BON NADAU E ERÒS AN NAU 2009

Era U.E. Bossòst desire un Bon Nadau e un eròs an nau 2009 entà toti.

Passam a 1/8 de finau fàcilment

Passam a 1/8 de finau sense guaires problemes. Partit fàcil eth jogat aguest dissabte en Cierp dauant der Estadens. Era U.E. Bossòst dominèc es 90 menuts deth partit. Podíem auer artenhut ua golejada s’auessem estat mès encertadis dauant era porteria contraria. Ath delà eth portèr der Estadens siguèc eth milhor jogador tamb arturades fòrça bones. Eth nòste portèr Monchi siguèc un espectador mès deth partit, pràcticament non toquèc cap de pilota. Es gols siguèren marcadi per Moha en minut 38 en aprofitar ua passada laguens der àrea, Felipe en minut 50 en transformar un clar penalty e Moha en un xut laguens der àrea en minut 58. Eth partit quedèc sentenciat enes prumèrs minutes dera dusaua mietat, d’aquiu enquiath finau multiples ocasions entà marcar gols, mès non acertèrem.
Ara descansam sonque aguesta dimenjada. Tornam a jogar ath començament der an 2009.
Eth pròplèu partit jogam en casa dauant er Isle en Dodon. Partit : dissabte 3 de gèr tàs 20 :00 ores.

Huelha deth partit:
U.E. Bossòst 3 – A.SP. Estadens 0
U.E. BOSSÒST: Monchi, Marc (60’ Borja), J. Carlos (60’ Filloy), Viló, Felipe, Jorge, Adrian H., Alex , Moha, Ariel (60’ Eduardo), Pèir.
Trainer: Jordi

Estadens A.Sp.: Bonora I, Chowah, Carlier, Touzet (60' Martins II), Segu, Souquet, Boudraa, Bonora II, Martins I, Brungard, Choquart.

Trainer: Dutreich J. Louis

Gols : 1-0 Moha (38’), 2-0 Felipe (50’ p.), 3-0 Moha (58’).

Tarjetes auriòles: Alex (85')
Arbitre : Castro Antoine.

Eth partit dauant er Estadens se jogarà en Cierp

Ath finau degut ara nhèu qu'auem en Bossòst, eth partit de 1/16 de finau dera Copa de Comminges se jogarà en terren de joc de Cierp, deman dissabte 20 de deseme tàs 20:00. Aguest ei er unic partit que quede d'aguesta eliminatòria. Sortejat dejà es 1/8 de finau, eth guanhador d'aguest partit jogarà en Estancarbon dauant deth Landorthe-Estancarbon. Açò serà en an 2009, dissabte 10 de gèr tàs 20:00.

Dam fòrça gràcies ara directiua deth Cierp e ath sòn ajuntament pes facilitats dades entà que se jogue aguest partit en sòn terren de jòc.

Mos empaten a darrèra ora

Quin domatge!, a darrèra ora mos empaten un partit qu’er equip portaue controlat.
Partit dominat per nosati enes 90 menutes; non sabèrem concretar es múltiples ocasions qu’auèrem dauant era porteria deth Boussens e ath finau passèc ac qu´auie de passar . Atau, ena prumèra part, auèrem ua clara ocasion d’Adrian R. que tot solet dauant deth portèr Comas, xutèc contra eth sòn còs; en ua falta Polilla hèc a empleà-se a Comas que desvièc entà cornèr; Adrian H. en un bon xut e un aute viatge Comas entà cornèr; Moha non arribèc a plaçar era pilota per molt poc laguens dera porteria; eth portèr Comas cometèc un error en un control e era pilota la treiguèc dera madeisha línea de gol. Tot açò ena prumèra mietat e eri solet s’apropauen en bèra falta o cornèr. Ena dusaua mietat er equip continuèc eth son domini e atau, ena menuta 65, en ua jogada pera banda de J.Carlos en sòn centre, l’agarrèc tamb era esquèrra Felipe des de laguens der àrea e marquèc un gran gol. Semblaue qu’auiem hèt lo més difícil, marcar e metemos per dauant. Era U.E. Bossòst continuèc en tot cercar eth gol. Adrian H., xutèc des de dehòra der àrea, eth son xut passèc a toca deth garròt ; ac madeish le passèc a Adrian R.. Eth nòste portèr Monchi, lèu non auie tocat era pilota en tot eth partit, ère un espectador mès. Ena menuta 86 ena soleta jogada qu’eth Boussens caushiguèc ena nòsta àrea, marcaue eth 1-1. D’aquiu ath finau sonque pògues menutes entà poder canviar eth resultat. Aguest empat ei totaument injust, eth Boussens ath finau deth partit reconeishie qu’auiem d’auer guanhat fàcilment, mès enguan, mos còste fòrça marcar gols, se creen es ocasions mès non marcam. Èm es reis der empat: portam 5. Ara ,èm classificadi en 5au lòc tamb 20 punts, empatadi tamb er Encausse; B.Luchon seguís prumèr tamb 28 punts, seguit de prop der Isle en Dodon tamb 27 punts.

Eth pròplèu partit jogam en principi en casa, partit de Copa de Comminges 1/16 de finau dauant der Estadens. Partit : dissabte 20 de deseme tàs 20 :00 ores.
S´eth terren de jòc ei impracticable (aué ei plen de nhèu) s’aurà d’invertir eth partit e jogar en Estadens.

Huelha deth partit:
U.E. Bossòst 1 – E.S. BoussensMancioux 1
U.E. BOSSÒST: Monchi, Marc, J. Carlos, Viló, Felipe, Polilla, Jorge, Adrian H., Alex (58’ Ignasi), Adrian R. (77’ Filloy), Moha (67’ Ariel).
Trainer: Jordi

E.S. BoussensMancioux : Comas, Raufast, Beleknaoui, Puyo, Bressel, Saliba, Berges, Mehhouti, Massat (30’ Alcayna), Hritane, Marti.
Trainer : Ortega Stephane

Gols : 1-0 Felipe (65’), 1-1 Marti (86’).
Arbitre : Desprats Serge.

Partit non jogat

Aguest dissabte 6 de deseme eth partit entre era U.E. Bossòst e er Isle en Dodon non s'ha pogut jogar per maus condicions deth terren de jòc. En totau , s'han suspenut 5 partits de 6; sonque s'a jogat eth Gourdan 3 - B. Luchon 3.

Eth pròplèu partit jogam en Bossòst dauant eth Boussens eth dissabte 13 de deseme tàs 20:00.

Dehòra dera Copa de Midi

Ena aguest 4au tour dera Copa de Midi, semblaue que mos auie tocat un bon sorteig. Ath finau, derròta contundent per 3-0.
Eth partit siguèc jogat en un terren bastant dolent, tamb fòrça hanga, que mos perjudiquèc fòrça a nosati. Eth St. Lys pendent tot eth partit joguèc ath màxim e se trobèc fòrça ben en terren de jòc, ath contrari de nosati. Era U.E. Bossòst en prumèr minut auèc era mès clara ocasion deth partit : Moha solet dauant era porteria xutèc enta dehòra. Eth St. Lys, jogaue un fotbòl directe, pilotes as sòns delanters Lecussan e Gomes que mos metíen en fòrça problèmes. Atau, ena minuta 30, Gomes marcaue eth 1-0. Tamb aguest resultat s’arribaue ath descans. Ena dusaua mietat dominèren més eth jòc, e semblaue que controlàuem eth partit, mès en un contraatac ,eth madeish Gomes marcaue eth 2-0. Quedauen 20’ e er equip intentèc ath màxim remontar eth marcador mès non mos acompanhèc era sort; per dus viatges es xuts d’Ariel e Felipe anèren tath garròt.Ath finau en un cornèr eri marcauen eth 3-0, resultat damb eth que s’arribaue ath finau. Peth jòc que se vedèc eth resultat semble exagerat més fotbol ei fotbol. Eth St. Lys s’adaptèc molt milhor as condicions deth partit. Ben, quedam eliminadi d’aguesta Copa de Midi, sabem que non ei ua competicion entà poder guanhar, mès er equip encara auie talents d’arribar mès luenh; enguan a estat er an qu’auem arribat ath 4au tour. Ara mos tòque pensar en campionat e ena Copa de Comminges.
Eth pròplèu partit tornam entara Liga deth Districte ; jogam en casa dauant er Isle en Dodon ( tresau classificat ). Partit : dissabte 6 de deseme tàs 20 :00 ores.

Huelha deth partit:
St. Lys 3 – U.E. Bossòst 0
St. Lys:Brigard, Setiao, Torres, Camp, Joyeux, Liotta, Naeye, Senat, Lecussan, Gomes, Garcia. Remplaçants:Derri, Martins, Labouret.
Trainer : Gouilleau Vivian

U.E. BOSSÒST: Monchi, Borja, Pablo, Marc, Felipe, Polilla, Iglesias, Eduardo (40’ Fernando), Moha, Alex e Ariel (40’ Ruben).
Trainer: Jordi

Gols : 1-0 Gomes (30’), 2-0 Gomes (70’), 3-0 Liotta (89’)
Arbitre : Gier Jacques.