Un aute empat dehòra de casa

Partit tostemp complicat eth que joguèrem dauant deth Montespan, equip molt físic e terren de jòc en dolentes condicions; ath delà, nosati ath finau auèrem fòrça baixes de jogadors titulars.
Eth partit comencèc fòrça mau, quan portàuem 3 minutes, en ua pilota bombejada en àrea, Monchi non podèc desviar, e eth jogador locau Laforgue sense voler, tamb era esquia marcaue eth 0-1. Era causa non pintaue guaire ben, sonque 11 jogadors, sense cap de canvi , e 1-0 en contra. Mès er equip reaccionèc fòrça ben e les dèrem un banh de coma se jogue a fotbòl. Ena minuta 20’ Alex marcaue un gran gol pera esquaira dreta e empatàuem a 1. Eri sonque mos paràuem tamb faltes; Pèir siguèc derribat en àrea clarament mès er arbitre non fiulèc penalty. Lèu dera mieja part, ua paret entre Pèir e Alex, permetia a Alex marcar eth 1-2. Tamb aguest resultat s’arrivaue ath descans.
Ena dusaua mietat eri artenhíem er empat en ua jogada de molta mala sort entà nosati; eth sòn delantèr Dutheil, a pòrta vueda, marcaue eth 2-2. Encara quedaue partit e er equip ac sagèc enquiath darrèr moment, Moha tot solet de cap rematèc dehòra per molt poc, e Jaime en darrèr minut a 1 mètre dera porteria non podèc mèter era pilota laguens.
Ath finau, un aute empat dehòra de casa. Ei eth tresau seguit ; er equip, peth son jòc mereishie guanhar aguest partit, mès tostemp en aguest camp de Montespan mos marquen es gols mès pegui.
Eth pròplèu partit, jogam 4ª eliminatòria dera Copa de Midi. Mo´n vam a jogar a prop de Tolosa, concretament en St. Lys, dauant er equip locau. Partit : dimenge 30 de noveme tàs 14 :30 ores.


Huelha deth partit:
MontespanFigarol 2 – U.E. Bossòst 2

MontespanFigarol:Rey, Bresquignan, Senat, Baboulet, Garros, Laforgue, Perès, Soulouet, Duffo, Watel, Lecointe. Remplaçants :Lafforgue, Lagarde, Dutheil.

Tarjetes jaunes : Bresquignan (32’), Perès (72’), Garros (80’)

Trainer : Laplagne Jean Michel

U.E. BOSSÒST: Monchi, Jaime, J. Carlos, Marc, Felipe, Polilla, Iglesias, Ruben, Moha, Alex e Pèir.

Tarjetes jaunes : Felipe (31’), Pèir (52’).

Trainer: Jordi

Gols : 0-1 Laforgue (3’), 1-1 Alex (25’), 1-2 Alex (42’), 2-2 Dutheil (65’)
Arbitre : Dasque J. Charles.

Eth B. Luchon se´n portèc eth derby

Aguest darrèr dissabte auem patit era prumèra derròta en casa. Partit fòrça igualat e disputat. Ena prumèra part es dus equips auèrem suficientes jogades entà marcar, més era bona intervencion des portèrs evitèc eth gol; atau madeish, es xuts de Adrian H. e Filloy siguèren desviadi a cornèr per portèr Cazes e Moha auèc ua gran ocasion entà marcar. Eth Luchon portèc perilh enes jogades des sòns delanters Davy e Barta C. Era prumèra mietat acabaue tamb 0-0 en marcador e se veiguie qu’eth prumèr equip qu’ artenhèsse marcar, s’emportarie eth partit; ath delà, en auer tanta igualtat en partit , aguest se decidic per petits deltalhs. Atau, ena minuta 2’ dera represa, eth Luchon marcaue eth 0-1 per miei de Davy en tot aprofitar ua indecision dera nòsta defensa. Ena minuta 20 en un aute error defensiu, eth madeish jogador marcaue eth 0-2. Era U.E. Bossòst sagèc de retalhar distàncies en marcador, mès non podèc, era actuacion deth portèr e defenses contraris siguèc fòrça bona. Es dues milhors ocasions siguèrent ua pilota que treiguèc un defensa dera línea e ua de Jorge , ena minuta 35 qu’ eth son xut anèc entàth garròt. Ath finau 0-2, derròta dolorosa. Er equip auie fòrça talents de guanhar entà artènher eth Luchon ,mès non podèc éster. Ara, era classificacion ei: Luchon seguís líder tamb 22 p, Isle en Dodon 21 pts, Aurignac 19, Labarthe-inard 17 e Bossòst 16.

Dam fòrça gràcies ara aficion peth sòn suport; en tot eth partit estèc tamb er equip maugrat deth resultat en contra. Dempús, premanirent un magnífic sopar entàs jogadors e acompanhants ena zòna esportiua ta mès de 50 persones. Simplement “chapeau” entara nòsta aficion.

Eth pròplèu partit jogam en Montespan dauant er equip locau. Partit : dimenge 23 de noveme tàs 15 :00 ores.


Huelha deth partit:
U.E. Bossòst 0 – B. Luchon 2

U.E. BOSSÒST: Carrasco, Marc (70’ Jaime), J. Carlos, Viló, Felipe, Jorge, Adrian H., Filloy (60’ Alex) Moha, Adrian R. e Pèir.
Trainer: Jordi
B. Luchon :Cazes I, Khelifa, Lansalot, De Abreu, Diverchy, Barta J.F., Sales, Bayle, Davy, Revertegat, Barta C. Remplaçants: Boy, El Mahraoui, Cazes II.

Trainer : Barta Jean François

Gols : Davy (47’), Davy (65’)
Arbitre : Saint Paul Arnaud

¡¡ Quin domatge, mos faltèc eth gol !!

Partit de clar domini dera U.E. Bossòst eth que se joguèc aguest dissabte en Estancarbon dauant eth Landorthe. Sonque i auèc un equip (U.E. Bossòst) enes 90 minutes que cerquèc eth gol. Er equip locau maugrat de jogar en casa, èren tot eth partit embarradi en sòn camp. Era U.E. Bossòst auèc fòrça oportunitats entà marcar, mès era fortuna mos birèc era esquia. En dues jogades es defensas treiguèren era pilota dera línea de gol, quan era pilota entraue. Fòrça xuts que passèren ath costat deth garròt. En i autes ocasions eth sòn portèr desvièc es xuts entà cornèr. Ei ua lastima non auer aprofitat aumens ua ocasion entà guanhar eth partit. Ath finau, er equip ère desmoralitzat per non arténher era victòria qu’auie mereishut, mès cau díder qu’es jogadors joguèren fòrça ben e qu’aguest viatge non auem guanhat, mès èm fòrça contenti der equip, conforme jogue. Evidentment, er equip contrari celebrèc er empat coma ua gran victòria.

Eth pròplèu partit jogam en Bossòst eth derbi deth Portilhon dauant eth Bagneres de Luchon que son es prumèrs classificadi deth Campionat de Liga. Partit : dissabte 15 de noveme tàs 20 :00 ores.


Huelha deth partit:
Ent. Landorthe 0 – U.E. Bossòst 0
Ent. Landorthe: Lacaze, Beyt, Matilla I, Guers, Biguet, Lozano, Margueritat, Matilla II, Aouam I, Tombini, Aouam II. Remplaçants : Gares, Lellouche.
Trainer:Lacaze Gerard
U.E. BOSSÒST: Monchi, Borja, Filloy, Marc, Felipe, Jorge, Adrian H., Moha, Alex (60’ Polilla), Adrian R. e Pèir.
Tarjeta auriòla: Jorge (51’)
Trainer: Jordi
Arbitre : Duprat Philippe.

¡¡¡ Mos classificam enes penaltys !!!

Partit típic de Copa eth disputat aguest darrèr dissabte en Bossòst. Emocionant, vibrant, bon jòc e ath finau mos classificam enes lançaments des penaltys.
Era U.E. Bossòst comencèc eth partit fòrça ben ; atau ena minuta 2, Pèir aprofitaue un pase de Moha entà marcar eth 1-0. Ena minuta 15 clar penalty a Moha que Felipe transformaue entà marcar eth 2-0. Auèrem bèra oportunitat mès, sustot un xut de Jorge de luenh que passèc a prop deth garròt. Eth Ramonville s’apropèc ath finau dera prumèra mietat tamb xuts de luenh. Ena dusaua mietat, mantenguèrem molt ben eth resultat en prumèr quart d’ora ; mès auèrem 2 minutes dolentes en qu’ eth Ramonville mos empataue era eliminatòria a 2. Er equip passèc aguesti moments dificils en tot luitar ath màxim. Lèu ath finau deth partit Adrian R. tot solet dauant deth portèr auèc era oportunitat entà decidir era eliminatòria, mès es sòns dus xuts non trobèrem eth gol. Ena prolongacion, nosati èrem fòrça milhor qu’eri ; Pèir auèc ua bona ocasion entà marcar. Ath finau era “loteria” des penaltys mos dèc era classificacion. En resum, classificacion dera Copa de Midi dauant un equip de categoria superior. Fòrça bon partit disputat pes dus equips e molt d’ambient ena grada.
Eth pròplèu partit tornam a jogar partit de Campionat de Liga. Jogam en Estancarbon contra eth Landorthe eth dissabte 8 de noveme tàs 20 :00.


Huelha deth partit:
U.E. Bossòst 2 – U.S. Ramonville 2
Penaltys: U.E. Bossòst 4 – U.S. Ramonville 3

U.E. BOSSÒST: Carrasco, Marc (Borja 70’), Chapo (18’ J. Carlos), Viló, Felipe, Jorge, Adrian H., Moha, Filloy (Alex 60’), Adrian R. e Pèir.
Tarjeta auriòla: Jorge (26’), J. Carlos (67’)
Trainer: Jordi

U.S. Ramonville : Papa, Dessaues, Delmas, Duval, Verlet, Diouf, Nux, Thiam, Jean Charles, Saiah, Labourdette. Remplaçants : Le Meur, Milius, Nguyen.
Trainer : Pancali Jacques e Ruiz Michel.
Tarjeta auriòla : Diouf (24’), Dessaues (81’), Nguyen (102’).

Arbitre : Desprat Serge.
Linier1 : Duprat Philippe.
Linier 2 : Moulie Robert.
Gols: 1-0 Pèir (2’), 2-0 Felipe (15’ penalty), 2-1 Saiah (70’), Saiah (72’).