Suspenuda tota era jornada

S'ha suspenut tota era jornada d'aguesta dimenjada (24 -25 de gèr) per alerta de fòrça mau temps. En lo que portant d'an s'ha suspenut 2 partits, eth dera eliminatoria de 1/8 de finau dera Copa de Comminges qu'auiem de jogar en Estancarbon dauant eth Landorthe e eth d'aguest dissabte de Liga dauant er Aurignac.

Derròta contundent

Derròta contundent en darrèr partit deth prumèr tour. Non mos demoràuem pèrder per tanti gols, mès atau a estat. Partit fòrça controlat ena prumèra mietat tamb iniciatiua de nosati, mès non acertèrem a marcar enes ocasions qu’auèrem. Eth Gourdan sonque un xut de luenh que Monchi desvièc entà cornèr. Ena minuta 35 en ua falta inexistent, eth Gourdan marcaue un gran gol. Ère eth 1-0 e atau s’arribaue ath descans.
Ena dusaua mietat, er equip gessèc tamb fòrça talents d’igualar eth marcador, mès eth portèr locau Alosi estèc fòrça acertat enes sues intervencions: siguèc un des destacadi deth sòn equip. En un greu error defensiu dera U.E. Bossòst, eth Gourdan marcaue eth 2-0. En compdes de reduir eth marcador, aguest s’ampliaue. Passèrem a ua defensa tamb sonque 3 jogadors e açò siguèc era nòsta perdicion. En un aute greu error dera nòsta defensa, Gourdan marcaue eth 3-0 e ues minutes mès tard en ua contra eth Gourdan marcaue un aute gol: ère eth 4-0. A manca de 5 minutes entàth finau, J.Carlos marcaue eth gol deth aunor. Ath finau, derròta per 4-1 ; en aguest partit non auem estat massa ben, ère un partit que mos podíe apropar ara part nauta e non a estat atau. Ara èm en miei dera taula.
Eth pròplèu partit jogam en Bossòst contra er Aurignac. Partit : dissabte 24 de gèr tàs 20 :00 ores.

Huelha deth partit:
F.C. Gourdan 4 – U.E. Bossòst 1

F.C. Gourdan : Alosi, Ribet, Gez, Andrillon, Dufor, Baron, Zaoui, Dupuy, Darraq, Ane, Bellour. Remplaçants : Germa, Llort
Trainer : Pascal Jean Pierre
Tarjetes auriòles : Gez (40’), Baron (60’), Dufor (80’).

U.E. BOSSÒST: Monchi, Marc, J. Carlos, Viló, Felipe, Jorge (80’ Filloy), Adrian H., Alex (65’ Ariel) , Ignasi, Adrian R., Pèir.
Trainer: Jordi
Tarjetes auriòles : Jorge (80’), Viló (90’)

Gols : 1-0 Ane (35’), 2-0 Bellour (60’), 3-0 Dupuy (70’), 4-0 Germa (80’), 4-1 J. Carlos (85’).
Arbitre : Rebonato Daniel.
Delegat: Pedarros Robert.

Darrèr partit pumèr tour

Aguest dissabte 17 de gèr en Gourdan tàs 20:00 dauant er equip locau, jogam eth darrèr partit deth prumèr tour.

Suspenuda era jornada

Eth Districte de Comminges a suspenut era jornada d’aguesta dimenjada (10, 11 de gèr) per mau temps.

Prumèr partit der an: ¡¡¡ Guanham !!!

Prumèr partit der an e prumèra victòria. Atau se comence fòrça ben era tornada ara competicion dempús de sonque descansar ua dimenjada.
Partit disputat tamb fòrça heiret, en ues condicions dolentes deth terren de joc.
Era U.E. Bossòst dominèc e portèc era iniciatiua deth jòc tot eth partit. Ena prumèra mietat bones ocasions tamb xut de Viló qu’ anèc dehòra. En ua falta xutada per Jorge, Galibert eth portèr der Isle desvièc entà cornèr. A despièth deth nòste domini s’arrivaue tamb 0-0 ath descans.
Ena dusaua mietat, as 5 minutes bon remat de cap de Felipe, e era pilota tocaue en garròt. Un sinhau mès tard eth cop de cap de Jorge anaue laguens dera porteria de Galibert. Ère eth 1-0 e auÍem hèt lo mès difícil. Atau, ena minuta 60 Adrian R. marcaue eth 2-0. Eth partit ère sentenciat, mès era U.E. Bossòst cercaue encara eth gol ; en ua jogada Ariel provoquèc un penalty que Jorge s’encarreguèc de transformar ; ère eth 3-0.
Ena darrèra minuta Robin dauant de Monchi xutèc era pilota dehòra ena prumèra e darrèra ocasion der Isle en Dodon.
En resum, victòria fàcil e necessària dera U.E. Bossòst dauant un Isle en Dodon que semblèc fòrça mès mau equip qu’era posicion qu’ocupe ena taula de clasificacion. Ara, era clasificacion ei: Luchon e Isle en Dodon 28 pts, Aurignac 27 pts, Boussens 26 pts e Bossòst e Encausse 24 pts.
Eth pròplèu partit jogam 1/8 de finau dera Copa de Comminges en Estancarbon contra eth Landorthe. Partit : dissabte 10 de gèr tàs 20 :00 ores.

Huelha deth partit:
U.E. Bossòst 3 – Isle en Dodon 0
U.E. BOSSÒST: Monchi, Marc, Filloy (65’ Polilla), Viló, Felipe, Jorge, Adrian H., Alex (65’ Ariel) , Ignasi, Adrian R., Pèir (80’ Borja).
Trainer: Jordi

Tarjeta auriòla: Pèir

Isle en Dodon: Galibert, Rodriguez, Furton, Roulet, Larrieu, Robin, Laffont, Bachet, Laffont, Cazenave, Gleront. Remplaçant : Latapie
Trainer : Furton Philippe

Tarjeta auriòla: Furton, Laffont

Gols : 1-0 Jorge (55’), 2-0 Adrian R. (60’), 3-0 Jorge (85’ p.).
Arbitre : Saint Paul Arnaud.