dilluns, 26 d’octubre de 2009

Tanben perdem en casa

U.E. Bossòst 0 – Labarthe-Inard 1

Dusaua derròta consecutiva en campionat, aguesta en nòste camp. Partit en qu’era prumèra mietat non gesseren ben es causes ; enes prumères minutes dues bones ocasions: ua d’Ariel e ua auta mès clara de Sergio que tot solet dauant deth portèr, tirèc ath costat deth garròt. Eth Labarthe Inard se creiguèc que podie trèir bèra causa deth partit e comencèc a jogar un sinhau melhor que nosati. Ena minuta 30’ Felipe hège un penalty innecessari ath delanter Nahouda que Pailloux marcaue, non sense qu´abantes Monchi toquèsse laugerament era pilota, ère eth 0-1. S’arribaue ath descans sense cap mès oportunitat. Ena dusaua mietat, eth Labarthe Inard recolèc es sues linees, e sonque deishèc ath delanter Nahouda dauant; eth nòste portèr Monchi siguèc un espectador mès deth partit. Auèrem dues bones ocasions entà marcar, mès era pilota se passejèc dauant dera linea de gol, sense qu’arrès possèse era pilota entà laguens dera porteria. Non profitèrem tanpòc es fòrça faltes e cornèrs que tirèrem. Ena darrera minuta un cop de cap de Jorge semblaue qu’entraue mès passec a toca deth garròt. Ath finau 0-1 e eth Labarthe-Inard fòrça contenti dera victòria; en cambi, nosati fòrça decepcionadi ; ei vertat qu’er equip luitèc ath màxim, mès hèm tendrès darrèr, e mos coste marcar gols dauant. Guaire ocasions auem de hèr entà marcar un gol?.
E ara, era Copa dauant un Cardeilhac totaument desconeishut qu’a guanhat aguesta dimenjada per golejada ath Cierp per 5-0.
Eth plòplèu partit ei en Bossòst, partit de 1/16 de finau dera Copa de Comminges dauant eth Cardeilhac dissabte 31 d’octobre tàs 20:00 ores.

U.E. Bossòst : Monchi, Mariano, Juanka (45’ Ruben), Marc, Felipe, Jorge R., Javi ( 65’ Tito), Alex (65’ Marcos), Ariel, Sergio, Pèir.
Tarjetes auriòles: Ruben (78’).
Trainer: Jordi

Labarthe Inard : Navarro, Silvert ( 71’ V. Redoor), Chaks, Sauvageot, Loutfi, Sense, Laville (75’ Saaf), Pellegrini, Nahouda, Pailloux, Saurrat (58’ Heuillet).
Tarjetes auriòles : Silvert (70’), Laville (71’), Saurrat (92’).
Trainer : Serrano M.

Arbitre : Tintelin Laurent
Gols : 0-1 Pailloux (30’ p.)

Cap comentari: