Era U.E. Bossòst eliminada dera Copa de Comminges ena darrèra minuta

En un partit ena qu´era U.E. Bossòst (campeon vigent dera copa de Comminges ) siguèc eth clar dominador deth partit, perdèc era eliminatòria ena darrèra minuta. En un terreno de jòc plan petit, comencèrem en tot marcar un gol ena minuta 20, ua falta chutada per Pèir, Ignasi de cap passèc a Moha que tot solet marcaue eth 0 a 1. Un quart d’ora més tard eth F.C. Larboust nos empataue en ua jogada de contraatac, Pascau tot solet dauant de Roger marcaue eth 1-1. Abantes d’arrivar ath descans Dulon dèc un cop de pè a Liaño sense balon que meregie era tarjeta vermelha, er arbitre sonque hèc amonestacion verbau. Ena dusaua part er equip cercaue eth gol e bones rematades de Manu, Moha, Pèir, Alex que sigueren parades per Tressere eth millor jogador locau. En aguesta dusaua part dues jogades més qu’er arbitre prenèc decisions que mos perjudiquèren; un cop de cap de Liaño tocaue eth garrot e entraue un pam laguens dera porteria e un defensa la treiguie, e un auta jogada en que Adrian drible ath defensa centre e Pèir de cap marque gol qu’er arbitre anule pr’amor que ditz qu’era pilota abantes de que Adrian hèsse eth centro auie gessut. Es dues jogades siguerem fòrça clares e er arbitre mos perjudiquèc tamb es sues decisions. S’arrivaue ath finau des 90 minutes tamb empate a 1gol, anauem tara prorroga. Ena prolongacion comencèrem fòrça ben e Adrian se trobèc solet dauant deth portèr e quand chutaue siguèc derribat laguens der àrea, eth sòn chut anèc dehòra er arbitre non fiulèc arren. Quand semblaue que mo’n anauem tara “loteria” des penaltis ena darrèra minuta, Heride Yohan agarrèc un chut ras ath costat deth garrot que Roger non podèc parar. En resumen derrota fòrça dolorosa, dempús de jogar 120 minutes, dauant un equip que luitèc fòrça, en un camp fòrça petit e tamb un arbitratge fòrça dolent. Ara descansam aguesta semana. Eth plòpèu partit ei eth dia 8 de deseme en Bossòst recebem er equip de Landorthe-Estancarbon.

Huelha deth partit :
F.C. Larboust-OÔ 2 - U.E Bossòst 1

F.C. Larboust-OÔ : Tressere, Heride Clement, Andrillon, David, Gabriel, Heride Jacques, Heride Yohan, Guiziou, Douce, Condesse, Pascau. Remplaçants: Dulon, Escole.
Trainer : Tine J. Claude

U.E. Bossòst: Roger, J. Carlos, Pèir, Cuny, Felipe, Liaño, Jon (55’ Ariel), Ignasi, Manu, Moha e Alex (45’ Adrian)
Trainer: Jordi

Arbitre : Tintelin Laurent
Gols : 0-1 Moha (20’), 1-1 Pascau (35’), 2-1 Heride Yohan (119’)

Partit suspenut ena minuta 60

En un partit tamb eth resultat de U.E. Bossòst 1 – F.C. Gourdan 0, e tamb domini en tota era estona deth nòste equip, qu’auie marcat eth prùmer gol en un bon còp de cap de Liaño ena minuta 40, er arbitre decidic suspèner eth partit, per perilh de seguretat. Dempús dera “tangana” dera minuta 60’ expulsion correcta deth nòste jogador Ruben; der equip contrari non expulsèc a cap jogador. Ua part fòrça minoritària des espectadors (2 o 3 espectadors), s’apropèren tara valha, entà recriminar era actuacion arbitrau. Er arbitre alavetz decidic suspèner eth partit per perilh de seguretat. Es jogadors, entrenador e directius non enteniem arren; en un partit que nos podiem colocar liders acabauen atau. Nosati didem NO A LA VIOLENCIA de quausevolh tipus. A viatges i a aficionats que reaccionen d’ua manera massa viscerau entà defensar eth sòn equip e açò només pòrte que problemes. Auè en dia non pòdem solucionar es causes a patacades, cau sajar de dialogar, de parlar, d’escotar (fòrça important) e dempús prèner es decisions oportunes. Ara tot quede a expenses de lo que decidisque eth “comité de litiges” dera federacion.
De totes maneres aguesta ei era nòsta forma de pensar, toti es ans i a ua asamblea generau entà que quausevolh soci pògue presentar era sua candidatura entà dirigir dera manera que creiguen més convenient eth club.
Eth plòpèu partit jogam 1/16 finau dera Copa de Comminges eth dimenge 25 de noveme tas 14:00 en OÔ contra er equip F.C. Larboust-OÔ.

Huelha deth partit :

Resultat enquiara minuta 60: U.E Bossòst 1 – F.C. Gourdan 0

U.E. Bossòst: Juanmi, J. Carlos, Filloy, Cuny, Felipe, Liaño, Jon, Ignasi, Pèir, Moha e Ruben. Remplaçants: Manu, Chapo, Eric.
Trainer: Jordi

F.C. Gourdan: Alosi, Dufor, Voisin, Juste, Bonnet, Baron, Ducos, Pradel, Arieu, Ane, Bellour. Remplaçants : Gez, Larque, Bellour Nabil.
Trainer : Da Costa Jasi

Arbitre : Caruccio Stephane.
Gol : 1-0 Liaño (40’).
Tarjeta auriòla : Baron (55’)
Tarjeta vermelha : Ruben (60’).

Guanham per golejada dehòra de casa

Era U.E. Bossòst guanhèc eth sòn partit per golejada. 4 gols dehòra de casa dauant un equip que dues jornades abantes auie guanhat ath Luchon. Partit igualat ath començament ; remat de cap per part de Racca e bona parada de Juanmi (15’), eth Bossòst responèc damb un xut en garròt per part de Moha (25’). Lèu dera minuta 40 en ua jogada de Moha, Ruben agarrèc era pilota e driblèc ath portèr e marcaue eth 0-1. Tamb aguest resultat arribàuem ara mieja part. Ena dusaua part gesserem entà asegurar era victoria e atau en minut 55 dempús d’un bon centre per part de Pèir, Ruben remataue de cap eth 0-2. Tamb 0-2, queigudes laguens der àrea de Alex e Ruben qu´ er arbitre non fiulèc arren. Passauen es minutes e eth marcador non se mouguie, poques intervencions de Juanmi ena dusaua part. En minut 75 bon xut per part de Jon e fòrça bona parada de Lafforgue a cornèr. En minut 80, ua pilota que controle fòrça ben Liaño e ara seguida xutèc, era pilota entrèc pera esquaira, un gran gol eth 0-3. Er equip encara marcaria en minut 85, en ua falta tirada per Felipe e que Pèir en dusau garrot, d’ua volea damb era cama dreta marcaue eth 0-4. Ath finau victoria contundent tamb 4 gols fòrça polits e que place er equip enes lòcs de dauant: St. Gaudens a 19 punts, Luchon 18 e Isle en Dodon e Bossòst 16. Aguest plòplèu dissabte 17 de noveme tàs 20 :00 en Bossòst, jogam eth partit pendent contra eth F.C. Gourdan.

Huelha deth partit.
Resultat: U..S. Labarthe-Inard 0– U.E. Bossòst 4
U.S. Labarthe-Inard: Lafforgue, Boitel, Boulanger (45’ Saurat), Cayuela, Sense, Heuillet, Racca, Pruvot, Esparbes ( 45’ Pellegrin ), Es Saoui, Saurrat.
Trainer : Sense David

U.E. Bossòst: Juanmi, Eric, Cuny, Felipe, Filloy, Liaño, Jon (80’ Borja), Alex (70’ Ariel ) Ruben, Moha, , Pèir.
Trainer :Jordi

Arbitre : Desprats Serge
Gols : 0-1 Ruben (40’), 0-2 Ruben (55’), 0-3 Liaño (80’), 0-4 Pèir (85’).

Tarjeta auriòla : Pruvot (53’)

Era U.E. Bossòst guanhe eth derbi deth Portilhòn

Era U.E. Bossòst guanhèc eth partit per resultat de 2 a 0. Partit entre dus des equips dera part nauta dera clasificacion que siguèc fòrça disputat. Des deth començament, eth partit ja se veiguèc era duresa des entrades per part der equip deth Luchon, dures entrades a Pèir e Javi, senhalades damb falta e tarjeta auriòla per part der arbitre. Jòc fòrça equilibrat enquiara minuta 25 que Moha prenèc era pilota en ua jogada que presionèc ath darrèr defensa e xutèc desde dehòra der àrea per dessús deth portèr e marcaue eth 1-0, un bon gol. Er equip de Luchon volie aprofitar es faltes e cornèrs entà empatar. Dues faltes xutades per Da Costa e Cazes hèren trabalhar a Juanmi e despejar es pilotes dehòra. S’arribaue ara mieja part tamb eth resultat de 1-0.
Ena dusaua part, er equip non se confomèc damb eth 1-0 e as 5 minutes, en ua falta xutada per Pèir, era pilota tocada peth portèr anèc as pès de Moha, que tot solet marcaue eth 2-0. Encara quedaue molt de partit per jogar, mès eth Luchon encajèc fòrça mau aguest segon gol, e eth partit se tornèc encara mès dur. Faltes e mès faltes, e fòrça interrupcions deth joc, fòrça nervis, qu’acabèren damb era segona tarjeta auriòla entà Manu e que hèc qu’acabassen eth partit damb 10 jogadors. De 6 partits , en 3 auem acabat damb un jogador de menos, cau vigilar açò, es contraris nos provoquen e entram en sòn joc, e tostemp èm nosati es perjudicadi. Tanben se lesionèc Jaime, semble un esguinç deth cauilhar, demoram ua lèu recuperacion. Ena clasificación, er equip ei en quatau lòc tamb 13 punts ( 1 partit de menos), 15 punts Luchon e 16 punts Isle en Dodon e St. Gaudens. Cau dar gràcies peth suport dera aficion en tot eth partit. Eth pròplèu partit jogam en Labarthe-Inard eth dissabte 10 de noveme tàs 20 :00 ores.

Huelha deth partit.
Resultat: U..E. Bossòst 2– B. Luchon 0
U.E. Bossòst: Juanmi, J.Carlos, Cuny, Felipe, Chapo, Javi, Manu, Ignasi, Moha, Jaime (65’ Alex ), Pèir.
Trainer :Jordi

B.Luchon SP : Mathieu, Bayle, Joly, Christ, Da Costa, Cayrey, Cazes, Boy, Manuel, Sales, Dagarssies. Remplaçant :Lansalot
Trainer : Duclos Alain

Arbitre : Magne Bertrand
Gols : 1-0 Moha (25’), 2-0 Moha (50’)

Tarjeta auriòla : Bayle (2’), Cazes (17’), Javi (37’), Alex( 76’), Manu (62’ e 85’), Mathieu (85’)
Tarjeta vermelha : Manu (85’)