dilluns, 25 de maig de 2009

Guanham x golejada dehòra de casa

Victòria contundent era qu’artenhèc er equip dera U.E. Bossòst aguest darrèr dissabte. Er equip joguèc fòrça ben pendent es 90 menutes e siguèc fòrça superior ath Boussens. Er equip trabalhèc tamb ua bona actitut e lauèrem era imatge deth darrèr partit.
Ena prumèra mietat, ena menuta 15, un gran shut d’Adrian H. en qu’era pilota anèc en garròt e eth rebot siguèc metut entà laguens dera porteria per Ivan; ère eth 0-1. Lèu deth descans, eth Boussens mos empataue en ua jogada personau de Pique. Tamb eth 1-1 s’arribaue ath descans. Ena dusaua mietat, er equip continuèc en tot dominar eth jòc sense guaire perilh ena nòsta porteria defenuda molt ben per Marcos. Ena menuta 60, Moha marcaue un polit gol dempús de hèr un bon control tamb eth pit e ua vaselina ath portèr Comas. Ère eth 1-2. Ena menuta 70, Ariel aprofitaue un centre-shut d’Alex entà méter era pilota laguens dera porteria deth Boussens; ère eth 1-3. Un shinhau mès tard se lesionèc eth portèr deth Boussens Comas ena cueisha dreta. Un jogador de camp se metèc de portèr. Ena menuta 85´ Moha pressionaue era pilota ath nau portèr, e la prenie entà marcar a porta ueda eth definitiu 1-4.
En resum, victòria important dauant un equip que abantes deth partit ère dauant de nosati e ara les auem empatat e treigut eth lòc 4 dera classificacion. Açò s’acabe. Sonque manquen dus partits.
Eth pròplèu partit serà contra eth Gourdan en Bossòst.
Partit : dissabte 6 de junh tàs 20:00 ores.

Huelha deth partit:

Ent. Boussens 1 – U.E. Bossòst 4

Ent. Boussens : Comas, Raufast, Bekanaoui, Ghazouani, Saliba, Hrikane, Marti, Alcarpa, Pique, Bonaque, Vansoinorblere.Remplaçants : Auriol, Capo.
Tarjetes auriòles : Ghazouani (86’).
Trainer : Ortega Stephane.

U.E. BOSSÒST: Marcos, J. Carlos, Felipe, Jaime, Chapo (Borja 65’), Polilla (Ruben 35’) , Alex (Eduardo 75’), Ivan, Ariel, Moha , Adrian H.
Tarjetes auriòles: Jaime (76’), Moha (88’).
Trainer: Jordi

Gols : 0-1 Ivan (15’), 1-1 Pique (44’), 1-2 Moha (60’), 1-3 Ariel (70’), 1-4 Moha (85’).
Arbitre : Laïlle Guy.

Cap comentari: