dimarts, 13 d’octubre de 2009

Prumèra derròta deth campionat

Encausse 2 – U.E. Bossòst 1

En prumèr desplaçament auem patit era prumèra derròta deth campionat. Ena prumèra mietat en qu’er equip non acabèc de trapar eth sòn joc, er Encausse daurie eth marcador lèu dera mieja ora de jòc en un desplaçament long que Germa se plaçaue tot solet dauant Monchi entà marcar de vaselina eth 1-0. Era U.E. Bossòst auèc poques oportunitats ena prumèra mietat entà igualar eth marcador. Tamb eth 1-0 s’arrivaue ath descans.
Ena dusaua mietat, era U.E. Bossòst siguèc eth clar dominador deth partit e er equip qu’ auèc mès ocasions. Atau, ath quart d’ora empataue eth marcador tamb ua bona jogada d’Adrian R. que Pèir remataue tamb era sua cama “dolenta” (era dreta) a porteria, ère eth 1-1. Aguest madeish jogador auèc tres bones ocasions entà marcar eth 1-2 mès non podèc . Er Encausse, a manca de 20’ entath finau, se quedaue tamb 10 jogadors. Semblaue que se metie tot de cara entà nosati, mès en ua des poques arrivades dera dusaua mietat, en ua falta non despeguèrem luenh era pilota que le queiguèc en cap de Germa entà rematar eth 2-1. D’aquiu enquiath finau, domini totau nòste sense concretar cap ocasion.
Fin finau, prumèra derròta que mos a de servir entà èster mès resolotius enes dues àrees: ena nòsta èster mès expeditius e ena contrària auer mès encert entà materialitzar es ocasions qu’auem, tostemp mos fauta 3 0 4 entà marcar un gol.
Cau díder qu´aguesta dimenjada non n´auem partit e eth plòplèu ei en Bossòst, partit de Liga dauant eth Labarthe-Inard eth dissabte 24 d’octobre tàs 20:00 ores.

Encausse : Benguermit, Brana G., Levecher, Marigo, Serie, Brana A., Brana O., Martins, Germa, Campo, Paya. Remplaçants: Fettouche, Masi, Bissieres.
Trainer: Germain Thierry
Tarjetes auriòla: Levecher (57’)
Tarjetes vermelha : Levecher (70’).

U.E. Bossòst : Monchi, Juanka (75’ Mariano), Jaime, Marc, Miguel, Jorge R., Javi ( 65’ Sergio), Alex (75’ Ruben), Ignasi, Adrian R, Pèir.
Tarjetes auriòles: Ignasi (50’), Jaime (66’).
Trainer: Jordi

Arbitre: Christin Herve
Gols : 1-0 Germa (25’), 1-1 Pèir (60’), 2-1 Germa (75’).

Cap comentari: