dilluns, 29 de setembre de 2008

Prumèra victòria deth campionat

Ara tercera ac auem artenhut, prumèra victòria deth campionat. Victòria fòrça trebalhada dauant er equip de Martres Roquefort. Eth partit comencèc tamb bon ritme des dus equips que cercauen guanhar eth partit. Lèu deth minut 15, Martres auèc era unica ocasion de tot eth partit ; eth sòn delanter Guantin xutèc per dus viatges, mès eth nòste portèr Monchi refusèc es dus xuts. Nosati auèrem bones ocasions entà marcar per part de Filloy que tot solet quan semblaue qu’eth gol ère clar, eth sòn cop de cap anèc entà dehora ; e dempús Alex, que tot solet xutaue per dessus deth garròt. Ena minuta 35 Moha, presionèc ara defensa contraria e s’aprofitèc deth error defensiu entà portà-se era pilota entà plantà-se dauant eth portèr deth Martres , Firmino e xutar lheuant suament era pilota entà marcar eth 1-0, un polit gol entà arribar tamb aguest resultat en descans.
Ena dusaua mietat, jòc tamb poques ocasions. Er equip seguie cercant eth gol, no mos podíem fiar tamb aguest resultat e atau, ena minuta 82 de partit, en un bon xut de Tito eth portèr Firmino non podèc blocar era pilota e Moha molt atent xutaue des der àrea petita entà marcar eth 2-0. Auerem bera ocasion més en faltes a prop der àrea, mès non podèrem marcar mès gols. En resum victòria bric fàcil e fòrça necesaria entà nosati; era clasificacion ei molt sarrada tamb 10 equips separadi de 2 punts. Era dimenjada que ben non auem partit, eth plòplèu partit ac jogam eth dia 11 d’octobre tàs 20 :00 en Encausse les Thermes contra er equip locau.

Huelha deth partit:
U.E. Bossòst 2 – Martres Roquefort E.S. 0
U.E. BOSSÒST: Monchi, J. Carlos, Jaime, Viló, Felipe, Jorge, Alex (65’ Ariel), Filloy (60’ Polilla), Moha, Adrian, Tito
Trainer: Jordi
Martres Roquefort E.S.: Firmino, Hernandez (60’ Girard), Figarol, Motte, Bonzom, Karoubi (Vivini), Caussade, Durand (35’ Maurice), Guantin, Rouquette

Trainer : Tetard Daniel

Arbitre : Darnaud Claude
Gols: 1-0 Moha (35’), 2-0 Moha (82’).
Tarjeta auriòla:
Tarjeta vermelha:

6 comentaris:

Joan deu Peiroton ha dit...

Aaa! Vau mès atau, digui jo. :D

Jordi ha dit...

Ei vertat Joan, ei milhor guanhar que perde, mès a viatges lo important ei participar tamb bona deportivitat.
Gracies pes comentaris.

Joan deu Peiroton ha dit...

Clar, Jordi! E a nosati der estat francés que mos hè gòi era vòsta participacion" trans-estatau"!

E un equip de Rugbi a Bossòst, non i avetz pas pensat? Que manque, aquerò !!!

Jordi ha dit...

Joan, a viatges, es equips francesis joguem pla fort e semble que joguent a Rugbi; nosati de moment solet a fotbòl.

Joan deu Peiroton ha dit...
L'autor ha eliminat aquest comentari.
Joan deu Peiroton ha dit...

Bon, alavetz aquíu que i a un vuet de plear (Nadau s'apròpe)

donques, per Nadau, voleria

1- un equip aranés de rugbí
2- un equip aranés de pelòta gascona (dita basca)
(Que calerà negociar la construccion d'un fronton a Bossòst, en demorar-lo, podetz anar a jogar a Luishon).

En tot demorar qu'eth men vòt se concretize, que vos desiri una bona temporada fotbolistica !!!!