Aguesta dimenjada 2-3 d'hereuèr non jogam

Ath finau, eth partit contra eth F.C. Gourdan se jogarà eth dissabte 16 d'hereuèr tàs 20:00 en Miramont. Eth plòplèu partit dera U.E. Bossòst serà eth dissabte 9 d'hereuèr tàs 20:00 que jogam en Salies du Salat contra eth SaliesMane.

Fotbòl e gols dauant dera nòsta aficion

Era U.E. Bossòst hèc ua auta exhibicion de gols e fotbòl; aguest viatge dauant dera sua aficion. Des d’un començament, eth fotbòl precís, tècnic e rapid deth nòste equip creaue fòrça problemes ar equip deth Villeneuve-Lecussan, atau as 5’ Adrian en ua clara ocasion xutèc per dessús deth garrot. Eth domini deth nòste jòc lèu auèc eth premi tàs 10’ Moha marcaue eth 1-0. Un viatge que se perforèc era porteria contraria ,cada jogada ère sensacion de que marcaríem més gols. Moha tamb 2 gols més e Adrian (2 gols) deishauen eth partit sentenciat ena mieja part, tamb eth resultat de 5-0. Ena dusaua part, sonque començar, en ua bona jogada Arrouy marcaue eth gol deth honor entà Villeneuve-Lecussan. Aguest gol e un xut ath garròt en ua falta de Das Nieves, héc qu´er equip li costèsse entrar en partit. Dempús de passar aguesti minutes iniciaus dolenti, Ruben en ua falta tanben xutèc en garròt. Eth madeish Ruben en dues ocasions ( ua de penalti), deishaue eth marcador en un contundent 7-1. Tamb aguest dusau resultat tant ampli, portam en dus partits 15 gols a favor e 1 en contra, demoram qu’açò continue atau. Er equip se trape tamb era morau fòrca nauta ; ath delà, cau díder qu’eth St. Gaudens perdèc en sòn camp dauant eth F.C. Gourdan per 0-1 e aquerò, deishe ara U.E. Bossòst a 2 punts deth St. Gaudens que de moment encara seguís en prumèr lòc.
Eth plòpèu partit, mos enfrentam ath F.C. Gourdan eth partit qu’auem atrasat. Auem de cercar eth terren de jòc e eth dia entà jogar aguesta dimenjada.

Huelha deth partit:

U.E. Bossòst 7 – Villeneuve-Lecussan 1

U.E. Bossòst : Riu, J.carlos, Chapo, Cuny (45’ Viló) , Felipe, Liaño, Jon , Ignasi , Moha (45’ Ruben), Adrian (45’ Alex) e Pèir

Trainer : Jordi

Villeneuve-Lecussan AS : Fidalgo, Barrere, Desbrueves, Loo, Dupuy, Davezac, Ribet Yannick, Ricaud, Das Nieves, Arrouy, Ribet Florian. Reemplaçants : Louge, Motta.

Trainer : Barbosa Manuel

Arbitre : Guezello Guy Noel

Gols : 1-0 Moha (10’), 2-0 Moha (15’), 3-0 Adrian (20’), 4-0 Adrian (25’), 5-0 Moha (35’), 5-1 Arrouy (50’), 6-1 Ruben (70’ penalti), 7-1 Ruben (85’)

Eth partit U.E. Bossòst - F.C. Gourdan se jogarà eth 2 de hereuèr

Dempús de pasar peth "Comité de Litiges" e eth "Comité d'Appel", aguest darrèr a pres era decision de qu'eth partit que se suspenèc en sòn dia, se torne a jogar a 40 km de Bossòst, tamb 3 arbitres e 1 delegat qu' auran de pagar nosati. Tanben demane qu' era U.E. Bossòst a de presentar un plan entà reforçar era seguretat en camp abantes deth 8 de hereuèr. Ací demanam eth suport de toti es nòsti socis e aficionats, qu' animen ath sòn equip, e que respectent er equip contrari e as arbitres.

Festivau de fotbòl e gols dehòra de casa

Victòria fòrça contundent dera U.E. Bossòst dauant deth darrèr classificat. En 15 minutes , eth partit sentenciat tamb 3 gols. Abantes d’arrivar ara mieja part encara se marcarien 2 gols mès. Ena dusaua part, 3 gols mès, acabauen tamb aguest espectacular marcador de 0-8. Eth golejador dera tarde siguèc Adrian que marquèc 4 gols, Pèir 2 gols, Ariel e Moha 1 gol cada un. Non pensauem artènher era victoria d’aguesta manèra tan clara; era vertat ei que mos trapèrem un equip fòrça canviat deth que joguèrem en prumèr torn. Era defensa contraria jamès podec tamb es nòsti atacants; sonque cau díder coma negatiu era lesion de Marc Cuny ena dusaua part en sòn jolh dera cama dreta en ua entrada per part deth jogador contrari Massarin que siguèc eth jogador que tamb dolentes manères, fòrça entrades a destemps, sajaue de provocar as nòsti jogadors, Ac finau siguèc expulsat per dues tarjets auriòles. Auem començat fòrça ben eth dusau torn. Er equip deth St. Gaudens continue prumèr ja que guanhèc eth sòn partit, ara a 31 pts, U.E. Bossòst 26, Isle en Dodon perdèc e seguís tamb 22 pts, Luchon non podèc jogar eth sòn partit e a 18 pts en quatau lòc.. Mos quedam ena dusaua posicion, distanciam a Isle en Dodon e em es unics perseguidos deth St. Gaudens. Encara auem eth partit pendent de Gourdan qu´ eth “Comité d’Appel” prenerà era decision pendent aguesta semana.
Eth plòpèu partit, enfrentam ath Villeneuve-Lecussan en Bossòst, dissabte 26 de gèr tàs 20 :00.

Huelha deth partit:

E..F.C. Aurignac 0 – U.E. Bossòst 8

E.F.C. Aurignac : Desseiat, Cazenave, Mallet, Dignat, Dalleau, Arnould, Zunnui, Ane, Lafforgue, Cadorin, Leboulanger. Reemplaçants : Bellecourt, Massarin, Moreira.

Trainer : Dorleac Laurent

U.E. Bossòst : Riu, Chapo, Filloy (25’ Eric), Cuny, Felipe, Liaño, Jon , Ignasi (45’ Alex), Ariel (45’ Moha), Adrian e Pèir

Trainer : Jordi

Arbitre Boudon Daniel

Gols : 0-1 Adrian (8’), 0-2 Pèir (12’), 0-3 Adrian (15’), 0-4 Adrian (20’), 0-5 Ariel (25’), 0-6 Moha (60’), 0-7 Pèir (70’), 0-8 Adrian (80’)

Tarjeta auriòla: Felipe (35’), Massarin (35’), Arnould (40’), Bellecourt (65’).
Tarjeta vermelha: Massarin (80’).

¡¡¡ OH-LA-LA ISLE EN DODON 1- U.E. BOSSÒST 2 !!!

Victòria fòrça important en camp der Isle en Dodon. Era U.E. Bossòst auance enquiath dusau lòc dera clasificacion. Partit fòrça disputat pes dus equips. Terren de jòc un sinhau tendre. Tot eth partit siguèc sense un clar equip que portèsse eth jòc. Ena prumèra mietat, lèu dera minuta 20, en ua pilota que centrèc Adrian, Pèir driblèc ath defensa e tamb era sua cama “dolenta” era dreta xutaue e marcaue un polit gol. Er Isle en Dodon sagèc d’equilibrar eth marcador en tot aprofitar es fautes e cornèrs. Tamb eth 0-1 s’arribaue ara mieja part sense qu’es dus portèrs auessen d’intervier guaire. Ena dusaua part, er Isle en Dodon, des de sonque començar, sagèc d’igualar eth marcador. Ua rematada de cap de Cazenave, gesquie dehòra per poc; e un xut de Robin tanben anaue dehòra. I auta rematada deth madeish Robin ère parada fòrça ben per Juanmi. Era U.E. Bossòst sagèc enes contraatacs de marcar. Dues ocasions molt bones e clares per part de Jon e Adrian que rematèren per dessús deth garrot, quan ac auien tot entà marcar. Ena minuta 70 er Isle en Dodon rebie eth premi ath sòn esfòrç e Robin marcaue eth 1-1. Eth jòc cada viatge ere mès físic, mès era U.E. Bossòst non se desmoralizèc tamb eth gol e hèc era diferéncia gràcies ath sòn jòc mès tècnic. Quan mancauen 5 minutes peth finau, bona jogada per banda de Pèir que centrèc e Adrian de cap marcaue un gran gol.
Ara, St.Gaudens que guanyèc en camp de Salies seguís prumèr damb 28 pts, U.E. Bossòst 23, Isle en Dodon 22, Luchon perdèc e continue quatau tamb 18 pts. Eth plòpèu partit, començam eth dusau torn e mos enfrentam ath E.F.C. Aurignac en camp de Boussan, dimenge 20 de gèr tàs 15 :00.

Huelha deth partit:

Isle en Dodon 1 – U.E. Bossòst 2

Isle en Dodon : Galibert, Fortin, Saint Blancat, Drex, Larrieu, Delavergne, Robin, Abadie, Rodriguez, Cazenave, Tosse (55’ Thedie).
Trainer : Furton Philippe

U.E. Bossòst : Riu, Eric, Filloy, Cuny, Felipe, Liaño, Jon (70’ Javi) , Alex (60’ Ariel), Moha, Adrian e Pèir
Trainer : Jordi

Arbitre : Labarre Daniel
Gols : 0-1 Pèir (20’), 1-1 Robin (70’), 1-2 Adrian (85’)
Tarjeta auriòla: Fortin (10’), Eric (15’), Larrieu (35’), Filloy (75’), Cazenave (80’)

Aguest dimenge 13 de gèr reprenem era competicion

Aguest dimenge 13 de gèr tàs 12:45, en camp deth dusau clasificat er equip deth Isle en Dodon, reprenem era competicion. Dempús des hèstes de Nadau, aguest prumèr partit ei fòrça important entà seguir enes prumères lòcs dera clasificacion. Era clasificacion ei: St. Gaudens 25, Isle en Dodon 22, U.E. Bossòst 20, Luchon 18. Nosati seguim tamb un partit de menos.