Sorteig 1/4 de finau Copa de Comminges

Aguesti son es partits des 1/4 de finau dera Copa de Comminges.
Encausse - Landorthe dia 10.01.10 tàs 14:30.
Villeneuve Lecussan - Etoile de Cagire dia 09.01.10 tàs 20:00.
Villeneuve de Riviere - MartresRoquefort dia 09.01.10 tàs 20:00.
Pointis Inard - U.E. Bossòst dia 31.01.10 tàs 14:30.

Era U.E. Bossòst desire un Bon Nadau e un eròs an nau 2010 entà toti.

Partit contra eth Luchon

Ath finau eth partit contra eth Luchon se jogarà eth 9 de gèr deth 2010 tàs 20:00.

Non n´i a manèra de guanhar dehòra de casa

Isle en Dodon 1 - U.E. Bossòst 0

Dempús de guanhar ath líder mos venguie un partit entà confirmar era nòsta recuperacion. Ath finau, derròta e atau non gessem des lòcs de baish dera classificacion.
Partit contra er Isle en Dodon, un rivau directe ja qu’ ère a 1 punt de nosati abantes de començar eth partit. Ena prumèra mietat siguèrem es clars dominadors deth partit tamb ocasions entà daurir eth marcador, sustot ua d’Alex qu’eth portèr Galibert desvièc entà cornèr. Non poguèrem trèir arren de bon dera nòsta superioritat e s’arribaue ath descans tamb eth 0-0. Ena dusaua mietat eth partit s’igualèc , er Isle en Dodon joguèc milhor qu´ena prumèra mietat en que non auie shutat a porteria. Er Isle en Dodon auèc ua prumèra ocasion tamb un shut de Faure que toquèc eth garròt. Nosati responèrem tamb ua clara ocasion d’Alex que tot solet dauant deth portèr shutèc per naut dera porteria. Er unic gol deth partit se marquèc ena menuta 70, eth jogador Robin s’escapaue dera marca dera nòsta defensa e marcaue eth 1-0. Era U.E. Bossòst sajèc tot entà empatar eth partit mès non podèc èster.
Partit en qu’ auiem de hèr era diferéncia ena prumèra mietat. Dempús deth descans, sabíem qu’er equip que marquèsse s’emportaríe era victòria. Domatge de resultat. Non n´i a manèra de guanhar dehòra de casa e encadenar dues victòries ara seguida.

Eth plòplèu partit jogam eth partit endarrerit dera prumèra jornada; en principi ( volem nosati cambiar eth dia e èm ara demora dera contesta) jogam en Bossòst eth dia 19 de deseme tàs 20 :00 ores.

Isle en Dodon : Galibert, Saint Blancat, Drex, Rodriguez, Larrieu, Bachet, Serres, Furton (70’ Lourde), Robin, Faure e Cuvelier.
Tarjetes auriòles : Robin (35’), Serres (80’).
Trainer : Furton Philippe.

U.E. Bossòst : Monchi, Mariano, Miguel, Marc (75’ Tito), Liaño, Jorge, Javi, Sergio (70’ Ruben), Ignasi, Alex e Pèir.
Tarjetes auriòles : Jorge (30’).
Trainer: Jordi

Arbitre Darnaud Claude.
Gols : 1-0 Robin (70’)

¡¡¡ Guanham ath líder !!!

U.E. Bossòst 2 - St. Gaudens 1

Victòria important dera U.E. Bossòst dauant eth líder deth campionat. Partit fòrça ben jogat pes dus equips en qu'eth Bossòst portèc era iniciatiua deth joc. Atau en prumèra mietat auèrem ua bona ocasion per part d'Ignasi que tot solet dauant eth portèr Duret non podèc marcar. Eth St. Gaudens responèc tamb un shut de Marque en garròt. Auèrem bones ocasions enes fautes tirades per Jorge que estèren a prop de sorprene ath portèr Duret. Tamb eth 0-0 s'arrivaue ath descans. Ena dusaua mietat era U.E. Bossòst gessèc fòrça resolotiu, atau Ignasi as 2 minutes marcaue eth 1-0 dempús d'un bona passada d'Adrian R.. As 5 minutes més tard Adrian R. marcaue eth 2-0 en aprofitar un error de tota era defensa deth St. Gaudens e marcaue a porta hueda. Podèrem marcar un aute gol en ua bona jogada d'Ignasi, mès eth son shut anèc en garròt.

Quedaue més de mieja ora entà acabar e eth St. Gaudens comencèc a jogar un sinhau milhor que nosati. Ena minuta 80 Hervas aconseguie eth 2-1 en marcar en ua bona jogada de tota era sua delantera. Ath finau fòrça fautes e interrupcios e bèra jogada en contratac per part nòsta; ua surtot de Moha que tot solet shutèc as mas deth portèr. Eri auèren bèra ocasion entà sajar d'empatar eth partit. Ath finau victòria dera U.E. Bossòst que guanhèc ath líder e dar surtot es gràcies ara aficion que ajudèc fòrça ath equip enes moments més difícils.

Eth plòplèu partit lo jogam en Isle en Dodon contra er equip locau, dimenge 13 de deseme tás 12:45 deth maitin.

U.E. Bossòst: Monchi, Juanka, Miguel, Liaño, Marc, Javi (60' Jaime), Jorge, Sergio (65' Moha), Ignasi, Adrian R. (89' Ruben) e Pèir.

Tarjetes auriòles: Pèir (26'),Liaño (42'), Sergio (60').

Trainer: Jordi

U.S. St. Gaudens: Duret, Dutech, Breil, Louis, Duchein, Caperan, Boudes, Leon, Marque, Arieu, Serie. Remplaçants: Galibert, Hervas.

Tarjetes auriòles: Boudes (21'), Serie (41'), Caperan (60'), Duchein (67').

Trainer: Perin Sebastien

Arbitre: Castro Antoine

Resultats 1/8 de finau dera Copa de Comminges

U.E. Bossòst 4 - Puymaurin 0
Martres Tolosane 2 - Boulogne 1
Villeneuve Lecussan 2- Boussens 0
Villeneuve de Riviere 1 - Larboust 0
SaliesMane 1 - Encausse 2
Valentine 2 - Landorthe 4
Etoile Cagire 4 - St. Gaudens 3
Pointis Inard 0 - Cazeres 0 (penaltys 4-3)