Passam a ¼ de finau dera Copa de Comminges x golejada

U.E. Bossòst 4 – Es. Puymaurin 0

Fàcil victòria dera U.E. Bossòst aguest darrèr dissabte e que place ar equip aranés enes ¼ de finau dera Copa de Comminges.
Eth protagonista deth partit siguèc eth fort aire que perjudiquèc as dus equips entà jogar a fotbòl. Partit dominat enes 90 menutes en qu’ena prumèra mietat ja quedaue sentenciat. Ath quart d’ora , un cop de cap de Miguel en un cornèr, marcaue eth 1-0. Ena minuta 30, Pèir en ua bona jogada colectiua marcaue eth 2-0. Eth madeish Pèir ena minuta 40, en un aute cop de cap marcaue eth 3-0, resultat damb que s’arribaue ath descans. Ena dusaua mietat, Ignasi ena minuta 70 marcaue eth 4-0. Un shut de Miguel tocaue en garròt. Ar arbitre l´ac reclamèren 2-3 penaltys clars per fautes laguens der àrea; ath finau deth partit diguèc que coma eth resultat ère de 4-0 non les auie fiulat. Incredible mès cèrt. Eth Puymaurin sonque arribèc ena nòsta porteria ath finau deth partit en un parelh de fautes ( inventades per arbitre) a toca der àrea, mes es sòns shuts anèrem dehòra dera portería.

Objectiu artenhut: èm enes ¼ de finau dera Copa de Comminges (toti non podem díder lo madeish donques fòrça boni equips an quedat eliminadi) e ara, demorar eth sorteig, a continuar tamb era madeisha sort e jogar era eliminatòria en casa.

Eth plòplèu partit torne eth campionat, jogam en Bossòst contra eth St. Gaudens ( lider dera nòsta categoria ),eth dissabte 5 de deseme tàs 20 :00 ores

U.E. Bossòst : Monchi, Juanka (65’ Mariano), Miguel, Marc, Liaño, Jorge, Alex (60’ Javi), Sergio (65’ Ruben), Ignasi, Adrian R. e Pèir.
Trainer: Jordi

Es. Puymaurin : Gay, Despax, Castex, Soldeville I, Soldeville II, Rossi, Leveque, Fortin, Martin, Souleille, Laffont.

Arbitre Ferran David.
Gols : 1-0 Miguel (15’), 2-0 Pèir (30’), 3-0 Pèir (40’), 4-0 Ignasi (70’).

Tot mo´n va mau

S.C. Valentine 3 - U.E. Bossòst 2

Era vertat ei que mos mereishíem trèir un milhor resultat, mès tot mo´n anèc ath reves. Partit igualat ath sòn començament en que non saberem aprofitar dus cornèrs en qu´era pilota se passejèc dauant dera porteria deth Valentine. Eth Valentine auèc ua bona ocasion en un shut de Carillo que Marcos desvièc entath cornèr. Lèu dera mieja ora de jòc, Pèir aprofitèc un malentes dera defensa e portèr deth Valentine entà marcar a pòrta ueda, ère eth 0-1. A compdar d’alavetz, eth Valentine enlordic eth jòc tamb eth permís der arbitre que non sancionèc es sues agresions. Quan s’acabaue era prumèra mietat, eth Valentine empataue eth partit peth miei deth sòn jogador Duthu. Tamb 1-1 s’arribaue ath descans.
Sonque començar era dusaua mietat, eth Valentine artenhíe eth 2-1 en un cornèr que non defensèrem correctament e Fethi shutaue tot solet entà marcar. Auèrem talents e 5 menutes mès tard en un penalty a Ignasi, Felipe shutaue entà igualar eth marcador : 2-2. Quedaue mès de mieja ora de jòc e tot podíe passar. Non condàuem tamb era expulsion de Felipe que en ua entrada fòrça exagerada peth jogador de Valentine, er arbitre le ensenhaue era vermelha directa. A despiet de quedà-mos tamb 10 jogadors tanpoc passèrem guaire perilh ena nòsta porteria. A 5 menutes deth finau, en un long desplaçament de pilota, eth jogador deth Valentine Toulouse se plantaue dauant de Marcos entà marcar eth 3-2. Si que tirèrem dos cornèrs ath finau sense poder marcar cap gol mès.
Ath finau ua auta derròta ; mos faute mès contundéncia defensiua e de poc servís qu’es entrenadors contraris queden estonadi dera nòsta dolenta classificacion se dempús es diuerses circunstàncies mos porten entara derròta.

Eth plòplèu partit torne era Copa, jogam en Bossòst, 1/8 de finau dera Copa de Comminges contra eth Puymaurin, dissabte 28 de noveme tàs 20 :00

S.C. Valentine :Dejean, Farre, Jibbou, Castex, Pardo, Gomez, Fethi, Carillo, Duthu, Toulouse, Canevese. Remplaçants : Dussart, Alcover.
Tarjetes auriòles : Jibbou, Duthu, Alcover.
Trainer : Cistac Patrick

U.E. Bossòst : Marcos, Jaime, Miguel, Marc, Felipe, Liaño, Javi (75’ Mariano), Alex (60’ Sergio), Ignasi, Adrian R. e Pèir.
Tarjetes auriòles: Javi, Pèir, Sergio.
Tarjeta vermelha : Felipe
Trainer: Jordi


Arbitre : Laven Mickael
Gols : 0-1 Pèir (30’), 1-1 Duthu (45’), 2-1 Fethi (50’), 2-2 Felipe (55’ p.), 3-2 Toulouse (85’).

Ara fin, ua victòria : bon fotbòl e ua maneta de gols

U.E. Bossòst 5 – Montespan Figarol 0

Ja ère ora; a costat arténher era prumèra victòria e arribar tamb bon fotbòl e pluia de gols. Resultat contundent e que reflectís era diferéncia entre es dus equips. Sonque començar ja se vedec qu’eri anauem a cercar embarrar-se darrèr e a veir coma les anaue. As 10’ Sergio de fauta directa tamb era ajuda deth portèr, marcaue eth 1-0. Ère eth prumèr partit que per fin marcauem prumèr qu’eth contrari. Auèrem diverses ocasions entà ampliar eth marcador mès non se poguèren profitar. Ath descans 1-0 e eth nòste portèr Monchi un espectador mès deth partit. Ena dusaua mietat, sabíem que non mos podíem quedar tamb era victòria tant cuerta. Ignasi as 5 minutes dera represa marcaue un gran gol en un shut qu’entraue ena esquaira dera porteria deth Montespan. A compdar d’alavetz fòrca mès ocasions entà ampliar eth marcador. En ua jogada en que Adrian R. pressionèc ath defensa contrari s’emportéc era pilota e la passèc a Ignasi que tot solet marcaue eth 3-0. En ua auta jogada peth costat dret, Ignasi centraue entà que Miguel dempús d’un control tamb eth piech shutaue e marcaue eth 4-0. Eth darrèr gol tanben siguèc fòrça espectacular, dempús de que Liaño hèsse dus barrets ara defensa deth Montespan e empalmaue sense deishar quèir era pilota ara porteria contraria. Ère eth 5-0 entà méter fin finau a ua victòria clara e contudent que mos hege fòrça de besonh; ara cau seguir atau enes plòplèus partits que non son bric fàcils.

Eth plòplèu partit ei en Valentine, partit deth campionat de Liga contra er equip locau, dissabte 21 de noveme tàs 20:00 ores.

U.E. Bossòst : Monchi, Marc (60’ Juanka), Miguel, Jorge V., Felipe, Liaño (60’ Alex), Javi (65 Ruben), Sergio, Ignasi, Adrian R. e Pèir.
Tarjetes auriòles: Adrian (75’).
Trainer: Jordi

Montespan Figarol : Alosi, Bresquignan, Verge, Baboulet, Garros, Watel, Souquet I, Ricardo Costa, Duffo, Lafforgue, Souquet II. Remplaçants : Ginet, Laplagne.
Tarjetes auriòles : Watel (70’).
Trainer : Laplagne Jean

Arbitre : Guezello Guy
Gols : 1-0 Sergio (10’), 2-0 Ignasi (50’), 3-0 Ignasi (60’), 4-0 Miguel (75’), Liaño (80’).

