Empatam en darrèr partit

Labarthe-Inard 1 – U.E. Bossòst 1

Empat en darrèr partit dera sason. Era U.E. Bossòst presentaue fòrça baishes entà aguest partit degut ara competicion des 30 ores de fotbòl-sala ena que participàuem fòrça jogadors der equip. Partit eth d´aguest dimenge tamb fòrça igualtat en que cap des dus equips s’imposèc clarament. Ena prumèra mietat, eth Labarthe-Inard marcaue eth sòn gol en un shut de Heuillet des de dehòra der àrea que dempús d’un mau bot entraue ena porteria de Pèir, portèr circunstancial e que hèc un bon partit. Tamb eth 1-0 s’arrivaue ath descans. Ena dusaua mietat, era U.E. Bossòst sajèc d’empatar eth partit e qu’artenhíe ena minuta 70 en un gran shut de Miguel des de dehòra der àrea. A punt èrem de marcar un aute gol en un bon shut d’Adrian H. que passèc tocant eth garròt entà dehòra dera portería. Ena darrèra menuta reclamèren un clar penalty a Ariel. Fin finau ara sason: Aurignac ei eth campeon e era U.E. Bossòst ena posicion 5ª. Baishen de categoria eth Gourdan e Martres-Tolosane e pujen tara nòsta categoria Montastruc e Valentine. Baishe de Promocion Liga tara nòsta categoria eth St. Gaudens. Bon estiu entà toti e mos veiguem a finaus de junhsèga o començaments d’agost.

Huelha deth partit:

Labarthe-Inard: Boulanger I, Chacks, Boulanger II, Bielinski, Racca, Heuillet, Saaf, Essaoui, Pellegrin, Paillorux, Espardes. Remplaçcants : Sauvageot, Fethi, Boitel.

Trainer : Serrano Michel.

U.E. BOSSÒST: Pèir, Ruben, Felipe, Marc, Eduardo , Liaño , Alex (45’ Victor) , J.Carlos, Ariel , Juanmi (35’ Miguel) , Adrian H.

Trainer: Jordi.

Gols : 1-0 Heuillet (35’), 1-1 Miguel (70’)

Arbitre : Labarre Daniel

Eth darrèr partit en casa, guanham x golejada

Partit contra eth Gourdan, equip darrèr classificat deth nòste campionat. Victòria fàcil contra aguest equip que practicament non shutèc ena nòsta porteria. Ena prumèra mietat es nostes ocasions non se poguèrem materialitzar tamb cap de gol, mès ja se veiguia que se marcauem eth prumèr anauem a marcar fòrça mès. Açò non passèc enquia era dusaua mietat en que sonque començar Moha, d’un bon shut marcaue eth 1-0. En un clar penalty a Adrian H. marcauem eth 2-0 en transformar Polilla era pena màxima. Eth 3-0 lo marquèc Moha en aprofiat un rebot de portèr a shut de Pèir e marcar a porta bueda. Eth 4-0 siguèc eth gol mè polit, en marcar Ariel, en un bon centre de Pèir. Tamb aguest resultat eth Gourdan baishe de categoria ara 1ª division.
Sonque faute ua jornada entà acabar, encara faute decidir eth campeon e er equip qu’acompanhe ath Gourdan entara 1ª division. Era classificacion ena part nauta ei: Aurignac 62, Salies 60, Luchon 59, Bossòst 54. Ena part baisha Labarthe-Inard 42, Martres-Tolosane 40, Gourdan 34.
Eth pròplèu partit que serà eth darrèr deth campionat jogaram contra eth Labarthe-Inard en casa sua.
Partit : dimenge 21 de junh tàs 15:00 ores.

Huelha deth partit:

U.E. Bossòst 4 – F.C. Gourdan 0
U.E. BOSSÒST: Monchi, Borja, Felipe, Marc, Chapo , Liaño , Alex , Eduardo (45’ Pèir), Ariel (45’ Polilla), Moha , Adrian H.
Tarjetes auriòles: Pèir (73’).
Trainer: Jordi

F.C. Gourdan : Portes, Gez, Thouvenot, Ruefli, Dupuy, Barom, Germa, Bellour I, Darracq, Ane, Bellour II. Remplaçant :Zaoui.
Tarjetes auriòles : Dupuy (60’), Zaoui (63’).
Trainer : Ruefli Bernard.

Gols : 1-0 Moha (47’), 2-0 Polilla (p. 55’), 3-0 Moha (65’), 4-0 Ariel (80’).
Arbitre : Toulouse Vincent