 23, U.E. Bossòst 21.

Eth pròplèu partit jogam contra eth líder en Bossòst, un partit fòrça important eth dissabte 4 de deseme tàs 20 :30 ores.

S.C. Valentine : Fasan, Canevese, Marcos, Dussart, Pardo, Dutheil, Aouam, Alcover, Dupuy, Toulouse, Rumeau. Remplaçants : Jibbou, Mathieu.
Tarjetes auriòles: Pardo(21'), Marcos (31'), Dutheil (60').

Trainer: Soubiran Frederic

U.E. Bossòst: Marcos, Marc , Juanka, Liaño , Felipe, Javi , Alex, Gachi (45’ Ruben), Miguel, Ignasi (65’ Javi Castet) e Pèir (75’ Madrid).
Tarjetes auriòles: Liaño (53’).

Trainer: Jordi

Gols: 1-0 Aouam (10’), 1-1 Felipe (25’ p.), 1-2 Ignasi (60’), 1-3 Miguel (65’).


Arbitre: Castro Antoine.

Eth derby deth Portilhon mès cuert dera istòria

U.E. Bossòst 1 – B. Luchon 0

Eth derby deth Portilhon mès cuert dera istòria eth que se joguèc aguest darrèr dissabte en Bossòst donques ena menuta 52, dempús de qu’eth Bossòst artenhíe eth 1-0 en ua fauta tirada ràpidament per Pèir e qu’agarrèc ara defensa e ath portèr deth Luchon en calces, er equip deth Luchon a instàncies deth sòn trainer abandonèc eth terren de jòc, non sense abantes hèr ua reclamacion tecnica sus eth gol marcat peth Bossòst, reclamant qu’eth portèr auie demanat era barrera quan ei ath contrari : qui demane era distància dera barrera ei er equip atacant, jamès eth defensor ; ath delà , er arbitre dèc eth gol coma legal e marquèc er inici deth jòc des deth centre deth terren.
Quan ath partit, iniciatiua dera U.E. Bossòst en jòc en tot que eth Luchon sajaue de jogar ath contraatac a veir se podie suspréner ara defensa aranesa. Ena prumèra mietat auèrem dues bones oportunitats, ua de Pèir qu’eth portèr desvièc a cornèr e ua auta de Miguel que tot solet dauant deth portèr shutèc ath costat deth garròt. Eth Luchon auèc era milhor oportunitat en ua rematada de cap dempús d’un cornèr.

Ara, cau demorar què ei çò que decidís era federacion. De moment, auem metut en resultat eth 1-0 que ei eth resultat que i auie en moment en que abandonèc eth Luchon eth terren de jòc. Compdam aguest partit coma victòria ( cau díder que era classificacion se sarre pera part nauta ).

Classificacion: ClaracPointis e SaliesMane 23, B.Luchon 22, U.E. Bossòst 21.

Eth pròplèu partit ac jogam en Valentine contra er equip locau, dissabte 27 de noveme tàs 20 :00 ores.

U.E. Bossòst: Marcos, Marc , Juanka, Viló , Felipe, Javi , Alex, Gachi (45’ Liaño), Miguel, Ignasi e Pèir. Remplaçants : Madrid, Castet.
Tarjetes auriòles: Pèir (35’).

B. Luchon:Cazes, Boy, Novals, De Abreu, El Maraoui, Baup, Tisue, Naud, Sales, Julia, Dargassies. Remplaçants: Lansalot, Van Mo.
Trainer: Julia Renè.

Arbitre: Guezello Guy.

Adelantam era ora deth partit

Eth partit contra eth Luchon se jogarà aguest dissabte 20 de noveme tàs 18:00 en Bossòst.

Empatam a 0

U.S. Garonne 0 - U.E. Bossòst 0

Empat a 0 dauant un equip damb eth que tostemp ei dificil de jogar e sustot en sòn terren de jòc, petit e fòrça irregular e açò perjudique mès a un equip mès tècnic coma ei eth nòste. Eth jòc der equip locau tostemp çò de madeish, desplaçament long des defensas e a veir s´es delanters podíem agarrar era pilota e suspréner ara nòsta defensa. Ena prumera mietat , Belarbi profitaue un long desplaçament entà shutar a porteria mès Marcos podèc desviar eth shut. Siguèc era milhor ocasion der U.S. Garonne en tot eth partit. Era U.E. Bossòst sajaue de jogar era pilota, mès era fòrça dera defensa contraria s’imposaue as nòsti delanters. Ena prumera mietat auèrem poques ocasions tà shutar e ath delà tostemp i auie ua defensa entà despejar era pilota. Tamb 0-0 s’arribaue ath descans.
Ena dusaua mietat s’imposèc mès eth nòste jòc; tanben cau díder que er U.S. Garonne baishèc eth sòn rendiment per motius físics. Atau, Pèir auie era milhor ocasion entà marcar quan shutaue tamb era sua cama “dolenta” era dreta en garròt dera porteria de Khedin. Un shinhau mès tard , Gachi shutaue un bon shut que Khedin desviaue a cornèr. Un aute shut de Gachi siguèc desviat entà corner pera defensa. En ua bona jogada d’Alex eth sòn centre non podèc èster rematat per Ignasi. En ua jogada Ignasi shutaue hloish as mans de Khedin, eth milhor jogador der U.S. Garonne. Ena darrèra jogada deth partit, ua fauta a Gachi propicièc era expulsion de Watel. Era fauta shutada per Alex anaue per dessús dera porteria.

Ath finau, repartiments de punts. Ath long des 90 menutes auem estat er equip que sajèc de guanhar. Ara fin es dus equips auem dat per bon er empat.
Classificacion: SaliesMane e Luchon 21, ClacaPointis 19, e era U.E. Bossòst 17.

Eth pròplèu partit derby deth Portilhon e ath delà sòn es líders. Jogam eth dissabte 20 de noveme tàs 20 :00 en Bossòst contra eth Luchon.

U.S. Garonne : Khedin, Bresquignan, Dutheil, Baboulet, Garros, Silvert, Belarbi, Watel,, Abdounahouda, Pailloux, Pellegrini. Remplaçants :Saurrat, Hevillet.
Tarjetes auriòles : Pellegrini (40’), Belarbi (30’).
Tarjeta vermelha : Watel (90’).
Trainer: Laplagne Jean Luc.

U.E. Bossòst: Marcos, Marc , Miguel, Aritz , Felipe, Javi (50’ Liaño) , Alex, Gachi (80’ Ariel), Ruben (70’ Madrid) , Ignasi e Pèir.
Tarjetes auriòles: Paba (35’), Javi (48’)
Trainer: Adrian.

Arbitre: Bouchaib Karim.

Victòria cuerta

U.E. Bossòst 1 – E.S. Boussens 0

Bon partit eth jogat aguest dissabte pera U.E. Bossòst, plen de bon jòc e fòrça ocasions de gol.
Eth Boussens gràcies ara actuacion deth son portèr Bourot sonque perdèc per un gol de diferéncia. Ena prumera mietat, ena dusaua menuta , Pèir tot solet ath costat deth garròt, remataue dehòra quan ja se cantaue eth gol. Ues menutes mès tard, un cop de cap de Pèir toquèc eth garrot. Ena menuta 25 se marcaue eth que seria er unic gol deth partit: Pèir se plantaue dauant Bourot, lo driblaue e marcaue a porta ueda. Un aute viatge Pèir shutèc solet dauant eth portèr, mès aguest refusèc eth shut; era pilota l’agarrèc Miguel e shutèc per dessús dera porteria. Un bon shut de Juanka siguèc desviat entà cornèr per Bourot. Tamb 1-0 s’arribaue ath descans.

Ena dusaua mietat auèrem mès oportunitats, Paba tot solet remataue de cap, era pilota toquèc eth garròt dera porteria. Miguel dempús de driblar laguens der àrea siguèc derribat mès er arbitre non fiulet eth clar penalty. Bourot hèc ua bona arturada a shut de Miguel. Eth Boussens auèc molt poques oportunitats ath long deth partit, era nòsta defensa tostemp s’imposèc as sus atacants.
Ath finau , 1-0 e 4 punts mès que mos plaçen ena tresau posicion empatadi tamb ClaracPointis. Classificacion: SaliesMane 20, Luchon 17, Bossòst e ClaracPointis 15.

Eth pròplèu partit jogam eth dimenge 14 de noveme tàs 15 :00 en Labarthe-Inard contra er equip d’U.S. Garonne.

U.E. Bossòst: Marcos, Marc (84’ Daniel), Juanka, Viló , Felipe, Javi , Alex, Gachi (45’ Ruben), Miguel (70’ Castet) , Ignasi e Pèir.
Trainer: Adrian.

E.S. Boussens : Bourot, Raufast, Gardelle, Boukebouche, Saliba, Bachet, Berges, Massat, Alcayna, Laffont, Deschus. Remplaçants : Renazi, Mehhouti, Beleknaoui.
Trainer : Ortega Stephane.
Gols:1-0 Pèir (25’).

Arbitre: Castro Antoine.

Dehòra dera Copa de Midi dauant un bon equip

U.E. Bossòst 0 – F.C. Pamiers 4

Partit corresponent ara 4ª eliminatòria dera Copa de Midi. Eth F.C. Pamiers, equip dera categoria de D.H.R. deishèc ben clar des d’ un començament qu’anaue a decidir ràpidamente era eliminatòria. En un quart d’ ora, ja auíem marcat 3 gols, uns gols en que nosati non estèrem guaire ben defensivamente, tanben cau díder qu´era sua qualitat técnica hèc qu’ aprofitèssen milhor es nòsti errors. As 4 menutes Garcia marcaue eth 0-1. Tati, dempús d’aprofitar ua pilota laguens der àrea, marcaue eth 0-2. Eth 0-3 ac marcaue Viltard en rematar un cornèr. Era U.E. Bossòst auèc era milhor ocasion ena prumèra mietat enes botes de Pèir mès eth sòn shut anèc dehòra. Ena dusaua mietat era U.E. Bossòst sajèc de marcar bèth gol mès non siguèc possible. Ignasi auèc ua bona ocasion en quedà-se tot solet dauant Pereira, mès eth sòn shut anèc enes mans deth portèr deth Pamiers. Enes menutes finaus eth Pamiers encara marcaue un aute gol en finalitzar Tavares ua bona jogada de tot er equip.

Ath finau, eliminacion logica dauant un bon equip. Domatge des errors deth començament deth partit que hèren qu’estèssem dehòra dera eliminatòria massa lèu. De totes manères, eth Pamiers demostrèc era diferéncia de categoria mès èm contenti d´ auer arribat ara quatau eliminatòria qu´ei fòrça ben.
Ara, a pensar en campionat e ena Copa de Comminges.

Eth pròplèu partit ei deth campionat de liga en Bossòst eth dissabte 6 de noveme tàs 20 :00 ores contra eth Boussens.

U.E. Bossòst: Marcos, Daniel, Miguel, Viló , Felipe, Javi (45’ Madrid) , Alex, Gachi (45’ Sergio) , Liaño , Pèir e Paba (45’ Ignasi).
Trainer: Adrian.

F.C. Pamiers : Pereira, Climent, Goudy, Piquemal, Ventrice, Viltard, Cherrou, Tavares, Garcia, Hami, Tati. Remplaçant : Dexter.

Trainer: Lasserre Sebastien.

Gols:0-1 Garcia (4’), 0-2 Tati (6’), 0-3 Viltard (15’), 0-4 Tavares (85’).

Arbitre: Ferran David.
Linièrs : Pensarini Serge, Tintelin Laurent.

¡¡¡ Non t'ac pòs perdre !!!

4ª Ronda dera Copa de Midi en Bossòst eth dissabte 30 d’octobre tàs 20 :00 ores.
U.E. Bossòst -F.C. Pamiers.

Empatam un partit fòrça disputat

Encausse 2 – U.E. Bossòst 2

Empat en un partit tamb diuerses alternatiues en marcador. Ena prumèra mietat poques ocasions entàs dus equips. Era U.E. Bossòst en un cornèr, auèc ua bona ocasion quan Liaño tot solet, rematèc per naut det garròt. Er Encausse responèc tamb ua contra de Paya I, eth sòn milhor jogador, que shutèc dehòra. Ena menuta 35 en un desplaçament de Felipe, era pilota passèc per dessùs dera defensa der Encausse e Paba en tot trincar eth dehòra de joc se presentaue dauant deth portèr e shutaue entà daurir eth marcador, 0-1 a nòste favor. Quan semblaue qu’arribàuem ath descans damb aguest resultat, en ua pilota treta dera porteria der Encausse, superaue era nòsta linea defensiua e German igualaue 1-1 abantes deth descans.
Ena dusaua mietat, er Encausse mos dominèc ath començament, damb desmarcades de Paya I e auerem sort qu’eth sòn shut anèsse en garròt. Ena menuta 60 en ua fauta laterau, Servat s’auançaue ara defensa e ath portèr e remataue de cap eth 2-1 a favor der Encausse. Era U.E. Bossòst artenhíe era igualada en ua fauta a Pèir qu’Alex s’ encarguèc de shutar e plaça era pilota ena esquaira der Encausse. Ère eth 2-2 e encara qu ’es dus equips auèrem bera ocasion siguèc eth resultat ath finau deth partit.

Ath finau, empat meritori, dauant un bon equip, domatge d’encaishar er empat a 1 abantes deth descans.

Eth pròplèu partit ei de Copa de Midi en Bossòst eth dissabte 30 d’octobre tàs 20 :00 ores contra er F.C. Pamiers.

Encausse : Paya II, Brana I, Brana II, Bissieres, Dupuy, Brana III, Duclos, Servat, Germa, Masi. Remplaçants: Labat, Noilhan, Suspene.
Tarjetes auriòles: Bissieres (65’).
Trainer: Germain Thierry

U.E. Bossòst: Marcos, Juanka, Miguel, Viló , Felipe, Javi (65’ Javi Castet) , Alex, Gachi (60’ Sergio), Liaño , Pèir e Paba (75’ Madrid) .
Tarjetes auriòles : Miguel (56’).
Trainer: Jordi.

Gols:0-1 Paba (35’), 1-1 German (44’), 2-1 Servat (60’), 2-2 Alex (75’).

Arbitre:Courthieu Patrick.

Sorteig 1/16 de finau dera Copa de Comminges

Eth resultat deth sorteig dera Copa de Comminges entà disputar es partits era dimenjada deth 30-31 d'octubre ha segut:

U.E. Bossòst - U.S. Miramont

Tornam a jogar en casa, degut a qu'era dimenjada deth 30-31 auem Copa de Midi, aguest partit quede aplaçat enquia naua data.

Sorteig 4ª ronda Copa de Midi

Agèr se celebrèc eth sorteig dera 4ª ronda dera Copa de Midi. Continuam auem sort de jogar eth partit en casa.
Er equip qu'auem de jogar ei de 3 categories + que nosatis.
Dia 30 d'octubre tàs 20:00 en Bossòst
U.E. Bossòst - F.C. Pamiers

Un solitari gol de Paba mos da era classificacion

U.E. Bossòst 1 – F.C. Gourdan 0

Es antecedents tamb eth Gourdan de hè dus ans non hègen un partit guaire atractiu de fotbòl, mes cau díder qu’ eth Gourdan a cambiat e er entrenador e es jogadors non an arren que veir tamb er anterior equip.
Eth partit siguèc dominat per nosati durant es 90 menutes e siguèc era nòsta poca punteria lo que deishèc un marcador tant cuert.
Sonque començar, Alex auèc ua bona oportunitat mès eth sòn shut anèc dehòra. Ignasi tanben se presentaue dauant eth portèr Denis e eth sòn shut anèc enes mans. Un bon pase de Javi deishèc a Paba dauant deth Denis e eth sòn shut dempús de tocà-le eth portèr, entraue laguens dera porteria. Ère eth 1-0. Eth Gourdan auèc ua bona oportunitat mès Monchi parèc eth shut deth delantèr. Damb 1-0 s’arribaue ath descans.
Ena dusaua mietat mès de lo madeish, domini e naues oportunitats entà marcar: es mès bones, un shut d’Alex tocaue eth garròt dera porteria e ua auta Miguel a porta ueda shutaue dehòra. Eth Gourdan sonque s’apropèc ena nòsta porteria tamb lançaments de cornèr.
Ath finau, victòria e classificacion entara quatau ronda en que entren toti es equips deth Midi Tolousain; demoram continuant en tot auer sort en sorteig.
Çò de negatiu era lesion d’Ignasi en abductor dera cama esquèra que lo deisharà bèra dimenjada sense jogar.

Eth pròplèu partit torne eth campionat; jogam en Encausse eth dissabte 23 d’octobre tàs 20 :00 ores contra er equip locau.

U.E. Bossòst: Monchi, Dani (60’ Marc), Juanka, Viló , Felipe, Javi , Alex, Gachi (60’ Julio), Miguel , Ignasi e Paba (60’ Javi Castet) .

Trainer: Adrian.

Gourdan F.C. : Denis, Borderes, Kihal, Bellone, Zaoui, Baron, Pagotto, Bellour, Garcia, Dolives, Ribeiro. Remplaçants: Fort, Foissac.
Tarjetes auriòles: Pagotto.
Trainer: Soula Oliver.

Gols: 1-0 Paba (35').
Arbitre: Desprats Serge.
Liniers : Guzello Guy, Plante Germain Michel.

Era U.E.Bossòst en programa de Catalunya Radio Tot Gira

Era U.E. Bossòst participèc agèr en programa de Catalunya Radio deth dimenge 17 d'octubre en programa Tot Gira. Ena seccion eth fotbòl català en Nomdedeu, Miki Almansa representant ara U.E Bossòst parlèc dera participacion deth nòste equip ena Liga francesa. Eth programa ei dirigit per Marc Negre, e era seccion per Jordi Mondedeu e desdes estudis de Catalunya Radio en Vielha Jose Badia e tamben participèc er entrenador deth Vielha Miguel Jimenez.
Er enlaç entà escotar eth programa desde era menuta 5 enquia eth finau:

http://www.catradio.cat/audio/476343/Futbol-catala-en-Nomdedeu

Victòria en un partit vibrant tamb un aute hat trick d’Ignasi

U.E. Bossòst 3 – Montastruc F.C. 2

Mos emportam era victòria en un partit vibrant. Ena prumèra mietat comencèrem fòrça ben tamb shuts des de dehòra der àrea. Un shut de Miguel tocaue eth garròt dera porteria deth Montastruc. 20 menutes dempús, eth Montastruc agarrèc eth control deth partit e auèc ua clara ocasion de Da Costa que tot solet shutaue enes mans de Monchi. Tamb 0-0 s’arribaue ath descans.
Ena dusaua mietat , sonque començar , eth Montastruc artenhíe eth 0-1 dempús d’ ua bona jogada colectiua e Da Costa marcaue a porta ueda. Auèrem sort de marcar lèu donques 5 menutes mès tard, Ignasi shutaue un shut ras des de dehòra der àrea arran deth garròt dera porteria de Cucuron. Ère eth 1-1 e tot per decidir e ath delà, tamb mès de mieja ora encara de partit. En un centre de Pèir, Ignasi agarraue era esquia ara defensa deth Montastruc e shutaue entà marcar eth 2-1. En un aute centre des der aute costat de Miguel, eth jogador deth partit Ignasi remataue de cap un polit gol. Ère eth 3-1 e auíem era diferéncia entà emportà-mos era victòria. Eth Montastruc reduíe distàncies en marcador damb un gran gol: tamb un shinhau de sort , eth jogador Raynaud agarraue un shut des deth costat esquèr e era pilota entraue ena esquaira dera porteria aranesa sense que Monchi poguèsse hèr arren entà arturar era pilota. Ère eth 3-2, resultat tamb eth que s’arribaue ath finau deth partit.

Victòria important dauant un bon equip que mos plaçe en quatau lòc dera classificacion : SaliesMane e Luchon 12, ClaracPointis 10, U.E. Bossòst 9.
E ara, un aute viatge a cambiar de ship donques torne era Copa de Midi.

Eth pròplèu partit jogam 3ª ronda dera Copa de Midi; jogam en Bossòst eth dissabte 16 d’octobre tàs 20 :00 ores contra er equip deth Gourdan.

U.E. Bossòst: Monchi, Borja, Miguel, Marc , Felipe, Javi (35’ Sergio), Alex, Gachi (75’ Ruben), Polilla , Ignasi e Pèir (89’ Marcos) .
Tarjetes auriòles: Felipe (63’).
Trainer: Adrian.

