Prumèra victòria deth campionat

Ara tercera ac auem artenhut, prumèra victòria deth campionat. Victòria fòrça trebalhada dauant er equip de Martres Roquefort. Eth partit comencèc tamb bon ritme des dus equips que cercauen guanhar eth partit. Lèu deth minut 15, Martres auèc era unica ocasion de tot eth partit ; eth sòn delanter Guantin xutèc per dus viatges, mès eth nòste portèr Monchi refusèc es dus xuts. Nosati auèrem bones ocasions entà marcar per part de Filloy que tot solet quan semblaue qu’eth gol ère clar, eth sòn cop de cap anèc entà dehora ; e dempús Alex, que tot solet xutaue per dessus deth garròt. Ena minuta 35 Moha, presionèc ara defensa contraria e s’aprofitèc deth error defensiu entà portà-se era pilota entà plantà-se dauant eth portèr deth Martres , Firmino e xutar lheuant suament era pilota entà marcar eth 1-0, un polit gol entà arribar tamb aguest resultat en descans.
Ena dusaua mietat, jòc tamb poques ocasions. Er equip seguie cercant eth gol, no mos podíem fiar tamb aguest resultat e atau, ena minuta 82 de partit, en un bon xut de Tito eth portèr Firmino non podèc blocar era pilota e Moha molt atent xutaue des der àrea petita entà marcar eth 2-0. Auerem bera ocasion més en faltes a prop der àrea, mès non podèrem marcar mès gols. En resum victòria bric fàcil e fòrça necesaria entà nosati; era clasificacion ei molt sarrada tamb 10 equips separadi de 2 punts. Era dimenjada que ben non auem partit, eth plòplèu partit ac jogam eth dia 11 d’octobre tàs 20 :00 en Encausse les Thermes contra er equip locau.

Huelha deth partit:
U.E. Bossòst 2 – Martres Roquefort E.S. 0
U.E. BOSSÒST: Monchi, J. Carlos, Jaime, Viló, Felipe, Jorge, Alex (65’ Ariel), Filloy (60’ Polilla), Moha, Adrian, Tito
Trainer: Jordi
Martres Roquefort E.S.: Firmino, Hernandez (60’ Girard), Figarol, Motte, Bonzom, Karoubi (Vivini), Caussade, Durand (35’ Maurice), Guantin, Rouquette

Trainer : Tetard Daniel

Arbitre : Darnaud Claude
Gols: 1-0 Moha (35’), 2-0 Moha (82’).
Tarjeta auriòla:
Tarjeta vermelha:

Prumèra derròta deth campionat

En prumèr desplaçament auem encajat era prumèra derròta deth campionat. Eth partit a començat mau, tamb eth penalty que sonque er arbitre veiguèc e fiulèc en minut 3 deth partit e qu’ Aurignac aprofitèc entà marcar eth 1-0. Encara mancaue molt de partit; era U.E. Bossòst portaue era iniciatiua e er Aurignac sajaue d’ampliar eth marcador en jogades de contraatac. Lèu dera minuta 30’ en ua fauta tirada per Jorge, era pilota anèc tath garròt. Tamb eth 1-0 s’arribaue ath descans.
Ena dusaua part continuèc en nòste infructuos domini, sense poder arténher cap de gol. Quan faltaue 20’ entà acabar eth partit, greu lesion deth jogador d’Aurignac Brana, que tot solet s’hèc mau en jolh ; eth partit se parèc un quart d’ora e ena represa , a manca de 5’ tath finau, Aurignac aprofitèc un error defensiu nòste entà marcar eth 2-0 que serie eth marcador definitiu ath finau deth partit.
En resum, prumèra derròta dauant un equip qu´a baishat enguan entara nòsta categoria, qu’estèc molt ben posicionat en terren de joc; a nosati mos manque un shinhau mès de sort, portam dus partits e dus penaltys fiulats en contra que non èren e aprofitar mès es nòstes arribades en àrea.
Eth plòplèu partit ei aguest dissabte 27 de seteme tàs 20 :00 en Bossòst contra eth Martres Tolosane, un i aute equip qu´a baishat entara nòsta categoria enguan.

Huelha deth partit:

E.F.C. Aurignac 2 - U.E. Bossòst 0

E.F.C. Aurignac: Laborie, Cazenave, Coursolle, Lapuyade I, Lapuyade II, Raufast, Dreher, Mallet, Zigaud, Cadorin, Brana. Reemplaçants : Boudes, Castells, Coujou.

Trainer: Bize Michel

U.E. Bossòst : Carrasco, Marc, Filloy, Viló, Tito ( 70’ Eduardo), Jorge, Alex (60’ Ariel ), Polilla, Ignasi, Moha, Pèir.

Trainer : Miki

Arbitre : Duplan David
Gols: 1-0 Zigaud (3’ penalty), 2-0 Coujou (85’).
Tarjeta auriòla: Pèir (55’), Brana (55’), Jorge (80’).
Tarjeta vermelha:

LOTERIA DE NADAU NUM.29556: Dècims a 22 €

Ena darrèra minuta mos empaten de penalty

Aguest dimenge auent disputat eth prumèr partit deth campionat. Era vertat ei qu'ere estranh jogar en casa tàs 3 dera tarde tant poc public ( a mès era Vuelta Espanha arrivaue en Pla de Beret). Eth partit siguèc bastant dolent dauant un equip de Labarthe-Inard qu'ac finau s'emportèc lo que volguèc, non gesse perdedor d'aguest partit. Nosati non estèrem bric ben, ac contrari deth darrèr partit, eth jòc siguèc fòrça lent e molt previsible tant poqui tocs dera pilota e quasi sense qu'es portèrs auesent de parar cap de pilota. Mos adelantèrem ena minuta 20 en un centro de Pèir qu'Ignasi aprofitèc era badada dera defensa entà marcar eth 1-0. Tamb aguest resultat s'arrivèc ath descans. Ena dusaua part tot igual, mès tot cambièc enes darreres 10 minutes. Prumèr Labarthe-Inard mos empatèc en ua jogada que eth nòste portèr e era defensa non s'enteneren e eth jogador Essaoui marcaue a porta bueda eth 1-1. Faltauen 10 minutes eri patiren era expulsion d'eth son capitan e nosati marcauen eth 2-1 en un polit remat de cap d'Ignasi. Quedauen 5 minuts, eri tornauem a patir era expulsion de un aute jogador. Semblaue tot controlat e qu'era victòria non se mos escaparie més ena darrèra jogada un jugador de Labarthe-Inard se tirèc ena nòsta area, agarrant un jogador nòste e er arbitre fiulèc un penalty totalment injust que Pellegrin transformèc entà empatar a 2. E atau s'acabèc aguest prumèr partit, qu'ac finau siguèc bastant "bronco" tant fòrça tarjetes. Demorem qu'er equip le servisque d'experiència entà plòplèus partits.

Eth plòplèu partit ei eth dissabte 20 de seteme tàs 20:00 contra er Aurignac en Boussan.

Huelha deth partit:

U.E. Bossòst 2 - Labarthe-Inard 2

U.E. Bossòst: Monchi, Eric, Viló, Felipe, Fran, Jorge, Tito, Alex (60' J.Carlos), Pèir (60' Cuny), Ariel (45' Moha) e Ignasi.

Trainer: Jordi

Labarthe-Inard: Lavayssiere, Serrano, Saaf, Varela, Esparbes, Chaks, Feth, Pellegrin, Pailloux, Saurrat. Remplaçants: Essaoui, Racca, Saurat.

Trainer: Serrano Michel

Arbitre: Dasque J. Charles

Gols: 1-0 Ignasi (20'), 1-1 Essaoui (80'), 2-1 Ignasi (85'), 2-2 Pellegrin (90' penalty).

Tarjeta auriòla: Jorge (20'), Viló (32'), Pailloux (35' e 80'), Essaoui (54' e 85'), Filloy (70'), Eric (76'), Ariel (87'), Tito (90').

Tarjeta vermelha: Pailloux (80'), Essaoui (85').