Partit fòrça dur e fòrça pòc fotbòl

Partit tamb fòrça duresa e pòc fotbòl hèc que se disputèc eth dissabte en Luchon. Cada jogada qu’acabaue en falta, hege qu’eth jòc se parèsse ues quantes menutes e ath delà, es jogadors deth Luchon increpauen es accions: s’ère falta nòsta, se queixauen pera duresa dera falta, s’ère falta sua, increpauen ath jogador qu’ère en terra que non n´auie per tant e que s’auie de lheuar . Atau, non se podia jogar eth partit e ar arbitre se l’escapèc des mans. Non auie d’auer permetut aguest comportament des jogadors deth Luchon e se non ac podie controlar, aurie d’auer suspenut eth partit.
Quant ath partit, en minut 2 , bona jogada de Moha que passe a Ruben que tot solet dauant de Caze I, xutèc en garròt e ara seguida Ignasi tirèc dehòra. Ena minuta 15, dempús de driblar a dos jogadors, clar penalty sus Pèir que Felipe s’encargaue de marcar eth 0-1. Ena minuta 35, en ua falta tirada desde luenh per Diverchy, eth nòste portèr Roger non podèc parar era pilota e Luchon artenhie er empat. En ua jogada en miei deth camp, qu’acabèc en falta, agresion de El Mahraoui a Ruben qu’acabèc tamb era expulsion des dus jugadors. Es dus equips tamb 10 jogadors e s’arrivaue ara mieja part tamb 1 a 1 en marcador. Ena dusaua part, Luchon, artenhèc et 2-1, quan portauen 15’ jogadi en un contratac que Lansalot tot solet dauant de Roger marcaue eth gol. D’ aquiu enquiath finau, ocasions de Pèir e Ignasi que non podèrem marcar. Ath finau ,ua derrota que creiguem injusta pes mèrits qu’ hèc er equip.
Cau dar es gràcies ara aficion que se desplacèc nombrosa entà dar suport ath sòn equip.
Eth St. Gaudens guanyèc 2-0 ath Aurignac ,apofitèc era nòsta derrota e ara èm es dus equips a 39 punts, nosati èm pumèrs per gol-average generau; eth tresau ei Luchon tamb 31 punts.
Eth plòpèu partit ei eth dissabte 5 d’abriu tàs 20 :00 en Bossòst contra Labarthe-Inard


Huelha deth partit:
B. Luchon 2 – U.E. Bossòst 1

B.Luchon: Cazes I, Lansalot, Joly, El Mahraoui, Madon, Cayrey, Diverchy, Dargassies, Boy, Cazes II, Sales. Remplaçants: Christ, Van Mo

Trainer: Duclos Alain

U.E. Bossòst : Roger, Cuny (70’ Ariel) , Filloy (70’ Alex), Viló (45’ J.Carlos), Felipe, Liaño, Jon, Moha, Ignasi , Ruben, Pèir.

Trainer : Jordi
Arbitre :Fortin Jacques
Gols : 0-1 Felipe (p.15’), 1-1 Diverchy (33’), 2-1 Lansalot (68’)
Tarjeta auriòla: Liaño (20’), Jon (36’), J. Carlos (75’), Felipe (80’), Sales (85’)
Tarjeta vermelha: El Mahraoui (35’), Ruben (35’)

Empat a 1 entres dus prumèrs deth campionat

Partit fòrça disputat e tamb fòrça intensitat entre es dus prumèrs deth campionat. Enes prumèrs minutes eth St. Gaudens auèc era sort de daurir eth marcador en ua jogada en que se reclamèc ua falta per part d’un jogador deth St. Gaudens a Ignasi. Eth jòc continuèc e dempús d’ua paret, Duclos d’un fort xut tamb era cama ezquerra, marcaue eth 0 a 1. Ara U.E. Bossòst li hèc fòrça mau encajar aguest gol e costèc entrar en partit. Passadi ues minutes, eth domini deth Bossòst siguèc mès gran ; bon xut de J.Carlos qu’eth portèr Bosc desvièc a corner, xut de Filloy q’un defensa desvièc a cornèr e ues quantes jogades que per poc non s’arrivèc a marcar. Tamb eth 0-1 s’arrivaue ara mieja part. Ena dusaua part eth Bossòst encara dominèc tamb mès claritat e tàs 15 minutes, Felipe aprofitaue un error de Bosc en non blocar un balon e marcaue eth 1 a 1. Encara quedaue mieja ora entà jogar, s’auie hèt lo mès difícil e ara calie rematar eth partit. En un bon xut de Jon que siguèc eth jogador qu’ac probèc mès de luenh, ath portèr Bosc siguèc dificil blocar era pilota e Moha anèc ràpid entà marcar, mès eth sòn xut anèc dehòra per molt poc. Eth St. Gaudens ac probèc ara contra en un remate de cap de Marque qu’anèc dehòra. Eth marcador ja non se botjarie. Finau deth partit 1-1 e repart de punts, madeish resultat qu’eth prumèr torn. Ara, era clasificacion , quan manquen 5 partits entà acabar eth campionat , ei : Bossòst 39 pts, St. Gaudens 36 pts, SaliesMane 29 pts e Luchon 28 pts.
Molt bona preséncia d’aficionadi qu’en tot moment animèrent ath sòn equip. Sustot enes moments en qu’eth marcador non ère favorable, dèren ànims as sòns jogadors.
Era dimenjada que ven, non n´i a partit. Se jogue un partit retrassat entre eth Labarthe de Riviere e Landorthe. Eth plòpèu partit serà eth dissabte 29 de març. Jogaram eth derbi deth Portilhon en Luchon tàs 20 :00 ores.

Huelha deth partit:
U.E. Bossòst 1 – U.S. St. Gaudens 1
U.E. Bossòst : Roger, J. Carlos , Filloy, Viló, Felipe, Liaño, Jon, Moha, Ignasi (65’ Tito), Ariel ( 45’ Ruben), Pèir.

Trainer : Jordi

U.S. St. Gaudens : Bosc, Lavigne, Breil, Louis, Duchein, Bouigue, Duclos, Farre, Castex, Marin, Cappe. Remplaçants : Marque, Serie, Galibert.

Trainer : Perrin Sebastien

Arbitre :Castro Antoine
Delegat : Pedarros Robert
Gols : 0-1 Duclos (11’), 1-1 Felipe (65’)
Tarjeta auriòla: Ariel (26’), Lavigne (38’), Pèir (80’)

Eth St.Gaudens guanhe eth sòn partit

Aguest darrèr dissabte eth St. Gaudens guanhèc 1-0 dauant deth Labarthe-Inard e se plaçe a 3 punts dera U.E. Bossòst. Aguest dissabte 15 de març en Bossòst tàs 20:00 partit entre es dus prumèrs clasificats: U.E Bossòst-St. Gaudens. Demoram ua bona presència d'aficionats entà poder dar suport ath sòn equip e guanhar aguest important partit.

Dauant eth Gourdan ua naua victoria

Dempús der enfrentament hè 15 dies en Miramont, ara anàuen a jogar en sòn camp. Era U.E. Bossòst artenhèc ua naua victoria dauant deth F.C. Gourdan per 0 a 2. Ja auiem talents toti de que passèssen aguesti dus partits e lo mielhor de tot : dues victories clares e sense cap incident. Aguest partit que se joguèc aguest darrèr dissabte, siguèc fòrça disputat ena prumèra part. Cau díder qu´ eth camp ère fòrça dur e açò dificultèc plan eth jòc. Es dus equips auèrem ocasions entà daurir eth marcador ; eth Bossòst reclamèc dues mas fòrça clares laguens der àrea, e un bon cop de cap de Liaño qu´anèc dehòra per poc ; eth Gourdan responèc tamb un xut d’Arieu que tanben anèc dehòra. Ena minuta 35 en un bon centre de Pèir, Alex realitzaue un control difícil e d’ua volea plaçaue era pilota ena esquaire luenh deth portèr Alosi. Un gran gol que mos permitíe arrivar tara mieja part tamb ventatja en marcador. Era dusaua part, siguèc mès clar eth nòste domini; eth Gourdan s’apropèc fòrça poc ara nòsta àrea, e Roger ,eth nòste portèr, lèu non auèc trebalh. Era U.E. Bossòst non se conformaue tamb eth resultat ja que sonque auie ua minima diferéncia. Liaño en ua auta ocasion, xutaue era pilota qu´anaue en garròt. Ena minuta 82 Moha, luitèc un balon tamb eth centrau Doz que guanhèc e se placèc deuant deth portèr entà marcar eth 0 a 2 e sentenciar eth partit. Ena darrèra minuta ,Ignasi encara podie auer ampliat eth marcador, mès Alosi desvièc eth sòn xut. En resumen, victoria en un camp difícil que mos hè mantenir era prumèra posicion. St Gaudens non joguèc eth sòn partit e jogarà era dimenjada que ven.
Entara aficion un 10. Se desplacèc un pialèr d´aficionadi e dèren suport ath equip en tot eth partit.
Era dimenjada que ven, non n´i a partit. Se dispute es ¼ de finau dera Copa de Comminges tamb aguesti enfrentaments: Montespan-Larboust, St. Martory-Isle en Dodon, Boussens- SaliesMane, Luchon-Labarthe de Riviere.

Huelha deth partit:
F.C. Gourdan 0 – U.E. Bossòst 2
F.C. Gourdan: Alosi, Dufor, Annecy, Voisin, Doz, Baron, Ducos, Zaoui, Darracq, Ané, Arieu. Remplaçants: Bellour I, Gez, Bellour II

Trainer: Da Costa Josè

U.E. Bossòst : Roger, Cuny , Chapo (80’ Borja), Viló, Felipe, Liaño, Fran (65’ Tito), Moha, Ignasi, Alex (45’ Jaime) e Pèir

Trainer : Jordi

Arbitre :Duprat Christophe
Liniers : Fortin Jacques e Duprat Philippe
Delegat : Pedarros Robert
Gols : 0-1 Alex (35’), 0-2 Moha (82’)
Tarjeta auriòla: Annecy (33’), Ané (58’), Gez (90’)