Montastruc F.C. : Cucuron, Martinez, Saint Martin, Pierronne, Ribet, Gracia, Da Costa, Raynaud, Embarck, Cardillo, Lacarrere I. Remplaçants: Brun, Lacarrere II.
Tarjetes auriòles: Embarcq (76’), Lacarrere II (80’), Pierronne (88’).
Trainer: Arriou Patrice.

Gols: 0-1 Da Costa (50’), 1-1 Ignasi (55’), 2-1 Ignasi (70’), 3-1 Ignasi (75’), 3-2 Raynaud (85’).

Arbitre: Duprat Philippe.

3ª Ronda Copa de Midi:Fòrça sort, 3 de 3 en casa

Dia 16.10.10 tàs 20:00 en Bossòst
U.E. Bossòst - F.C. Gourdan.

Resultat cuert: passam ronda ena Copa de Midi

U.E. Bossòst 1 – Cazaril F.C. 0

En un partit en que non sabèrem sentenciar enes ocasions qu’auèrem, passam ronda ena Copa de Midi en ua victòria pera minima. Des d ’un començament, ja se veiguèc era manèra en qu’ anàuem a jogar es dus equips. Era U.E. Bossòst portaue era iniciatiua deth jòc en tot sajar de combinar era pilota ; en cambi, eth Cazaril F.C. contundéncia defensiua tamb fòrça fautes e fòrça permisividad per part der arbitre que non volèc saber arren de totes es fautes laguens der àrea.
Artenhèrem eth solet gol deth partit en ua jogada en que Miguel treiguèc ràpit ua fauta en nòste camp e Pèir se desembraçèc de dus jogadors deth Cazaril entà marcar eth 1-0. Auèrem ua auta clara ocasion en un centro de Sergio que non podèc rematar Pèir e que Miguel shutèc dehòra tot solet. Tanben Felipe en ua gran volea que toquèc eth garròt, podia auer mercat un gran gol. Tamb 1-0 s’ arribaue ath descans.
Ena dusaua mietat mès de lo madeish, fòrça fautes deth Cazaril que sajaue de parar eth joc der equip aranés. Ignasi en un gran shut des de dehòra der àrea auèc ua bona ocasion mès eth portèr deth Cazaril Louge, eth milhor deth sòn equip, desviaue entàth cornèr. Eth Cazaril auèc ua ocasion en cada mietat, ena prumèra Monchi paraue eth shut deth delantèr e ena dusaua mietat ère Alex eth que impedic qu’era pilota entrèsse laguens dera nòsta porteria.
Ath finau , classificacion justa e resultat cuert. Çò de pitjor, era lesion de Jorge e es tarjetes auriòles qu’ath finau siguèrem mès enta nosati per protestar que tath Cazaril per dar còps de pès.
Eth pròplèu partit torne eth campionat; jogam en Bossòst eth dissabte 9 d’octobre tàs 20 :00 contra er equip deth Montasruc.

U.E. Bossòst: Monchi, Dani (65’ Madrid), Juanka, Marc , Felipe, Javi, Jorge (20’ Alex), Sergio, Miguel (75’ Javi Castet), Ignasi e Pèir .
Tarjetes auriòles:Dani, Juanka, Pèir.
Trainer: Jordi.

Cazaril F.C. : Louge, Tajan, Croizet, Deyaud, Angla I, Burgan, Perisse, Jouanny, Plana, St Raymond, Angla II. Remplaçant: Sentignan.
Tarjetes auriòles:Burgan, Angla II.
Trainer: Laffont J. Marc.

Gols: 1-0 Pèir (15’).

Arbitre: Hubert Marc.

¡¡¡ Encara mos preseguísen es lesions !!!

Dempús dera sason darrèra aun auèrem lesions fòrça importants, aguesta sason 2010-2011 tampoc auem començat guaire ben. Era lesion de Jaime Forment en partit contra eth Luchon, ei pla important, s'ha d'operar de menisc. Demoram ua lèu e bona recuperacion d'un jogador qu'a pesar d'estudiar dehòra, tostemp que pot ben ajudar ath son equip.

Derròta pera minima

U. S. SaliesMane 1 – U.E. Bossòst 0

Partit fòrça igualat entre dus equips, que cerquèren era victoria en tot eth partit. Ena prumèra mietat poques ocasions entàs dus equips: Ruben tamb un shut d’esquerra que toquèc eth garròt dera porteria deth SaliesMane, e un aute shut d’Ignasi que siguèc desviat a cornèr peth portèr Exposito. Eth nòste portèr Marcos auet de parar un shut de Hasncotte. Ath finau dera prumèr mietat eth SaliesMane auèc era melhor ocasion deth partit donques Roca I s’escapaue dera defensa aranesa mès en sòn shut gessia desviat dera porteria. Tamb 0-0 s’arribaue ath descans.
Tot ère per decidir e se shumaue qu’er equip que marquèsse prumèr s’emportaria era victòria. Ena menuta 60’ auec lòc era jogada que decidiria eth partit. Er arbitre expulsèc pera dusaua tarjeta auriòla a Marcos per tocar era pilota dehòra der àrea tamb era man. Se calèc Liaño de portèr e era falta shutada per Roca I entraue pera esquaira dera porteria. Atau, SaliesMane guanhaue per 1-0. Encara quedauem 30 menutes e era U.E. Bossòst seguic en tot lutar entà empatar eth partit, eth SaliesMane joguèc ara contra aguesti menutes. Ignasi auèc ua bona ocasion e dempús Javi tanben estèc a punt de marcar.
Ath finau derròta minima daunt un bon equip;eth partit se decidic per petiti detalhs. Non auèrem talents enes lesions pr’amor que Ruben, Aritz e Liaño deishèren eth terren de joc e dempús era expulsion de Marcos se notèc en resultat finau; de totes manères ,er equip deishèc ua molt bona impression e enquia tamb 10 jogadors non dèc jamès eth partit per perdut.

Eth pròplèu partit torne era Copa de Midi; jogam en Bossòst eth dissabte 2 d’octubre tàs 20 :00 contra er equip de Cazaril.

U.S. SaliesMane:Exposito, Ertlen, Perez, Bamard, Ferran, Martins I, Brih, Barnier, Hasncotte, Roca I, Martins II. Remplaçants: Roca II, Da Costa I, Da Costa II.
Tarjetes auriòles: Da Costa (66’).
Trainer: Lacomme Jean Luc.

U.E. Bossòst: Marcos, Dani, Miguel, Aritz (50’ Javi) , Felipe, Liaño, Jorge, Alex, Madrid (45’ Marc), Ignasi e Ruben (42’ Gachi) .
Tarjetes auriòles: Marcos (35’ e 60’), Jorge (75’), Javi (80’)
Tarjeta vermelha: Marcos (60’).
Trainer: Adrian.

Gols: 1-0 Roca I (60’).

Arbitre: Dejean Benjamin.

Un Hat Trick d’Ignasi mos da era classificacion ena Copa de Midi

U. E. Bossòst 3 – B. Luchon 1

Un Hat Trick d’Ignasi mos dar era classificacion ena Copa de Midi. Ena prumèra mietat podia aué quedat sentenciada era eliminatòria. As 6 menutes ja portauem 2-0 en marcador. Eth 1-0 en un error deth portèr deth Luchon e qu’Ignasi aprofitaue entà marcar. Eth 2-0 siguèc eth gol més polit deth partit en ua bona jogada damb un centro de Miguel qu’Ignasi shutaue creuant era pilota en garròt contrari. Dempús auèrem bones ocasios entà encara marcar més gols més Ruben non estèr acertat ena rematada finau. Tamben eth portèr deth Luchon parèc fòrça ben. Eth Luchon reduie distàncies en marcador as 35 menutes en ua bona jogada de Julia que Maud marcaue sense que Marcos podèsse e arren per arturar era pilota. Tamb eth 2 a 1 s’arribaue ath descans.
Ena dusaua mietat eth partit s’aluguéc un sinhau; prumèr un “pique” de Viló tamb et numero 9 deth Luchon le costèc era vermelha ath jogador aranés dempús d’ua forta entrada. Era U.E. Bossòst se quedaue tamb 10 jogados e quedaue 30 menutes enquia eth finau. Cau díder qu’eth Luchon non aprofitèc era superioridad d’estèr un jogador més, es jogados dera U.E. Bossòst joguèren fòrça ben e pressionèren fòrça as jogados francesis. D’aguesta pression ara pilota s’aprofitèc Ignasi ua cesion ath portèr entà marcar eth 3-1. Quedaue un quart d’ora enquia eth finau;eth partit entrèc ena “fase” més desagradable tamb entrades fortes e discusios entres es jogadors enquia eth finau deth partit, inclús laguens des vestiaris.

Bona victòria dauant un equip dera nòsta categoria, auíem fòrça baishes, mès er equip a jogat fòrça ben. Çò de negatiu era lesion de Jaime ath començament deth partit e era tarjeta vermelha a Viló que le costarà us quantos partit sense podèr jogar.

Eth plòplèu partit torne eth campionat, desplaçament difícil entà jogar contra er equip de SaliesMane dissabte 25 de seteme tàs 20 :00 en Salies du Salat.

U.E. Bossòst: Marcos, Dani, Jaime (5’ Juanka), Viló, Felipe, Aritz, Adrian Garcia (80’ Juanmi), Alex, Miguel, Ignasi e Ruben (65’ Madrid).
Tarjetes auriòles: Ignasi (35’), Alex (80’).
Tarjeta vermelha: Viló (60’).
Trainer: Adrian.

B. Luchon: Cazes, Abella, Coutinho, De Abreu II, Lansalot, Baup, Boy, Van Mo, Sales, Maud, Dargassies. Remplaçants: De Abreu I, Fort, Julia.
Tarjetes auriòles: Van Mo, De Abreu I.
Trainer: Julia René.

Gols: 1-0 Ignasi (2’), 2-0 Ignasi (6’), 2-1 Maud (35’), 3-1 Ignasi (75’).

Arbitre: Bouchaib Karim.

¡¡¡ Golejada !!!

U.E. Bossòst 4 - U.S. Cazeres 0

U.E. Bossòst: Marcos, Juanka (65' Marc), Felipe, Viló, Jaime, Liaño, Aritz (55' Adrian Garcia), Alex, Miguel (65' Paba), Ignasi e Pèir.

Trainer: Adrian Hernandez.

Tarjetes auriòles: Liaño (27'), Adrian Garcia (80').

U.S. Cazeres: Bompunt, Levasseur I, Souffi, Grenier, Loiseau, Defis, Daussion, Rouby, Drief, Couzinet, Lazare. Remplaçants: Levasseur II, Mounes, Maamouch.

Trainer: Ribet Kevin.

Tarjetes auriòles: Loiseau (25')

Arbitre: Castro Antoine.

Gols: 1-0 Miguel (25'), 2-0 Pèir (30'), 3-0 Miguel (50'), 4-0 Ignasi (80').

Golejada entà començar eth campionat, dauant un equip que venguèc a jogar a fotbòl damb deportividad. Eth partit quedèc sentenciat ena prumèra mietat gràcies as gols de Miguel dempús d'un centro d'Alex e de Pèir en un bon shut pera esquaira. Eth Cazeres sonque un cop arrivèc en àrea de Marcos que despejèc era pilota. Tamb 2-0 arribauem ath descans.

Ena dusaua mietat sonque comença Miguel tornaue a marcar un polit gol dempús d'ua bona jogada de tot er equip, ere eth 3-0. Ignasi en aprofitar un rebot deth garròt dempus d'ua rematada de Liaño marcaue eth 4-0. Eth Cazeres auèc eth gol der honor en ua fauta que toquèc en garròt.

Prumèra victòria que mos dar es prumers quate punts.

Eth plòplèu partit ei eth dissabte 18 de seteme en Bossòst tàs 20:00 1ª Eliminatòria dera Copa de Midi entre U.E. Bossòst - B. Luchon.

¡¡¡ Començam eth campionat !!!

Aguest dissabte 11 de seteme en Bossòst començam era sason 2010-2011 deth campionat d'Excellence.

Partit tàs 20:00 U.E. Bossòst - U.S. Cazeres.

¡¡¡ Vos demoram a toti !!!

Sorteig Copa de Midi: ¡¡¡ Derby !!!

Eth sorteig dera 1ª eliminatòria dera Copa de Midi a portat eth prumèr derby deth Portilhon dera sason.

Eth dissabte 18 de seteme en Bossòst tàs 20:00 U.E. Bossòst - B. Luchon.

Dehòra dera Copa de França

U.E. Bossòst 0 - U.S. SaliesMane 3

U.E. Bossòst: Marcos, Juanka, Jaime (Borja 10'), Felipe, Eric, Liaño, Alex, Ignasi, Viló (Ruben 57'), Sergio (Adrian 45'), Pèir.
Tarjeta auriòla: Viló (56').
Trainer: Adrian Hernandez.

U.S. SaliesMane: Duprat, Laffont, Bamard, Vinsonneau, Rampon, Duzac, Dias, Cabare, Hoareau, Daffos, Fernandez. Remplaçants: Montauriol, Artigas.
Tarjeta auriòla: Duzac (50').
Trainer: Giaveri William.

Dehòra dera Copa de França en un partit en qu'es nòsti errors defensius marquèren eth desenlaç dera eliminatòria. Sabíem que non serie bric fàcil eth passa aguest partit mès demorauem aué metut es causes mès difícils ath SaliesMane. Aguest equip aprofitèc es nostes badades defensiues ena prumèra mietat e marquèc dus gols e deishèc encarrilada era eliminatòria. Era U.E. Bossòst podie aué marcat beth gol més un viatge eth garròt e dauti viatge era poca punteria se quedèc sense poder horadar era porteria contraria. Eth SaliesMane ena dusaua mieta ampliaue era sua ventatja marcam eth 0-3 resultat ath finau deth partit.

Eth SaliesMane tamb un plantejam seriòs, que non se compliquèc ena defensa, que sajèc de pressionar en miei deth camp, e ena delantera es sos jogados aprofitèren totes es ocasios.

Aguest partit mos a de servir ( es causes bones e non tan bones) entàs competicions a un poder luitar qu'ei era liga e era Copa de Comminges.

Ara fin jogaram eth diuendres

A demanda deth SaliesMane pr'amor qu'aguesta dimenjada ei era sua hesta major, eth partit corresponent ara dusaua eliminatoria dera Copa de França se jogarà eth dieundres 27 d'agost.
U.E. Bossòst - SaliesMane diuendres 27 d'agost tàs 21:00.

Ena Copa de França guanham 0-2

Valentine 0 - U.E. Bossòst 2

Huelha deth partit:
Valentine:Brault, Aouam, Farre, Jibbou, Pardo, Dutheil, Rumeau, Canevese, Fethi, Toulouse, Dussart. Remplaçants: Marcos, Prat, Bernadas.
Trainer: Cistac Patrick.

U.E. Bossòst: Marcos, Dani (40' Borja), Jaime, Viló, Felipe, Liaño, Alex, Ignasi, Juanka, Javi Castet (45' Adrian Garcia), Ruben (45' Eric Valdecantos).
Trainer: Adrian Hernandez
Tarjetes auriòles: Dani, Viló

Gols: 0-1 Liaño (43'), 0-2 Viló (75').

Victòria comoda era artenhuda aguest darrèr dissabte en Valentine dauant er equip locau. Era U.E. Bossòst presentaue un equip damb fòrça jogados joeni e des 14 jogados 10 eren de Bossòst.

Eth partit tret deth prumèr quart d'ora en qu'eth Valentine auèc era soleta ocasion deth partit, siguèc controlat pera U.E. Bossòst. Mès ere important marca eth prumèr gol qu'artenhíem a lèu deth descans en un polit shut de Liaño, marcauem eth 0-1, resultat ara mieja part.

Ena dusaua mietat podèrem marcar fòrça + gols, més solet marcauem ena menuta 75 Viló en jogada personau ena banda dreta centraue e quan Alex anaue a rematar un defensa se calèc era pilota ena porteria. Auèrem bera ocasion + entà marcar més eth marcador non se botjarie. Ath finau eth Valentine acabèc fòrça cansat físicament.

Prumèra victòria oficiau deth nau entrenador Adrian Hernandez, er equip poc a poc va reflectint enes partits es causes naues des entrenaments.

Eth premi ei eth plòplèu partit dera Copa de França a jogar en Bossòst contra er equip deth SaliesMane que jogue dues categories per dessus de nosati.

Dissabte 28 d'agost tàs 20:00 U.E. Bossòst - SaliesMane.

¡¡¡ Aficion anima ath tòn equip e disfruta d'un excellent partit !!!.

Guanham ar Aurignac 2 a 1

Guanhèrem eth trofeig Memoriau Manuel Huguet que servic entà presentar es nauetats der equip. En prumèr lòc eth nau Trainer: Adrian Hernandez que debutèc tamb victòria e que remplace a Jordi Delaurens dempús de tretze sasons.

Era presentacion deth nau sponsor Bar Delseny, amassa tamb es naui joenis jogadors sigùeren er auta nauetat.

En quant eth partit siguèc fòrça igualat e non se notèc bric era diferencia de categoria, cau rebrembar qu'er Aurignac jogue en ua categoria de + era Promocion Liga. Artenhèc er Aurignac eth prumèr gol en ua badada defensiua. Tamb eth 0-1 s'arribaue ath descans. Ena dusaua mietat debuteren es nauis jogadors. Un d'aguesti jogadors Javi Castet siguèc agarrat pera camiseta laguens der àrea e per tant un penalty qu'eth madeish jogador shutaue entà marcar eth 1-1. Quan s'arribaue ara fin deth partit Pèir de cap marcaue eth 2-1 resultat que serie definitiu.

Eth plòplèu compromis amistos ei aué dijaus contra er equip de Port d'Agré der Aveyron qu'està en Luchon d'stage.

Eth prumèr partit oficiau aguesta dimenjada, dissabte 21 d'agost en Valentine contra er equip locau, pumèra eliminatòria dera Copa de França.

Hèsta Major 2010 : XXI Trofeig Memoriau Manuel Huguet

Eth plòplèu dimenge 15 d'agost tas 19:00 ores se dispute eth XXI Trofeig Memoriau Manuel Huguet entre es equips dera U.E. Bossòst - Aurignac.

Començam es entrenaments eth 27 de junhsega

Eth pròplèu dimarts 27 de junhsèga començam es entrenaments dera sason 2010-2011.

De moment, auem eth partit dera hèsta eth Memoriau Manuel Huguet que jogaram eth 15 d'agost tàs 19:00 ores contra er Aurignac, equip que jogue ua categoria superior a nosati.

Auem tanben eth prumèr partit oficiau; era 1ª eliminatòria dera Copa de França que jogaram eth 21 d'agost tàs 20:00 en Valentine.

¡¡¡ Ja falte poc entà que comence a rodar era pilota !!!

Assamblea Generau deth Districte

Ena Assamblea Generau deth Districte, entre dautes causes, diguèren es equips dera categoria d'Excellence entara sason 2010-2011. Ath finau se confirme era fusion entre eth MontespanFigarol e eth Labarthe-Inard, e se forme eth nau equip Entente dera Garonne.

Lista des Equips:

ClaracPointis (Baishe de Promocion Liga)

SaliesMane 2

B. Luchon

Encausse

Entente dera Garonne

Boussens

Montastruc

Valentine

U.E. Bossòst

Canton de St. Martory (Puje coma campion de grup A)

Martres Tolosanne (Puje coma campion de grup B)

Cazeres 3 (Puje coma milhor dusau).

¡¡¡ Era E.F. Val d'Aran Campeona dera Copa de Comminges de -17 ans !!!

Era E.F. Val d'Aran de -17 ans se proclamèc campeona dera Copa de Comminges en guanhar clarament eth sòn partir per 6-2 ath SaliesMane. Es jogados entrenadi per Adrian e Gachi heren un gran partit e guanherent clarament.

Golejados: Felipe (3), Alex, Adrian, Madrid.

Resultats des finaus:

-15 ans: Miramont 2 - SaveGesse 0

-17 ans:E.F. Val d'Aran 6 - SaliesMane 2

- 19 ans: B. Luchon 0 - ClaracGourdan 4

Seniors: Villeneuve de Riviere 3 - Etoile de Cagire 2

Aguesta dimenjada es finaus dera Copa de Comminges

Aguesta dimenjada se joguen es finaus dera Copa de Comminges. Era Val d'Aran serà ena finau tamb er equip dera Escola de Fòtbol Val d'Aran de -17 ans.

Aguest ei eth programa deth dimenge 6 de junh:

09H30 – Finale U 15 – SAVE-GESSE / MIRAMONT US Csgfs
11H00 – Finale U 17 – SALIES MANE CAGIRE 3 / VAL D’ARAN
14H30 - - FINALE U 19 – CLARAC POINTIS / BAGNERES DE LUCHON
16H30 – Finale SENIORS – VILLENEUVE DE RIVIERE - / ETOILE DU CAGIRE

Se mos hèc massa long eth partit

B. Luchon 4 - U. E. Bossòst 1

Darrèr partit deth campionat en Luchon. Eth partit començèc fòrça mau pr’amor qu’as 5 menutes, en ua dura entrada se lesionèc Viló. Sonque auíem un cambi e açò ac patírem ena dusaua mietat. Ena prumèra mietat domini deth Luchon mès sense guaire perilh ena porteria. Ena menuta 20 , Barta C. artenhíe eth 1-0 en marcar en ua jogada en que profitèc un error defensiu. Lèu dera mieja part igualàuem eth partit, en ua fauta fòrça ben tirada per Pèir, deishaue eth 1-1. Tamb aguest resultat s’arribèc ath descans.
Ena dusaua mietat, mos manquèc bèth jogador de recambi; eth partit se mos hèc fòrça long. Eth Luchon marcaue eth 2-1 ena menuta 60 en un cornèr que remataue Diverchy. Dempús se mos lesionèc Felipe e jogàuem tamb 10 jogadors. Eth Luchon auèc 2-3 ocasions entà marcar mès per Marcos e tanben per sort, es delantèrs non estèren acertadi ena rematada finau.
Auèrem ua ocasion entà marcar eth 2-2, mès Pèir tot solet dauant deth portèr shutèc dehòra dera porteria.
Ena menuta 85 er arbitre fiulèc penalty en ua “piscina” de Barta. Eth jogador De Abreu shutaue entà marcar eth 3-1. Dempús se lesionèc Marc e acabèrem eth partit tamb 9 jogadors. De Abreu, en un shut des de dehòra der àrea marcaue eth definitiu 4-1.
Ben, açò s’acabat tamb ua golejada, mos a fautat aué mès jogadors entà suplir as lesionadi e auem acabat eth partit fòrça justi; era soleta bona noticia siguèc era tornada d’Adrian Hernández que dempús dera lesion deth mes de seteme tornaue a jogar tamb nosati.

Fin finau, campeon eth St. Gaudens; baishen de categoria eth Landorthe e er Isle en Dodon. De promocion Liga, ath finau baishe eth Clarac-Pointis. Dera prumèra division, pujen eth St. Martory e eth Martres Tolosane.
Tornaram a finaus deth mes de junhsèga ena pretemporada.
Bones vacances entà toti !!!!!


B. Luchon: Cazes, De Abreu, Rahmani, El Mahraoui, Barta J.F., Diverchy, Lansalot, Cayrey, Barta C., Sales, Darcassies. Remplaçants : Van Mo, Borrul.
Tarjetes auriòles : Darcassies.
Trainer: Pradere Georges


U.E. Bossòst : Marcos, Ruben, Marc, Felipe, Adrian H., Javi , Sergio, Ivan, Ignasi, Viló e Pèir.
Tarjetes auriòles: Sergio, Pèir, Ivan.
Trainer: Jordi.

Gols : 1-0 Barta C. (20’), 1-1 Pèir (42’), 2-1 Diverchy (60’), 3-1 De Abreu (85 p.), 4-1 Lansalot (89’).
Arbitre : Laven Mickäel.

Mos empaten ena menuta 98 de partit

Ent. Landorthe 3 - U. E. Bossòst 3

Partit que semblaue que non anaue a acabar enquia qu’eth Landorthe artenhèsse aumens er empat en marcador e atau estèc; se joguèc 9 menutes de prolongacion ena dusaua mietat, e eth Landorthe poguèc empatar.
Eth partit siguèc dominat pera U.E. Bossòst donques ère er equip que portaue era iniciatiua deth jòc, eth Landorthe se dedicaue a jogar ara contra e es errors nòsti en defensa mos hèren empatar eth partit. Ena menuta 20, Viló que jogaue de delantèr centre, hèc dus driblings e shutaue entà marcar eth 0-1. Ena menuta 40, eth Landorthe mos empataue ena pilota perduda per Felipe laguens der àrea e Pauchenne profitaue entà marcar eth 1-1. Tamb aguest resultat s’arribaue ath descans.
Ena dusaua mietat en un aute error en ua cesion ath nòste portèr, Le Guen marcaue eth 1-2. Era U.E. Bossòst empataue 10 menutes mès tard en un shut de Miguel. Eth 3-2 siguèc eth gol mès polit deth partit ena jogada entre Liaño e Ruben, aguest darrèr centrèc era pilota que rematada de cap per Ignasi entraue ena porteria de Guers. Quedaue un quart d’ora enquiath finau. Mos ensenhèrem quate tarjetes auriòles e er arbitre alonguèc eth partit enquiara menuta 99. Ena menuta 98, Le Guen marcaue eth injust empat a 3 en marcador.
Ath finau, empat en un partit qu’auíem de guanhar clarament, es errors defensius mos an penalisat fòrça.

Eth pròplèu partit , que serà eth darrèr d’aguest campionat de liga, jogaram contra er equip deth Luchon dissabte 29 de mai tàs 18 :30 ores.

Ent. Landorthe: Guers, Beyt, Margueritat, Villani, Guchereau, Gares, Ballarin, Dutheil, Le Guen, Matilla, Pauchenne. Remplaçants : Biguet, Constant, Lacaze.
Tarjetes auriòles : Biguet (75’), Guers (80’).
Trainer : Lacaze Gerard.


U.E. Bossòst : Marcos, Alex, Jaime, Marc, Felipe, Liaño , Sergio, Ignasi, Juanka (60’ Ruben), Viló e Miguel.
Tarjetes auriòles: Felipe (36’), Alex (75’), Viló (80’), Marcos (82’), Miguel (88’).
Trainer: Jordi.

Gols : 0 -1 Viló (20’), 1-1 Pauchenne (40’), 2-1 Le Guen (60’), 2-2 Miguel (70’), 2-3 Ignasi (75’), 3-3 Le Guen (98’).

Arbitre : Migotto Michel.

Non mereishíem pèrder

U. E. Bossòst 0 – U.S. Montastruc 1

Darrèr partit d’aguesta sason en casa eth que joguèrem aguest dissabte en Bossòst.
Non poguèrem arténher era victòria, ara mos queden dus partits dehòra entà acabar eth campionat.
Partit non guaire bon eth jogat contra eth Montastruc; de totes manères non mereishíem pèrder. Eri, sonque shutèren un parelh de viatges a pòrta e en ua d’eres en un cornèr directe en qu’eth jogador plaçèc era pilota dehòra deth semicercle, artenhèc eth gol que siguèc protestat pes jogadors dera U.E. Bossòst.
Era U.E. Bossòst auèc ua clara ocasion de Sergio qu’un jogador treiguèc era pilota dera linia de gol. Pèir auèc tanben ua bona ocasion dauant Cucuron mès shutèc dehòra. Ath finau deth partit en ua fauta a Pèir laguens der àrea, er arbitre non fiulèc eth clar penalty e treiguèc era fauta dehòra der àrea.
Ath finau derròta en darrèr partit deth campionat en nòste terren.
Eth pròplèu partit jogam en Estancarbon contra er equip deth Landorthe dissabte 15 de mai tàs 20 :00 ores.

U.E. Bossòst : Marcos, Alex, Miguel, Marc, Felipe, Javi (70’ Tito) , Liaño , Polilla (45’ Ruben), Sergio, Ignasi, e Pèir.
Tarjetes auriòles: Liaño (27’).
Trainer: Miki.

U.S. Montastruc : Cucuron, Vaillant, Rampon, Lacarrere I, Rabataud, Sentenac, Ripoll, Gracia, Brun, Le Cunff, Lacarrere II. Remplaçants: Cucuron Hugo, Chauvet.
Tarjetes auriòles : Lacarrere I (36’).
Trainer : Ferran Gilles.

Gols : 0 -1 Brun (70’).

Arbitre : Magne Bertrand.

Remontada ena dusaua mietat

U. E. Bossòst 2 – U.S. Encausse 1

Partit vibrant eth disputat aguest dissabte en Bossòst ; en ua prumèra mietat fòrça igualada en qu’es defenses guanhèrem era partida as atacants e non i auèc guaire ocasions de gol. Er Encausse profitaue un error defensiu nòste e eth sòn milhor jogador Paya I marcaue eth 0-1. Tamb aguest resultat s’arribaue ath descans.
Ena dusaua mietat, era U.E. Bossòst gessèc tamb + fòrça e embarrèc ath Encausse en sòn terren. Miguel auèc ua gran ocasion entà empatar, mès shutèc entà dehòra. Ena menuta 60 Ignasi marcaue eth mereishut empat a 1 gol. Moha auèc ua bona ocasion mès se precipitèc e shutèc enes mans deth portèr. Ignasi, en ua gran jogada personau qu’acabèc tamb un shut des de dehòra der àrea, marcaue eth 2-1.
D’aquiu enquiath finau poques ocasions de gol entàs dus equips.
Ath finau guanhèrem eth partit ath dusau classificat çò que comporte èster en lòc sisau dera classificacion.
Eth plòpèu partit ei eth darrèr que jogaram en nòste terren de joc. Quedaran dus partits dehòra de casa.

Eth pròplèu partit jogam en Bossòst contra er equip deth Montastruc de Salies dissabte 8 de mai tàs 20 :00 ores.

U.E. Bossòst : Monchi, Marc, Miguel, Viló, Felipe, Javi (60’ Ivan) , Liaño , Alex (60’ Sergio), Ruben (45’ Moha), Ignasi, e Pèir.
Tarjetes auriòles: Liaño (26’), Miguel (90’).
Trainer: Jordi.

U.S. Encausse : Paya II, Lemoel, Masi, Marigo, Germa, Brana, Duclos, Serie, Fettouche, Campo, Paya I. Remplaçants: Martins, Cantin
Tarjetes auriòles : Serie (9’). Martins (90’).
Trainer : Germain Thierry.

Gols : 0 -1 Paya I (30’), 1-1 Ignasi (60’), 2-1 Ignasi (75’).

Arbitre : Marty Michel.

Bona e contundent victòria

U. E. Bossòst 4 – Isle en Dodon 1

Partit fòrça polit eth disputat aguest darrèr dissabte en Bossòst e qu’acabèc tamb ua bona victòria.
En un començament de partit trepidant, era U.E. Bossòst artenhíe er 1-0 en ua fauta tirada fòrça ben per Alex. Eth 2-0 s’artenhíe 5 menutes mès tard en un gran shut de Juanka des de dehòra der àrea. Er Isle en Dodon sajèc de reduir distàncies mès Marcos estèc molt ben en dues accions. Ruben en un gran shut qu’anèc en garrot de Galibert podie auer marcat ; er Isle en Dodon tanben shutèc en garròt de Marcos. Tamb eth 2-0 s’arribaue ath descans.
Ena dusau mietat , sonque començar i auèc era jogada clau deth partit. Penalty en contra que tirat per Robin, Marcos desvièc entà corner. Ena menuta 70 Pèir dempús d’ua bona passada de Miguel marcaue eth 3-0. Eth Isle en Dodon non se conformèc e Robin marcaue eth 3-1. Ignasi marcaue eth 4-1 en ua bona jogada personau en un shut ras des de dehòra der àrea. Tamb aguest resultat s’arribaue ath finau deth partit.
Bona e contundent victòria ; encara non auem era permanéncia asegurada mès èm a lèu d’ artenhè-la. Manquen 4 partits enquiath finau deth campionat. Aguest plòplèu dissabte mos visita eth dusau classificat : er Encausse.
Eth plòplèu partit jogam en Bossòst contra er equip der Encausse dissabte 1 de mai tàs 20 :00 ores.

U.E. Bossòst : Marcos, Juanka, Miguel, Viló, Felipe, Jaime , Liaño , Alex (75’ Tito), Ruben, Ignasi, e Pèir (75’ Polilla).
Tarjetes auriòles: Viló
Trainer: Jordi.

Isle en Dodon : Galibert, Nicolas, Drex, Rodriguez, Larrieu, Lourde, Morandin, Barutaut, Suanez, Robin, Delavergne. Remplaçants : Dubus, Faure.
Tarjetes auriòles : Suanez.
Trainer : Furton Philippe.

Gols : 1-0 Alex (10’), 2-0 Juanka (15’), 3-0 Pèir (70’), 3-1 Robin (75’), Ignasi (85’).
Arbitre : St Paul Arnaud.

Partit tamb dues cares

U.S. St. Gaudens 3 – U. E. Bossòst 0

Partit tamb dues cares ben diferentes. Ua prumèra mietat en qu’eth partit estèc fòrça igualat en qu’es dus equips auèrem un parelh d’ocasions. Plantèrem cara ath líder e non ère clar quau de dus equips anaue a guanhar eth partit.
En cambi, ena dusaua mietat, hèrem tres errors greus que mos costèren eth partit. Sonque començar, en un cornèr deishèrem sense marcar a Castex que tot solet marcaue eth 1-0. Lèu dera minuta 60 en ua pilota qu’auie d’ èster controlada pera defensa, l’agarrèc eth delanter Sarraute qu´ estèc agarrat per Marcos en un penalty clar que Duchein marcaue eth 2-0. Ena menuta 80 en ua dolenta cesion dera defensa ath nòste portèr, Galibert profitaue e marcaue eth 3-0.
Ath finau, derròta contundent en un partit en qu’es errors mos an portat ad aguesta situacion. Ara, jogam en casa e cau retrapar-se tamb era victòria.

Eth pròplèu partit jogam en Bossòst contra er equip der Isle en Dodon, dissabte 24 d’abriu tàs 20 :00 ores.

St. Gaudens :Duret, Castex, Dutech, Caperan, Duchein, Hervas, Chakhs I, Dotez, Sarraute, Milan, Chakhs II. Reemplaçants: Cappe, Boudes, Galibert
Trainer: Perin Sebastien.


U.E. Bossòst : Marcos, Marc, Miguel, Viló, Felipe, Javi , Liaño ( 60’ Sergio), Alex (70’ Ruben), Ignasi, e Pèir.
Tarjetes auriòles: Marcos
Trainer: Jordi.

Gols : 1-0 Castex (47’), 2-0 Duchein (60’ p.), Galibert (80’).
Arbitre : Duplan David.

Dehòra dera finau pes lançaments de penaltys

Villeneuve de Riviere 1 – U. E. Bossòst 1
Penaltys : 4 - 2

Eth partit des ½ finau dera Copa de Comminges disputat en Valentine contra eth Villeneuve de Riviere a estat eth típic partit d’ua eliminatòria ena que cap des dus equips s’ a imposat tamb eth sòn jòc; en qu’es defenses an guanhat as delantèrs, tamb poques ocasions de gol e fòrça emocion per resultat, pr’amor qu’eth partit acabèc tamb empat a 0 gols e era prolongacion empat a 1 gol e ath finau ena « loteria » des penaltys mos guanhèren per 4-2.
Grossa decepcion en tot er equip e tota era aficion qu’estèc tamb eth sòn equip en tot moment.
Ara queden 6 partits deth campionat e cau assegurar era permanéncia quan abantes milhor. Aguest dissabte auem un partit plan important en casa deth líder, eth St. Gaudens, que segur que mos demore tamb talents, dempús de patir era soleta derròta que porten en campionat en partit d’anada en Bossòst.
Eth pròplèu partit jogam en St. Gaudens contra er equip locau , dissabte 17 d’abriu tàs 20 :00 ores.

Villeneuve de Riviere : Gonnet, Ikkene, Sneca, Espardel, Moreno, Roussec, Dessaint, Toulon, Petit, Delai, Corpech. Remplaçants : Castepan, Bordes, Tige.
Tarjetes auriòles: Moreno, Roussec, Tige.
Trainer: Da Rocha Custodi.


U.E. Bossòst : Monchi, Marc, Miguel, Viló, Felipe, Javi (45’ Jaime) , Liaño, Alex (60’ Ruben), Ignasi, Sergio (45’ Juanka) e Pèir.
Tarjetes auriòles: Ignasi, Pèir, Javi
Trainer: Jordi.

Gols : 1-0 Petit (100’), 1-1 Miguel (105’).
Arbitre : Ferran David.
Líniers : Guezello Guy, Magne Bertrand.

Mos mereshíem era victòria

U.E. Bossòst 0 - Valentine S.C. 0

Partit igualat ena prumèra mietat, més ena dusaua mietat auem estat més superiors e auem dominat claraments a un equip que a cercat er empat. Enquia tres viatges anèc era pilota en garròt dera porteria deth Valentine e en iauta jogada era pilota siguèc treta dera línea pera defensa. Non auerem era fortuna de cara entà portamos ua mereishuda victòria.

Eth plòplèu partit ei eth + important dera sason 1/2 dera Copa de Comminges en Valentine contra er equip deth Villeneuve de Riviere, dissabte 10 d'abriu tàs 20:00.

¡¡¡ Aficion vos demoram a toti !!!

U.E. Bossòst: Marcos, Juanka, Marc, Felipe, Vilò, Liaño, Sergio, Javi, Ignasi, Pèir e Alex. Remplaçants: Ruben, Jaime, Moha.
Tarjetes auriòles: Marc, Liaño.
Trainer: Miki.

Valentine S.C.: Ihuel, Farre, Jibbou, Deu I, Pardo, Gomez, Gonçalves, Canevese, Fethi, Toulouse, Dussart. Remplaçants: Garoui, Deu II, Castex.
Tarjetes auriòles: Jibbou, Pardo.
Trainer: Cistac Patrich.

Arbitre: Magne Bertrand.

Era 1/2 finau en Valentine

Era 1/2 finau dera Copa de Comminges se jogarà eth dissabte 10 d'abriu tàs 20:00 en Valentine, contra er equip de Villeneuve de Riviere.

¡¡¡ Aficion amplís eth camp, anima eth tòn equip, fòrça U.E. Bossòst !!!.

Seguís eth “gafe” de Montespan

MontespanFigarol 4 – U.E. Bossòst 2

Dempús de cinc sasons que joguen ena nòsta categoria, continuam en tot pèrder en aguest desplaçament que degut ath terren de jòc e ara intensitat deth rivau, tostemp se mos hè un partit fòrça difícil.
Ena prumèra mietat, eth Montespan artenhèc eth prumèr gol ath quart d’ora ; eth jogador Peres marcaue eth 1-0. Era U.E. Bossòst poguèc arténher er empat en un gran shut de Liaño que toquèc ena barra. Lèu deth descans, en ua fauta de luenh, Watel sense cap oposicion, remataue de cap e marcaue eth 2-0, resultat damb eth que s’arribaue ath descans.
Ena dusaua mietat, iniciatiua per part nòsta e eth Montespan jogant ara contra. Ena menuta 60´, Belarbi en jogada de contraatac marcaue eth 3-0. As 5 menutes reduíem era diferéncia en un penalty hèt a Monchi e que Felipe marcaue eth 3-1. Semblaue que podíem apropar-mos en marcador, mès en ua auta fauta de luenh Dutto tot solet marcaue eth 4-1. Ena menuta 80´ Felipe en un shut des de laguens der àrea marcaue eth 4-2, resultat que serie eth definitiu.
Derròta justa, non sabèrem estar en partit e ara, a pensar en pròplèu partit. Queden 7 jornades e encara ei tot per decidir e ei important d’ assegurar es punts des partits de casa.
Eth pròplèu partit jogam en Bossòst contra eth Valentine , dissabte 27 de març tàs 20 :00 ores.

Ent.MontespanFigarol : Passament, Bresquignan, Belarbi, Babalet, Garros, Peres, Lafforgue, Ricardo Costa, Dutto, Watel Dutheil. Remplaçants: Cedric, Mauze, Verge.
Tarjetes auriòles: Belarbi(12’), Mauze (40’)
Trainer: Laplagne J. Michel.


U.E. Bossòst : Marcos, Alex, Miguel, Marc, Felipe, Javi , Liaño, Ignasi, Ruben ( 60’ Monchi), Sergio e Pèir.
Tarjetes auriòles: Miguel (40’), Alex (78’).
Trainer: Jordi.

Gols : 1-0 Peres (15’), 2-0 Watel (42’), 3-0 Belarbi (60’), 3-1 Felipe (p. 65’), 4-1 Dutto (75’), 4-2 Felipe (80’)..
Arbitre : Cunha Philippe.

Guanham pera mínima

U.E. Bossòst 1 – Ent. Boussens 0

Partit fòrça limpio eth jogat aguest dissabte en Bossòst. Er equip deth Boussens ei eth mès esportiu dera nòsta categoria.
Quant ath partit, fòrça bones intervencions deth portèr deth Boussens, Bonaque. Ena prumèra mietat fòrça bona parada en un shut d’aprop d’Ignasi que desvièc entath cornèr. Eth Boussens reaccionèc en ua fauta shutada de luenh per Laffont e que Marcos desvièc tanben entath cornèr. Tamb eth 0-0 s’arribaue atau ath descans.
Ena dusaua mietat, mès protagonisme deth portèr visitant, tamb bones arturades en shuts d’Ignasi e de Pèir. Ena menuta 70 se marcaue eth que serie er unic gol deth partit : en ua passada d’Ignasi, Pèir se plantaue dauant de Bonaque e tamb era sua cama “ dolenta” era dreta, shutaue entà marcar eth 1-0. Des d’ aquiu enquiath finau, bones ocasions entà sentenciar eth partit, mès non auèrem encert ena rematada finau e eth Boussens, non auèc tanpòc cap ocasion entà marcar.
Bona victòria que mos aprope as posicions tresau e quatau.

Eth pròplèu partit jogam en Montespan contra er equip locau , dimenge 21 de març tàs 15 :00 ores.

U.E. Bossòst : Marcos, Marc, Miguel, Viló (80’ Mariano),Felipe, Javi (80’ Tito), Liaño, Ignasi, Ruben ( 60’ Juanka), Alex e Pèir.
Trainer: Jordi.

Ent. Boussens : Bonaque, Raufast, Rougemaille, Darnaud, Saliba, Riviere, Fuzelier, Benazi, Marti, Laffont, Berges. Remplaçant : Capo, Brentegani.
Trainer : Ortega Stephane.

Gol : 1-0 Pèir (70’).
Arbitre : Guezello Guy.

Sorteig 1/2 finau dera Copa de Comminges

Agèr dijaus 11 de març ena sedença deth Districte de Comminges de Fotbòl se realizèc eth sorteig dera 1/2 finau dera Copa de Comminges. Es partits se jogarant era dimenjada deth 10-11 d'abriu.

Etoile de Cagire- Encausse.
Villeneuve de Riviere - U.E. Bossòst

Dues mietats diferentes: Ua bona prumèra mietat e ua dolenta dusaua mietat.

Montastruc F.C. 4 - U.E. Bossòst 2

Partit estonant eth jogat aguest dissabte en Montastruc de Salies dauant er equip locau. En ua prumèra mietat en qu’eth Montastruc s’auancèc lèu en marcador, as 5´ Embarcq artenhíe eth 1-0 ; alavetz era U.E. Bossòst comencèc a jogar e fruit deth sòn bon jòc, artenhèc dus gols : eth prumèr d’Ignasi(10’) e eth dusau de Pèir (18’). Guanhàuem fàcilment e encara marquèrem dus gols mès qu´er arbitre anulèc ; un semble ben anulat a Javi (25’) mès eth dusau a Pèir (35’) non semblaue posicion de dehòra de jòc. S’arribaue atau ath descans tamb eth marcador ath nòste favor de 1-2 e ua sensacion de superioritat dauant er equip locau.
Ena dusau mietat tot cambièc; non sabi se pera relajacion e per non respectar ath contrari, eth Montastruc as 10 menutes mos empataue, Embarcq (55’). Dempús, artenhíe un aute gol que plaçaue eth 3-2 ( Da Costa 65’). Era U.E. Bossòst seguic en tot pelejar entà empatar eth partit, mès non siguèc pas possible. Enes menutes de descompde , e passada era menuta 90´, eth Montastruc artenhíe eth definitiu 4-2, ( Guichereau 92’).
Ath finau deth partit gran decepcion de tot er equip, pr’amor qu’eth partit ère ben encarrilat ena prumèra mietat e ena dusaua mietat cambièc tot d’ua manera fòrça negatiua. Cau jogar es 90 menutes ath 100% de concentracion e màxim respecte entar equip qu’ auem ath dauant que fòrça viatges non an era nòsta qualitat mès que lutem enquiath darrèr moment.


Eth plòplèu partit, jogam en Bossòst contra eth Boussens, dissabte 13 de març tàs 20 :00 ores.

Montastruc F.C.: Cucuron, Martinez, Brun, Lacarrere I, Barbataud, Vaillon, Da Costa, Lacarrere II, Embarck, Vanali, Guichereau. Remplaçants: Rampon, Rouich, Sentenac.

Trainer: Arreou Patrice.

Tarjetes auriòles: Embarck, Guichereau.

U.E. Bossòst : Marcos, Marc, Miguel, Viló,Felipe, Javi, Liaño, Ignasi, Sergio ( 70’ Ruben), Alex e Pèir.
Tarjetes auriòles :Felipe.
Trainer: Miki.

Gols : 1-0 Embarck (5’), 1-1 Ignasi (10’), 1-2 Pèir (18’), 2-2 Embarck (55’), 3-2 Da Costa (65’), 4-2 Guichereau (92’).

Arbitre : Fortin Jacques.

Victòria agredoça: greu herida d’Adrian Rodriguez

Labarthe-Inard 1 - U.E. Bossòst 2

Partit marcat pera greu blesura d’Adrian Rodriguez qu’ena menuta 4 deth partit se lesionèc en ua jogada fortuita ena qu’eth defensa locau despejèc era pilota e dempús era sua cama impactèc en jolh d’Adrian R. e causèc era importanta lesion: Fractura de rotula. Arturada deth partit pendent casi 40 menutes. Siguèc difícil contunhar jogant eth partit ja que sabíem qu´era lesion ère greu. Eth partit non siguèc bric fácil, en un terren de joc fòrça irregular e un equip deth Labarthe-Inard poc esportiu. Siguèrem milhors enes 90 menutes e per aquerò, era victòria siguèc mereishuda. Ena prumèra mietat ena menuta 35 artenhíem eth 0-1 en un gran shut de Javi des de dehòra der àrea e qu’entraue pera esquaira deth portèr Navarro; un gran gol. Tamb aguest resultat s’arribaue ath descans. Ena dusaua mietat, eth Labarthe-Inard mos empataue en ua accion de dehòra de jòc deth jogador Abdou que se plantaue dauant Monchi e marcaue eth 1-1. Era U.E. Bossòst artenhíe eth 1-2 definitiu a un quart d’ora deth finau, en ua bona jogada individuau d’Ignasi.
Aguesta prumèra victòria dehòra de casa mos place ena zona tranquilla dera classificacion.

Demoram ua lèu recuperacion d’Adrian e le dam fòrça ànims.


Eth plòplèu partit, jogam en Montastruc de Salies contra er equip locau dissabte 6 de març tàs 20:00 ores.

Labarthe-Inard : Navarro, Vanremoutere, Saaf, Sauvageot, Loutfi, Racca, Saurat, Pellegrin Abdou, Pailloux, Nabarlas. Remplaçants : Boulanger, Laville.
Tarjetes auriòles : Pellegrin.
Trainer : Mesloub Akli.

U.E. Bossòst : Monchi, Juanka, Miguel, Marc, Felipe, Javi, Liaño, Ignasi, Adrian R. ( 4’ Sergio) , Alex (55’ Ruben) e Pèir.
Tarjetes auriòles : Felipe, Javi.
Trainer: Jordi.

Arbitre : Duplan David.
Gols : 0-1 Javi (35’), 1-1 Abdou (60’), 1-2 Ignasi (75’)

Victòria enes darrèrs 10 menutes

U.E. Bossòst 2 – Ent. Landorthe 0

Guanhèrem un partit que non siguèc bric fàcil. Eth terren de joc ère fòrça pesat e açò perjudiquèc as dus equips. Eth Landorthe gessèc tamb fòrça e ena prumèra menuta Armengaud remataue de cap e Monchi auie d’enviar era pilota a cornèr. Era U.E. Bossòst responèc tamb un shut d’Adrian qu’eth portèr Guers desvièc. Degut ath estat deth terren de jòc, en dues cesions ath nòste portèr mos podèrem costar eth gol. Era U.E. Bossòst cerquèc eth gol sense guaire acert enes rematades. Tamb eth 0-0 s’arribaue ath descans. Ena dusaua mietat, eth nòste domini siguèc mès gran. Eth Landorthe sonque auèc ua clara ocasion que shutèc dehòra. Felipe, en un bon lançament de fauta, estèc a lèu de marcar mès eth portèr Guers arturèc era pilota. Miguel, en dues ocasions podèc daurir eth marcador quan ère a prop dera linea de gol entà marcar, enes dues ocasios shutèc contra eth portèr qu’ath finau siguèc eth melhor jogador deth Landorthe. Tamben se reclamèc un clar penalty en àrea deth Landorthe, hèc ath nòste jogador Sergio. Ara fin, ena menuta 80 Miguel marcaue eth 1-0. Quedauem 10 menutes de partit e eth Landorthe adelantèc es línees; en un long desplaçament de Monchi, Adrian s’escapaue deth darrèr defensa e se plantaue solet dauant deth portèr entà marcar eth 2-0, resultat que serie eth definitiu ath finau deth partit.
Aguesta victòria mos place ena zòna mieja dera classificacion, mès cau balhar continuitat enes plòplèus partits. Per lo que semble, tret deth St. Gaudens e SaliesMane, toti es auti equips van a estèr ena luita des tres plaçes entà baishar.

Eth plòplèu partit, jogam en Labarthe-Inard contra er equip locau dimenge 28 d’ hereuèr tàs 15:00 ores.

U.E. Bossòst : Monchi, Marc, Miguel, Viló, Felipe, Tito (45’ Polilla), Liaño, Sergio (75’ Ruben), Ignasi, Adrian R. e Alex (60’ Juanka).
Tarjetes auriòles :Juanka (85').
Trainer: Jordi

Ent. Landorthe: Guers, Margueritat, Aoum, Vinsonneau, Carceller, Matilla, Nobles, Duchein, Armengaud, Pauchene, Sanchez. Remplaçant: Tombini.

Tarjetes auriòles: Vinsonneau (80').

Trainer: Lacaze Gerard.

Arbitre : Darnaud Claude.
Gols :1-0 Miguel (80’), 2-0 Adrian R.(85’).

Jornada suspenuda

Degut as condicions climatologiques s'ha suspenut totis es partits deth distrite de Comminges. A d'aguest pas en Sant Ròc encara jogaram es 1/2 finau dera Copa de Comminges.

Mos marquèrem massa gols e atau ei difícil poder guanhar

U.S. SaliesMane 3 - U.E. Bossòst 2

Massa gols encaishadi en aguest partit dauant eth SaliesMane. Es errors defensius herèn que non poguèssen trèir arren d’aguest difícil desplaçament. Eth partit començèc tamb bon ritme e en prumèr quart d’ora ja s’auíem marcat dus gols. Prumèr, eth SaliesMane per miei de Brih aprofitèc un desajust defensiu entà plantà-se dauant Monchi e marcar. Era U.E. Bossòst reaccionaue e 5 menutes mès tard, Adrian R. de jogada personau marcaue eth 1-1. A compdar d’alavetz, fòrça joc, es defenses s’impossèren as atacs e i auèc poques ocasions de gol. Lèu d’arribar ath descans ,Sarradet aprofitèc un error defensiu nòste en ua fauta tirada de luenh entà marcar a porta bueda eth 2-1, resultat Lamb eth que s’arribaue ath descans. Ena dusaua mietat, era U.E. Bossòst siguèc er equip que portèc era iniciatiua tamb bones ocasions per part d’Ignasi en tres viatges e Adrian R. en un bon shut que Marrot desvièc entà cornèr. Eth SaliesMane jogaue ath contraatac sajant d’aprofitar era velocitat des sòns deuantèrs. En un cornèr ena menuta 60, Jorge auèc era mala sort de non poder despejar e calar era pilota ena nòsta porteria. Non mereishíem aguest gol en contra peth joc que s’auíe vist enquia alavetz. Era U.E. Bossòst reduíc distáncies en marcador en aprofitar Adrian R. ua fauta tirada per Felipe e adelantà-se ath portèr Marrot. Ère eth 3-2, resultat qu’ath finau serie eth definitiu, a despiet der intens domini der equip aranés enes darrèrs 20 menutes de partit.

Un domatge non poder trèir un empat dauant coma eth SaliesMane que pensam a de luitar peth campionat; se notèc qu’eri non auíem jogat des d´ abantes de Nadau e físicament non èrem tant ben coma nosati. Era mala sort tanben influic en tresau gol que mos marquèrem nosati madeishi.

Eth plòplèu partit, jogam en Bossòst contra er equip der Encausse dissabte 13 d’ hereuèr tàs 20:00 ores.

U.S. SaliesMane :Marrot, Ertlen I, Perez, Ferran, Rouillon, Duzac, Sarradet, Barnier, Brih, Roca I, Hanscotle. Remplaçants:Roca II, Erlen II, Giaveri.
Tarjetes auriòles : Duzac, Roca II, Ertlen II.
Trainer:Cazenave Jean Jacques.

U.E. Bossòst : Monchi, Jaime, Alex, Viló (60’ Tito), Felipe, Javi (70’ Moha), Jorge, Sergio (70’ Ruben), Ignasi, Adrian R. e Pèir.
Tarjetes auriòles :Javi
Trainer: Jordi

Arbitre Lozes Henri
Gols :1-0 Brih (10’), 1-1 Adrian R.(15’), 2-1 Sarradet (40’), 3-1 Jorge(p.p. 60’), 3-2 Adrian R. (70’).

¡¡ Guanham e passam entara semifinau dera Copa de Comminges !!

Pointis-Inard O.C. 0 - U.E. Bossòst 2

Victòria cuerta dera U.E. Bossòst en aguest partit des ¼ de finau dera Copa de Comminges que s’ a jogat aguest dimenge en Pointis-Inard contra er equip locau. Pendent es 90 menutes, domini totau e bon fotbòl per part dera U.E. Bossòst en un terren de joc fòrca pessat e que dificultèc eth joc der equip aranés. Marquèrem lèu ,ena menuta 2 en un centre de Sergio, un bon cop de cap de Pèir daurie eth marcador : ère eth 0-1. Dempús seguiren ocasions fòrça clares de Jorge, Ignasi e Alex que shutèc en garròt. Tamb eth 0-1 s’arribaue ath descans. Ena dusaua mietat tot seguit igual, manquèren ocasions clares Adrian R. e Ignasi. Ena menuta 70 en un bon centre de Pèir, Adrian R. remataue de cap e marcaue eth 0-2 (fòrça polit aguest gol, bona jogada, bon centre e bon cop de cap). Quedauem 20 menutes enquiath finau, mès non cambièc bric eth partit en seguir eth nòste domini ; eth nòste portèr Monchi siguèc un espectador mès deth partit. Era nota negatiua siguèc es quate tarjetes auriòles que mos ensenhèren. Er arbitre compensèc atau es tarjetes treigudes as jogadors deth Pointis-Inard per entrades dures tamb tarjetes as nòsti per protestar era duresa des entrades.
Èm mès a prop dera desirada finau de St. Gaudens mès es equips que queden sòn mès difícils qu’aguest equip deth Pointis-Inard. Eth camin non va èster bric fàcil. Es equips classificadi entara semifinau qu’en principi se jogaria a prumèrs d’abriu son: Encausse, Villeneuve de Riviere, Etoile de Cagire, era U.E. Bossòst.

Eth plòplèu partit, jogam en Salies du Salat contra er equip deth SaliesMane dissabte 6 d’ hereuèr tàs 20:00 ores.

U.E. Bossòst : Monchi, Jaime, Miguel, Viló, Felipe, Liaño, Jorge (75’ Javi), Sergio, Ignasi, Alex (45’ Adrian R.) e Pèir (75’ Ruben).
Tarjetes auriòles : Pèir, Miguel, Adrian R., Javi
Trainer: Jordi

Pointis-Inard O.C.: Smara, Voisin, Barousse, Do Canto, Gras, Causadias, Blanchard, Gordia, Giraudo, Salvaing, Boitel. Remplaçants:Boselli, Beret, Saint Martin.

Trainer: Do Canto Henri.

Tarjetes auriòles:Voisin, Barousse, Do Canto, Blanchard, Gordia.

Arbitre Lozes Henri.
Liniers:Cunha Philippe, Diebling Lucien.
Gols : 0-1 Pèir (2’), 0-2 Adrian R.(70’).

¡¡ Guanham eth derby deth Portilhon !!

U.E. Bossòst 2 – B.Luchon 1

Ath finau, s’ a pogut jogar aguest partit dempús de suspené-se en tres ocasions. Victòria fòrça important dera U.E. Bossòst en que en tot jogar tamb 10 jogadors pendent + de 1 ora a pogut guanhar ath Luchon.
Partit típic de derby, tamb intensitat e entrades dures que portèc eth jòc a no èster controlat peth cap des dus equips. Eth Luchon s’adelantaue en marcador en un cornèr en que Cayrey remataue de cap eth 0-1. Era U.E. Bossòst non baishèc es braci e 5 menutes mès tard, igualaue eth marcador en ua bona jogada que Sergio shutaue entà marcar eth 1-1. Lèu dera mieja ora de jòc se produic era jogada important deth partit en que eth nòste jogador Marc ère expulsat per fauta ath jogador deth Luchon, Barta; er arbitre considerèc qu’ ère eth darrèr defensor e l’ensenhèc era tarjeta vermelha. Quedaue fòrça partit per jogar. Eth Luchon dominèc es darrèrs menutes dera prumèra mietat.
Ena dusaua mietat, a despiet d’ èster tamb 10 jogados joguèrem milhor qu’eth Luchon, es jogadors s’entreguèren ath màxim e non se notèc bric era diferéncia d’ èster tamb un jogador de mens. Ena menuta 70’ ,Jorge en rematar fòrça ben de cap ua fauta shutada per Pèir marcaue eth 2-1, resultat qu’ath finau serie eth definitiu. Eth Luchon sajèc en temps que quedaue d’empatar eth partit mès non auèc cap ocasion clara.
Ath finau , victòria trebalhada, er equip ac dèc tot e era aficion estèc damb eth suport ath equip pendent tot eth partit.
Eth plòplèu partit jogam partit es ¼ de finau dera Copa de Comminges, en Pointis-Inard dimenge 31 de gèr tàs 14 :30 ores.

U.E. Bossòst : Monchi, Marc, Miguel, Viló, Liaño, Jorge (80’ Ruben), Javi ( Tito), Sergio (60’ Polilla), Ignasi, Alex e Pèir.
Tarjetes auriòles : Viló(75’), Liaño (85’).
Tarjeta vermelha : Marc (27’).
Trainer: Jordi

B. Luchon : Cazes, Boy, Lansalot, Diverchy, Barta I, Malot, Da Conceicao, Da Costa, Barta II, Sales, Cayrey. Remplaçants: Khelifa, De Abreu, Dargassies.
Trainer: Barta J.F.
Tarjetes auriòles : Lansalot, De Abreu.

Arbitre St. Paul Arnaud.
Gols : 0-1 Cayrey (10’), Sergio (15’), Jorge (70’).

Semble que aguest dissabte jogaram en Bossòst

Dempús de dues dimenjades en que se suspeneren es partits, semble que aguest dissabte 23 de gèr, jogaram tàs 20:00 en Bossòst contra eth Luchon. Eth partit ei eth dera prumera jornada deth campionat e qu'auem pendent. Dempús de tanti dies sense jogar a veir coma se trobe er equip, mos e fauta era victòria e demoram eth suport de tota era nosta aficion.

¡¡¡ Aficion amplís eth camp, anima eth tòn equip, fòrça U.E. Bossòst, Vos demoram a toti !!!.

Anulada tota era jornada

Eth Districte de Comminges a anulat toti es partits dera jornada d'aguesta dimenjada (16-17 de gèr) pr'amor de que es terrens de joc non estan en condicios entà jogar.

Non n'i a manera de jogar contra eth Luchon

Per tresau viatge se suspen eth partit contra eth Luchon degut ara fòrta nheuada des dus darrèrs dies. Era nheuada a arribat enquia St. Gaudens. Eth Districte de Comminges a suspenut toti es partits dera dimenjada 9-10 de gèr.

Començam eth 2010 tamb un derby

U.E. Bossòst - B. Luchon
Aguest dissabte 9 de ger deth 2010 tàs 20:00, jogam eth prumèr partit d'aguest nau an. Entà començar: derby deth Portilhon entre dus equips que mos hè fauta era victòria. Açò encara hè eth partit + interessant.
¡¡¡ Aficion amplís eth camp, anima eth tòn equip, fòrça U.E. Bossòst, Vos demoram a toti !!!.