Dusaua derròta seguida

Dusau derròta seguida per prumèr viatge en campionat. Tanben per dusau partit, er equip se quedèc sense marcar cap gol. Ei vertat qu’er equip portèc eth domini deth joc en tot moment, mès, es ocasions qu’auèrem entà marcar, s’auien d’auer materialitzat; se non, passe lo que passe . Eth Labarthe de Riviere aprofitèc un cornèr ena minuta 23 tà que Vanin tot solet marquèsse eth 1-0, resultat que serie eth definitiu. Er equip continuèc eth sòn domini mès, uns viatges era bona intervencion deth portèr Milan , d’auti viatges, era sua defensa treiguíe era pilota dera linea, e bères ocasions, es nòsti delanters xutauen era pilota dehòra. Cau díder qu’eth camp ère molt mau, e sustot mos perjudiquèc mès a nosati qu’ erem er equip mès tècnic; de totes maneres açò non a de servir coma desencusa entà non puntuar en aguest partit dauant un des equips dera part baisha dera clasificacion.
Non podèrem aprofitar er empat deth St.Gaudens en terren de Montespan a 0 gols. A manca d’un partit , era clasificaron ei: eth St.Gaudens ei prumèr damb 46 pts, 2au U.E. Bossòst 42 pts, 3au Luchon 36 pts, 4au SaliesMane 33 pts.
Eth darrèr partit deth campionat ei eth dissabte 17 de mai tàs 20 :00 ores en Bossòst dauant er Isle en Dodon.
Demoram eth suport de tota era aficion en darrèr partit deth campionat dera Categoría Excellence 2007-2008.

Huelha deth partit:
Labarthe de Riviere 1 – U.E. Bossòst 0
Labarthe de Riviere : Milan, Allemane, Dupla, Chanfreau, Minoves, Pulong, Ballarin, Dulac, Riqueza, Vanin, Agasse. Remplaçants :Ruf, Polesec
Trainer : Cortesogno Alain
U.E. Bossòst : Roger, Eric (45’ Cuny) , Felipe , Viló , Filloy, Jaime ( 45’ Tito) , Jon, Alex (45’ Ariel), Ignasi , Adrian, Pèir.

Trainer : Jordi

Arbitre : Yagoub Moustafa
Gols : 1-0 Vanin (23’)
Tarjeta auriòla: Felipe (30’), Viló (40’)
Tarjeta vermelha: Cuny (80’)