Ath finau eth líder mos empate

Partit eth d’aguest dissabte ,d’alternatives en marcador e qu’ath finau acabèc en empat. Sabíem qu’eth líder ère un rivau difícil més jogant en casa auíem de jogar ath màxim, qu’ei lo qu’er equip a hèt. Començèrem tamb domini e en tot auer bèra ocasion entà poder daurir eth marcador mès eth portèr d’Aurignac, Laborie desvièc es xuts d’Adrian H. e Pèir. Er Aurignac sense auer arribat ara porteria se trapèc tamb eth 0-1 en ua jogada de falta en qu´era pilota quedèc as pès de Zunnui e marcaue fàcil eth gol. Tamb 0-1 mo´n anàuem ath descans. Ena dusaua mietat, era U.E. Bossòst siguèc fòrça superior e embarrèc ath Aurignac ena sua àrea, atau en un centre de Pèir era pilota ère introduida involuntariament per Arnoud ena sua porteria. Ère eth 1-1 e quedaue molt de partit. 5’ mès tard en un centre de Jorge, Felipe de cap marcaue eth 2-1. Sonque en 15’ auíem dat eth torn ath marcador. Er equip insistie en sòn domini mès es xuts de Moha e Ignasi anàuen entà dehòra o enes mans deth portèr. A 7’ deth finau en ua auta falta Aurignac se trapaue er empat enes botes de Coujou. Ère eth 2-2 resultat definitiu.
Ath finau mos quedèc mau sabor de boca. Era vertat ei qu’eri anàuem ath dauant en marcador ena prumèra mietat sense merèishe-lo, mès dempús d’anar guanhant 2-1, que mos empaten sense èster milhor que nosati, non èm contents.
En resum, auem estat fòrça milhor qu’eth líder mès non auem pogut emportà-mos era victòria.
Eth pròplèu partit, serà d´açiu 15 dies, contra er equip de Landorthe en Bossòst.
Partit : dissabte 18 d’abriu tàs 20:00 ores.

Huelha deth partit:
U.E. BOSSÒST: Monchi, Eduardo (85’ Ruben), Marc, Felipe, Viló (75’ Javi Iglesias), Liaño , Adrtian H., Ignasi , Moha, Ariel (45’ Jorge), Pèir.
Trainer: Jordi
Tarjetes auriòles : Ignasi (81’)
Aurignac : Laborie, Mallet (35’ Sans), Coursolle, Lapuyade I, Boudes, Rauffast, Arnoud, Zunnui, Rigaut (55’ Dreher), Barousse (75’ Coujou), Lapuyade II

Tarjetes auriòles: Arnoud (70'), Coujou (80')

Trainer: Bize Michel
Gols : 0-1 Zunnui (35’), 1-1 Arnoud (p.p 55’), 2-1 Felipe (60’), 2-2 Mallet (83’)
Arbitre : Tintelin Laurent

¡¡Quin domatge!! :derròta e eliminacion dera Copa

Partit de ¼ de finau dera Copa de Comminges ; en un partit de pòga qualitat e sense oportunitats era U.E. Bossòst ei eliminada dera Copa. Er únic gol deth partit se marquèc ena minuta 3 de partit, quan en un cornèr eth jogador Saint Raymond, tocaue eth balon, que dempús desviat per Marc entraue ena nòsta porteria. Ere eth 1-0 e arrès mos imaginauen que serie eth resultat finau. D’aquieu enquia eth final domini dera U.E. Bossòst sense guaire oportunitats de gol, era defensa deth Cazaril tostemp s’imposèc ara nòsta delantera. Ena prumèra mietat sonque un xut de Pèir que Louge parèc sense cap problema. Ena dusaua mietat, ua bona ocasión de Felipe mès en sòn xut passèc a un dit deth garròt. A 5 minutes deth finau auèrem era ocasión d’empatar en ua bona jogada d’Adrian R., que driblèc a 3 jogadors, e eth sòn centre non podèc ester rematat per Felipe a prop dera porteria, era pilota gessèc entà cornèr.
Ath finau 1-0, fòrça decepcion en equip e ena aficion que se desplacèc en gran nombre enquia Cazaril entà da suport ath sòn equip. Mos quede ua sensación de qu’em milhor equip qu’ec Cazaril, mès aguest dissabte, ben sigue pera sort o per aué un mau dia, ei er equip que passe ara ½ finau. Es equips classificadis sòn Cazaril, Encausse, SaliesMane e Villeneuve de Riviere. Ara mos quede eth campionat, guardar de recuperar jogadors lesionats e sancionats e sajar de milhorar era nòsta classificacion.
Eth pròplèu partit jogam Liga, contra er equip d’Aurignac, prumèr classificat deth nòste campionat.
Partit : diuendres 27 de març tàs 20:30 ores.

Huelha deth partit:
Cazaril F.C.1 – U.E. Bossòst 0
Cazaril F.C.: Louge, Tajan, Perisse I, Monic, Angla, Souberbielle, Brondes, Jouanny, Saint Raymond, Perisse II, Rey. Reemplaçants:Abadie, Croizet, Benkaddar.

Tarjetes auriòles: Angla, Jouanny.
Trainer:Malle Patrick

U.E. BOSSÒST: Monchi, Borja (75’ Eduardo), Marc, Felipe, Juan Carlos, Liaño , Jaime (75’ Javi Iglesias), Adrian R. , Moha, Ariel (75’ Ruben), Pèir.
Trainer: Jordi
Tarjetes auriòles : Liaño (25’), Felipe (70’)

Gols : 1-0 Saint Raymond (3’)
Arbitre : Fortin Jacques
Liniers : Tintelin Laurent, Hofling Peter

Guanham, en un bon partit de fotbòl

Fòrça bon partit de fotbòl des dus equips eth jogat aguest darrèr dissabte en Bossòst. Es dus equips joguèrem fòrça ben era pilota. Eth partit començèc tamb ua bona ocasion de Pèir, que tot solet dauant deth portèr xutèc dehòra. Er Encausse responèc tamb ua bona ocasion deth sòn milhor jogador Paya S. mès Monchi desvièc a cornèr. Ena minuta 25 Ariel marcaue eth 1-0 dempús d’aprofitar un error defensiu dera defensa e portèr der Encausse. Era joia durèc poc, 5 minutes mès tard, Paya S. aprofitaue ua fauta xutada rápidament entà plantà-se dauant Monchi e marcar eth 1-1. Ena minuta 40, Adrian R. marcaue en ua polida jogada, dempús d’un canvi de jòc de Liaño e aprofitar era sua velocitat, driblant ath portèr, ère eth 2-1, resultat en que s’arrivaue ath descans. Ena dusaua part continuèc eth bon jòc des dus equips, era U.E. Bossòst, chutèc enquia tres viatges enes garròts, xuts d’Ariel, Javi Iglesias e Alex ; en xut d’aguest darrèr, Adrian R. aprofitaue eth rebot entà marcar eth 3-1. Encausse tamb aguest resultat encara se lancèc mès ar atac, Paya S. auie ua bona ocasion, mès Monchi hèc ua molt bona parada. Ena minuta 80 Vinguedemassalon marcaue un polit gol, ère eth 3-2, resultat qu’ath finau serie eth definitiu. Cau díder qu’er equip a passat tamb fòrça bona nota aguest partit, en qu’es multiples baishes qu’auien non s’an notat bric. Açò mos da fòrça moral entas pròplèus compromisi.
Eth pròplèu partit jogam partit de ¼ de finau dera Copa de Comminges en Cazaril contra er equip locau.
Partit : dissabte 21 de març tàs 20:00 ores.

Huelha deth partit:
U.E. Bossòst 3 – Encausse 2
U.E. BOSSÒST: Monchi, Borja, Marc, Felipe, Juan Carlos, Liaño (75’ Javi Iglesias), Jaime, Adrian R. , Alex (Eduardo 65’), Ariel (85’ Ruben), Pèir.
Trainer: Jordi
Tarjetes auriòles : Javi Iglesias (80’).

Ent. Encausse: Benguermit, Martins, Le Vecher, Marigo, Serie, De Monleon, Brana, Servat V., Feitouche, Campo, Paya S. Reemplaçants: Servat P., Vinguedemassalon, Paya M.
Trainer: Germain Thierry.

Gols : 1-0 Ariel (25’), 1-2 Paya S. (30’), 2-1 Adrian R. (40’), 3-1 Adrian R. (65’), Vinguedemassalon (80’).
Arbitre : St Paul Arnaud

Victòria mínima: ¡¡¡ passam entà 1/4 de Finau dera Copa de Comminges !!!

Partit de Copa, que joguèrem ath finau en Landorthe ;terren de jòc fòrça dolent que dificultèc ath nòste equip, fòrça millor tècnicament. Era prumèra mietat siguèc fòrça igualada, eth Landorthe sajaue d’aprofitar es contraatacs entà apropà-se ara nòsta porteria. Sonque a pilota parada xutèrent a porteria. Era U.E. Bossòst auèc ua clara ocasion en un cop de cap d’Ariel qu’anèc dehòra per molt poc. Ena dusaua mietat marquèrem eth gol as 5 menutes, en ua bona jogada d’Adrian H. que centrèc e Ignasi desmarcat en dusau garròt remataue de cap th 0-1, resultat qu’ath finau serie eth definitu. Poguèrem sentenciar eth partit quan en ua fauta deth portèr Lacaze a Pèir, er arbitre fiulèc penalty. Felipe s’encarguèc de xutar mès Lacaze parèc en sòn xut en tot hèr desviar era pilota a cornèr. Eth Landorthe a compdar d’alavetz se tornèc mès agressiu e eth partit se le compliquèc fòrça ara U.E. Bossòst. Prumèr, era expulsion de Polilla, expulsat tamb eth jogador deth Landorthe Guers, e dempús tamb era expulsión de Jorge pera dusaua tarjeta auriòla. Monchi auèc de desviar entà cornèr un xut d’Aime. Ath finau, demanant era ora guanhèrem eth partit e passam a 1/4 de finau dera Copa de Comminges. Açò ei lo únic positiu deth partit, en lo negatiu auem es dues expulsions, era lesion d’Ignasi que deisharà er equip fòrça tocat d’efectius tas pròxims compromisis.
Eth pròplèu partit jogam partit de liga en Bossòst contra er Encausse.
Partit : dissabte 14 de març tàs 20:00 ores.

Huelha deth partit:
Ent. Landorthe 0 – U.E. Bossòst 1
Ent. Landorthe :Lacaze, Guers, Biguet, Matilla, Cassaignau, Lozano, Durand, Tombini, Aime, Boucher, Vilani. Reemplaçants : Constand, Matilla, Soubiran.
Trainer : Lacaze Gerard
Tarjetes auriòles : Lacaze, Matilla, Cassaignau
Tarjeta vemelha : Guers

U.E. BOSSÒST: Monchi, Borja, Marc, Viló, Felipe, Jorge, Adrian H., Polilla , Ignasi (80’ Ruben), Ariel (55’ Liaño), Pèir. Non joguèc Alex.
Trainer: Jordi
Tarjetes auriòles : Marc, Viló, Jorge, Adrian H, Ariel.
Tarjeta vermelha : Polilla, Jorge.

Gols : 0-1 Ignasi (50’).
Arbitre : Dasque Ludovic.

Derròta injusta e tamb gol ilegal

Partit en que comencèrem fòrça ben, tocant era pilota e jogant en sòn terren e ath delà, tamb ocasions entà daurir eth marcador que non poguèrem concretar. Atau un remat d’Ignasi le treiguèc un jogador deth Salies dera línea de gol e lo madeish li passèc a Ariel que xutaue a prop dera porteria mès non podie marcar. En ua auta jogada, eth portèr Marrot se l¡ escapèc era pilota e Ignasi estaue a punt de marcar. Eth Salies sajaue de jogar ath contraatac entà poder aprofitar era velocitat des sòns delanters. Ena minuta 35, en ua falta lateral, eth Salies per miei de Catarino e dempús d’ua jogada fòrça embolicada artenhíe eth 1-0. Era U.E. Bossòst sagèc d’igualar eth partit abantes deth descans. Un grant xut d’Adrian H. de dehòra der àrea anèc entàth garròt. Ataue acabaue era prumèra part tamb resultat injust ja qu’er equip qu’auie agut més ocasions e jogat melhor auie estat era U.E. Bossòst.
Era dusaua mietat estèc fòrça mès igualada. Era U.E. Bossòst gesquèc entà empatar eth partit. Ena minuta 10 dera represa en ua fauta xutada per Adrian H., Felipe conectaue un bon remate de cap entà igualar eth partit. Quedaue fòrça temps; intentèrem sustot a pilota parada es dus equips de guanhar eth partit; eth nòste portèr Monchi lèu non auèc de participar guaire en jòc; eth portèr det SaliesMane, Marrot auèc de desviar entà cornèr ua falta xutada per Adrian H. Ena minuta 88 en ua fauta, Ferran controlèc era pilota tamb eth bras e poguèc xutar entà marcar eth 2-1. Gol en accion incorrecta. Maugrat des multiples protestes, er arbitre dèc validesa ath gol e era U.E. Bossòst encajaue ua derròta injusta e ilegal.
En resum partit qu’ena prumèra mietat estèc fòrça ben jogat e ena dusaua mieta i auèc més igualtat e ath finau ena aquèra jogada ilegal encajèrem era derròta. Ara, èm en setau lòc dera classificacion tamb 30 punts.
Eth pròplèu partit jogam eliminatòria de Copa de Comminges es 1/8 de finau en Estancarbon contra eth Landorthe. Partit : dimenge 8 de març tàs 15:00 ores.

Huelha deth partit:
U.S. SaliesMane 2 – U.E. Bossòst 1
U.S. SaliesMane :Marrot, Lemoel, Ertlen, Vinsonneau, Ferran, Cazanave, Roca, Couzinet, Sarradet, Catarino Dacosta. Remplaçants : Perez, Fuentes
Trainer : Cazenave Jacques
Tarjetes auriòles : Lemoel (60’), Catarino (70’)

U.E. BOSSÒST: Monchi, Marc, Jaime, Viló, Felipe, Jorge, Adrian H., Eduardo (85’ Ruben) , Ignasi, Ariel, Pèir. Non joguèc: Javi.
Trainer: Jordi
Tarjetes auriòles : Jorge (26’)

Gols : 1-0 Catarino (35’), 1-1 Felipe (55’), 2-1 Ferran (88’).
Arbitre : Duprat Christophe