Non jogam, auem nhèu en camp de fotbòl

Iaute partit suspenut; auem eth terren de jòc plen de nhèu. Era federacion a deishat es dimenjades deth 14-15, 21-22,28-29 deth mes de març entà recuperar es partits pendents. Nosati tamb aguest auem dos partits de Liga (es dus partits en casa dauant eth Aurignac e Encausse) e quede pendent es 1/8 de Finau dera Copa de Comminges contra eth Landorthe que se jogarà eth dimenge 8 de març tàs 15:00 en Landorthe.

Eth pròplèu partit ei eth dissabte 28 d'hereuèr en Salies du Salat contra eth SaliesMane.

¡¡¡ Quin iuern !!!: Tota era jornada suspenuda

Per tresau viatge eth partit de Copa de Comminges contra eth Landorthe a estat suspenut.

Iaute viatge aguest partit suspenut

Per dusau viatge aguest partit des 1/8 de finau dera Copa de Comminges s'ha suspenut degut as dolentes condicions deth terren de jòc.

Partit fòrça dur e pluja de gols, mès ath finau guanham

Partit qu’ena prumèra mietat estèc totaument controlat pera U.E. Bossòst ena qu’eth Martres Tolosane pràcticament non caushiguèc era nòsta àrea. Mos adelantàuem en marcador gràcies a un gran xut d’ Adrian H. des de dehòra der àrea; ère eth 0-1. Ues menutes més tard, Moha d’un gran xut marcaue pera esquaira eth 0-2, tamb aguest resultat s’arribaue ath descans.
Ena dusaua mietat tot s’acelerèc. As 5 menutes, eth Martres marcaue eth 1-2, en un cop de cap de Loze. A compdar d’aquieu eth partit se tornèc fòrça dur, tamb entrades desmesurades qu’er arbitre sancionèc tamb 4 tarjetes auriòles e 2 vermelhes entath Martres e 4 auriòles e 1 vermelha entath Bossòst. Quant ath partit, auèrem era sort d’ampliar eth resultat e Jaime marcaue eth 1-3. En ua badada defensiua eth Martres tornaue a marcar ; ère Quantin qui marcaue eth 2-3. Encara quedaue 15 menutes de partit. Nosati, podèrem profitar ua badada dera sua defensa entà qu’Ignasi tot solet dauant eth portèr Firmino marcaue eth 2-4 que semblaue definitiu ; mès ena darrèra menuta Vivini marcaue eth 3-4. Sonque trèir deth miei camp , er arbitre fiulaue eth finau deth partit.
Victòria fòrça important dauant un equip qu’ena dusaua mietat s’empleèc ath límit degut ara sua posicion ena classificacion. Era U.E. Bossòst non sabèc ena dusaua mietat tranquilizar e sentenciar eth partit tant claretat.
Eth pròplèu partit jogam eliminatoria de Copa de Comminges es 1/8 de finau en Estancarbon contra eth Landorthe. Partit : dissabte 7 de hereuèr tàs 20 :00 ores.

Huelha deth partit:
E. Martres 3 – U.E. Bossòst 4
E. Martres : Firmino, Tetard, Verge, Hernandez, Bonzom, Coutenceau, Vivini, Motte, Quantin, Rouquette, Castet. Remplaçants : Aguero, Caussade, Loze
Trainer : Tetard Daniel
Tarjetes auriòles : Castet (42’), Hernandez (56’), Bonzom (70’ e 77’),
Tarjetes vermelhes : Bonzom (77’), Caussade (82’)

U.E. BOSSÒST: Monchi, Marc, J. Carlos, Viló, Felipe, Jorge, Adrian H., Alex (70’ Ariel) , Ignasi, Adrian R.,Jaime (80’ Eduardo).
Trainer: Jordi
Tarjetes auriòles : Felipe (62’), Viló (70’), Ariel (81’)
Tarjeta vermelha : Moha (82’)

Gols : 0-1 Adrian H. (25’), 0-2 Moha (35’), 1-2 Loze (55’), 1-3 (65’) Jaime, 2-3 Quantin (75’), 2-4 Ignasi (85’), 3-4 Vivian (95’).
Arbitre : Cunha Philippe