dimecres, 18 de juny de 2008

ERA U.E. BOSSÒST AUTREJADA TAMB ETH PRÈMI 17 DE JUNH AR ESPÒRT

Ena serada des Prèmis 17 de Junh e en tot auer-se amiat a tèrme era suma des diuèrses puntacions, s'an autrejat es guardons de Blancaflor ara Union Esportiva Bossòst "pr'amor dera trajectòria ath long des darrèri ueitanta ans en favor der espòrt ena Val d'Aran e des mèrits artenhudi".
Es prumèri Prèmis 17 de Junh nèishen damb er objectiu de méter en valor era data deth 17 de junh e eth sòn significat coma Hèsta d’Aran, e de reconéisher e avalorar eth trabalh e era trajectòria de persones e collectius apertients a diuèrsi encastres dera nòsta societat, enguan aguesti encastres son eth der espòrt, era promocion economica e era cultura.