dilluns, 7 d’abril de 2008

Victòria corta, tot seguís igual

Victòria corta era artenhuda pera U.E. Bossòst dauant der equip deth Labarthe-Inard. Sonque 2 a 0 en un partit dominat peth nòste equip. Des d’un començament, ja se veiguie qu’eth Labarthe-Inard venguie a cercar un empat; toti darrèr, sonque portaue un jogador de canvi e arrés ena banqueta. Es nòsti jogadors pot èster per excés de confiança , tampóc joguèren un bon partit.
Ena prumèra mietat, ja podiem auer sentenciat eth partit; en minut 15 clar penalti, que Felipe marcaue eth 1-0. Dempús, clara ocasion d’Ignasi que xutèc dehòra. Ena minuta 35 clar penalti sus Ignasi, mès aguest viatge Felipe xutaue en garròt e era pilota anaue dehòra. Lèu deth minut 45 gol anulat a Pèir per dehòra de joc molt justet. Tamb 1-0 s’arrivaue ath descans. Ena dusaua mietat, en minut 60 Moha en jogada personau marcaue eth 2-0 que serie eth resultat definitiu. Tanben s’anulèc un gol a Adrian per dehòra de joc. Eth Labarthe sonque xutèc un viatge en tot eth partit tamb bona parada per part de Roger. En resum, partit fàcil e 3 punts mès entà continuar líders. Cau díder que St. Gaudens tanben guanhèc eth sòn partit en Isle en Dodon per 1-2. Ara ,es dus equips auem 42 pts, seguís tresau eth Luchon tamb 32 pts. Sonque manquen 3 partits entà decidir eth campionat.
Aguesta dimenjada non n´i a partit de campionat ; se joguen es ½ finals dera Copa de Comminges tamb es enfrentaments: Isle en Dodon - Labarthe de Riviere e MontespanFigarol – SaliesMane ; es quate equipes dera nòsta categoría.

Huelha deth partit:
U.E. Bossòst 2 – Labarthe-Inard 0

U.E. Bossòst : Roger, Borja (45’ Eric) , Chapo , Viló , Felipe, Liaño, Jon, Moha, Ignasi , Tito (45’ Adrian), Pèir (70’ Alex).

Trainer : Jordi

Labarthe-Inard : Pellegrin, Sense, Chaks, Cayuela, Caperan, Heuillet, Boitel, Raccx, Boulasquer I, Boulasquer II, Essaoui. Remplaçant : Cadiegues.

Arbitre : Duplan David
Gols : 1-0 Felipe (p.15’), 2-0 Moha (60’)
Tarjeta auriòla:
Tarjeta vermelha:

Cap comentari: