Victòria en un partit dolent

Partit dolent eth jogat aguest dissabte en Bossòst dauant un equip de Montespan que sonque venguèc entà Bossòst a jogar ara patacada sense cap intencion de hèr bon joc. Eth partit siguèc tostemp fauta de ritme tamb interrupcions de contunh. A despiet d’açò , era U.E. Bossòst auèc ua bona ocasion de Pèir entà daurir eth marcador : eth son xut passèc a toca deth garròt. Ena darrèra jogada dera prumèra mietat i auèc un clar penalty a Ignasi qu’er arbitre non fiulèc e acabèc en tangana damb era expulsion de dus jogadors, un de cada equipa. Ena dusaua mietat continuèc era nòsta proposta d’anar a guanhar eth partit e eri sonque aluenhar era pilota lo mès luenh dera sua porteria. Auèrem ua molt bona ocasion tamb un xut d’Ariel ena creueta dera porteria. Lèu deth minut 80, Ruben profitaue un refus dera defensa entà xutar des de dehòra der àrea e marcar eth 1-0. 5 menutes mès tard Moha, en jogada personau , marcaue eth definitiu 2-0 , resultat finau deth partit.
Èm a quate jornades deth finau, classificadis en lòc cincau. Era part positiua, era victòria ja qu’eth jòc non siguèc bon dauant un rivau que non jogue a fotbòl e ena part negatiua, era greu lesion d’Ignasi en jolh que harà que non torne a jogar aguesta sason.
Eth pròplèu partit, serà contra eth Isle en Dodon en sòn terren de jòc
Partit : dimenge 17 de mai tàs 15:00 ores.

Huelha deth partit:

U.E. Bossòst 2 – Montespan 0

U.E. BOSSÒST: Monchi, Borja, Felipe, Marc, J. Carlos, Jorge , Alex, Ignasi (Ariel 46’) , Moha , Liaño, Pèir (Ruben 65’).
Trainer: Jordi
Tarjetes auriòles : Alex (70’).
Tarjeta vermelha : Jorge (46’)

Montespan: Bilbe, Verge (Laplagne 85’), Bresquignan, Baboulet, Daure, Laforgue, Belarbi, Lecointe, Dutheil, Lagarde (Lafforgue 46’), Souquet .
Trainer : Laplagne J.M.
Tarjetes auriòles : Belarbi (57’).
Tarjeta vermelha : Bresquignan (46’)

Gols : 1-0 Ruben (80’), 2-0 Moha (85’)
Arbitre : Desprats Serge