Sorteig 1/8 de finau dera Copa de Comminges

Aguest ei eth sorteig des 1/8 de finau dera Copa de Comminges. Es partits s'han de jogar era dimenjada deth 28-29 de noveme.
Partits:
Valentine - Landorthe
Et. du Cagire - St. Gaudens
Martres Roquefort - Boulogne
Villen.de Riviere - Larboust
Villen. Lecussan - Boussens
SaliesMane - Encausse
Pointis Inard - Cazeres
U.E. Bossòst - Puymaurin

Ua mietat entà cada equip

Boussens 1 - U.E. Bossòst 1

Fòrça bon partit eth disputat aguest dissabte en Boussens entre dus equips que cerquèrent era victòria. Ena prumèra mietat domini der equip locau que se concretèc ena minuta 20, tanb un gol, en un shut d’ Alcayna en aprofita un mal despeje dera nòsta defensa. Aguest madeish jogador auèc eth 2-0, mès era gran arturada de Monchi evitèc eth gol. Era U.E. Bossòst sonque creèc perilh enes shuts desde luenh. Tanb 1-0 s’arrivaue ath descans.
Ena dusaua mietat, as 5 minutes Adrian R. marcaue eth 1-1. Aguest gol e un milhor posicionament der equip ena dusaua mietat hèc qu’era U.E. Bossòst passese a dominar eth partit e auèsse ocasios entà marcar + gols. Atau un shut d’Igansi toquèc en garròt, iaute shut deth madeish jogador eth portèr desvièc entà cornèr. Ua ocasión fòrça clara en que Pèir prumèr e dempús Javi non podèren marcar eth gol. Monchi ena dusaua mietat sonque auèc d’arturar ua ocasión de perilh.
Ath finau 1-1 en un bon partit, sense cap des dus equips contentis ja qu’auèrem es dus es sues oportunitats entà decidir eth partit. Ara a guanhar ena nòsta casa.

Eth plòplèu partit ei en Bossòst, partit deth campionat de Liga contra er equip de MontespanFigarol, dissabte 14 de noveme tàs 20:00 ores.

Boussens : Bourot, Fuzelier, Hritane, Marti, Benazi, Darnaud, Hernandez, Riviere, Laffont, Alcayna, Berges. Remplaçants : Raufast, Faggionato, Gardelle.
Tarjetes auriòles : Darnaud, Riviere.
Trainer : Sachy Lionel.

U.E. Bossòst : Monchi, Marc (45’ Liaño), Miguel, Jorge V., Felipe, Jaime, Javi ( 65’ Alex), Sergio (80’ Mariano), Ignasi, Adrian R. e Pèir.
Tarjetes auriòles: Felipe (85’).
Trainer: Jordi

Arbitre : Lozes Henri
Gols : 1-0 Alcayna (20’), 1-1 Adrian R. (50’).

Victòria pera mínima

U.E. Bossòst 1 – Cardeilhac 0

Partit dolent eth disputat aguest dissabte en Bossòst, fòrça duressa per part deth Cardeilhac e poc fotbòl pera nòsta part. Çò qu´ei mès important ei qu’auem passat ronda e èm enes 1/8 de finau dera Copa de Comminges.
Siguerem superiors ens 90 minutes mès non concretèren eth nòste domini en ocasions de gol. Sonque ath finau dera prumèra mietat auèrem era jogada en qu’ Adrian R. a pase de Pèir marcaue eth 1-0. Ara seguida , Alex auèc eth gol enes sues botes mès eth sòn shut ère desviat entà cornèr peth portèr.
Ena dusaua mietat, seguic era madeisha dinàmica dera prumèra mietat, fòrca domini dera U.E. Bossòst sense guaire ocasions de gol. Eth Cardeihac ena minuta 80 hèc er unic shut entà porteria en que Marcos s’auèc de despejar era pilota. Ena darrèra minuta auèrem eth 2-0 en un cop de cap de Jorge V. que toquèc eth garròt.
Ath finau deth partit, er arbitre que non auèc ua bona actuacion sustot per permètre era duressa deth Cardeilhac s’encarèc tamb eth públic en un gest molt poc esportiu.
Ath finau victòria pera mínima e objectiu artenhut mès auem de cambiar fòrça eth nòste jòc se volem auèr milhor resultats tamb en Liga coma ena Copa.
Eth plòplèu partit ei en Boussens, partit deth campionat de Liga contra er equip locau, dissabte 7 de noveme tàs 20:00 ores.

U.E. Bossòst : Marcos, Marc (70’ Juanka), Eduardo, Jorge V., Felipe, Liaño, Javi ( 70’ Ruben), Alex (60’ Sergio), Ignasi, Adrian R. e Pèir.
Tarjetes auriòles: Liaño (75’).
Trainer: Jordi

Cardeilhac: Motto, Ferrere, Abadie, Luscan, Joubert, Moural, Varela, Laouat, Souberville, Toulouse, Chauffour. Remplaçants: Lartigue, Carrere.

Tarjetes auriòles: Joubert (60').

Trainer: Claie Patrick.

Arbitre : Saint Paul Arnaud
Gols : 1-0 Adrian R. (40’).