3 punts de diferéncia

En partit disputat aguest dissabte, era U.E. Bossòst artenhèc era victòria per 2 a 1 dauant er equip de MontespanFigarol. Eth partit siguèc dominat en tot moment pera U.E. Bossòst qu’ena prumèra part non podèc concretar cap ocasion entà marcar e aquerò que xutèc fòrça cornèrs ; tostemp era pilota ère en terren deth Montespan mès non podèrem marcar. Ena dusaua part, sonque començar, ena minuta 3 en ua bona jogada per banda, Pèir hèc un centro que Jon plaçaue entà laguens ena madeisha linea de gol. Tamb eth 1-0 seguic eth nòste domini. En ua jogada aislada er arbitre fiulèc ua queiguda ena nòsta àrea coma penalty. Eth jogador deth Montespan Watel marcaue er empat a 1. Non baishèrem es braci e atau 10 minutes mès tard Moha agarraue un xut des de dehòra der àrea e marcaue eth 2-1. D’aquiu enquiath finau patirem es xuts de dues faltes que Roger prumèr e dempús era nòsta defensa impedic que se botjèsse eth resultat. En resumen resultat just, més tostemp difícil guanhar aguest equip de Montespan. Era nòta negatiua deth partit siguèc era lesion deth nòste jogador Javi Iglesias. Ara auem lesionadi a Javi, Juanmi, Adrian e Tito; demoram ua lèu recuperacion, toti es jogadors son necesari ena situacion en que mos trapam.
Eth Luchon guanhèc 1 a 0 ath St. Gaudens; ara nosati èm liders en solitari tamb 35 pts, dusau eth St. Gaudens 32 pts, tresau Isle en Dodon 26 pts e quatau eth Luchon 24 pts.
Cau dar es gràcies ara aficion que en tot anima e cantar tamb fòrça dèc eth suport ath sòn equip durant tot eth partit.
Eth plòpèu partit, mos enfrentam en Goudan ath F.C. GourdanMontrejeau dissabte 1 de març tàs 20:00 ores.

Huelha deth partit:
U.E. Bossòst 2 – Ent. MontespanFigarol 1

U.E. Bossòst : Roger, Cuny (70’ J. Carlos), Chapo, Viló, Felipe, Liaño, Jon, Javi (60’ Fran) , Moha, Ignasi (70’ Alex) e Pèir

Trainer : Jordi

Ent.MontespanFigarol :Passament, Bresquignan, Verge, Baboulet, Duffo, Lafforgue I, Lafforgue II, Belarbi, Garros, Watel, Dutheil. Remplaçants : Zelmat, Lagarde, Tico

Trainer : Laplagne Jean Michel

Arbitre :Saint Paul Arnaud

Gols : 1-0 Jon (50’), 1-1 Watel (60’ p.), 2-1 Moha (75’)

Tarjeta auriòla: Viló (75’), Alex (85’)

¡¡¡ LIDERS !!!

En partit atrassat contra eth F.C. Gourdan era U.E. Bossòst artenhèc era victoria per 3-1. Tamb aguesti 3 punts era U.E. Bossòst se place lider tamb 32 pts, es madeishi punts qu’eth St. Gaudens; per gol-average generau èm es prumèrs.
Eth partit disputat en Miramont siguèc fòrça dur per part deth Gourdan qu’acabèc tamb 5 tarjetes auriòles e 1 vermelha ; per part nòsta sonque 1 tarjeta auriòla per contestar ua decision der arbitre.
Ena prumèra part en minut 5, marcaue Pèir eth 1-0 en un polit còp de cap. Nosati portàuem era iniciatiua deth jòc, e Gourdan intentaue jogar ath contraatac. En minut 40 un bon còp de Liaño pasaue a prop deth garrot . Quan acabauem era prumèra part en ua jogada desafortunada dera nòsta defensa Roger hèc penalti que Ané marcaue entà empatar a 1. Ena dusaua part er equip gessèc entà sentenciar eth partit. Atau Liaño aprofitaue ua pilota que xutada per Pèir, eth portèr Alosi non podèc agarrar e marcaue eth 2-1. 5’ mès tard, en ua jogada fòrça polida, ath prumèr tòc, entre J.Carlos, Adrian, Moha, Liaño e Alex, aguest darrèr dauant de Aloisi, tamb era sua cama esquerra marcaue eth 3-1. Dues jogades mès que podíem auer acabat en gol; un xut de Moha qu'eth portèr non podèc agarrar e qu’un defensa treiguèc ena linea?; un gol anulat a Viló per suposada falta quan auie sautat tot solet entà marcar eth gol.
Normaument non parlam des arbitres, mès en aguesta ocasion cau díder que molt bon arbitratge dera tripleta arbitrau que sancionèc correctament eth jòc dur deth Gourdan.
Cau dar es gràcies ath grup d’aficionats que dèrem eth suport entà qu’er equip joguèse coma se siguesse en casa.
Eth plòpèu partit, mos enfrentam en Bossòst ath MontespanFigarol dissabte 23 d’hereuèr tàs 20:00 ores.

Huelha deth partit:
U.E. Bossòst 3 – F.C. Gourdan 1
U.E. Bossòst : Roger, J.carlos (70’ Jaime), Chapo, Viló, Felipe, Liaño, Jon ( 75’ Javi ) , Ariel (45’ Alex) , Moha, Adrian e Pèir

Trainer : Jordi
F.C. Gourdan : Alosi, Dufor, Gez, Voisin, Doz, Baron, Zaoui, Darracq, Bellour I, Ané, Arieu. Reemplaçants : Bellour II, Ducos, Annecy
Trainer : Da Costa José
Arbitre :Lozes Henri
Liniers: Cunha Philippe, Marty Michel

Gols : 1-0 Pèir (5’), 1-1 Ané (p.45’), 2-1 Liaño (65’), 3-1 Alex (70’)
Tarjeta auriòla: Dufor (10’), Gez (25’) , Zaoui (35’), Ané (75’), Annecy (70’), Chapo (70’)
Tarjeta vermelha: Zaoui (87’)

Dusaua derrota deth campionat

Era U.E. Bossòst patís aguest darrèr dissabte era dusaua derrota deth campionat. Dauant er equip deth SaliesMane non poguèc artènher un resultat positiu. Partit igualat desd’eth començament entre dus equips que sajauen d’imposar en sòn joc. Lèu dera minuta 25 en ua falta, Fuentes xutaue era pilota que Roger tocaue mès non podíe evitar eth 1-0. 5 minutes més tard en ua jogada entre Ruben e Adrian; aguest darrèr se plantaue dauant deth portèr Marrot que tocaue lèugerement era pilota entà cornèr e evitaue eth 1-1. En dues jogades que defensivament non èrem guaire acertadi eth SaliesMane ampliaue era diferéncia; prumèr Fuentes en un xut ras e dempús Dias en un xut desde dehòra der àrea plaçaue era pilota ena esquaira. Tamb eth resultat de 3-0 s’arrivaue ara mieja part. Ena dusaua part era U.E. Bossòst portaue era iniciativa deth jòc, mès en cap moment podèc desbordar era defensa contraria, ath delà, eth portèr Marrot auèc ua bona actuacion. En resumen derrota fòrça contundent, en un bon partit de fotbòl ; portauem dus partits anteriors tamb fòrça gols e en aguest en tot éster nosati es qu’auem patit era golejada. Fotbòl es fotbòl diguie Boskov.
Cau díder qu´ ath començament deth partit se sauvaue un minut de silenci pera mort der entrenador locau Jean Ajas (62 ans), ex-entrenador entre auti equips deth Martres Tolosane. Es sòns jogadors l’auferíent un bon partit e ua polida victoria.
Des quate equips prumèrs, arrés arthenèc era victoria, sonque St.Gaudens empatau en Landorthe, Isle en Dodon e Luchon perdíen en Labarthe de Riviere e Gourdan. Era clasificacion seguís tamb St Gaudens 32 pts líder, dusau Bossòst 29 pts, tresau Isle en Dodon 23 pts, quatau F.C. Gourdant 22 pts, Luchon a baixat ath cinquau lòc tamb 21 pts.
Eth plòpèu partit, mos enfrentam ath F.C. Gourdan eth partit qu’auem atrasat; jogam en camp deth Miramont, dissabte 16 d’hereuèr tàs 20:00 ores.

Huelha deth partit:

U.S. SaliesMane 3 – U.E. Bossòst 0

U.S. SaliesMane: Marrot, Le Moel, Fort, Perez, Bourgade, Cazenave, Dias, Cazenave II, Laffont, Ertlen, Fuentes. Remplaçants : Ertlen II, Pircont, Dias II.

Trainer : Cazenave J.Jacques

U.E. Bossòst : Roger, J.carlos (45’ Jaime), Chapo, Cuny (60’ Ariel) , Felipe, Liaño, Jon ( Javi ) , Ruben , Moha, Adrian e Pèir

Trainer : Jordi

Arbitre : Duprat Christophe

Gols : 1-0 Fuentes (25’), 2-0 Fuentes (35’), 3-0 Dias (40’)
Tarjeta auriòla: Jon (55’), Felipe (75’).