Era U.E. Bossòst empate 1-1 en St.Gaudens

Era U.E. Bossòst tornaue a jogar en Stade de Sede de St. Gaudens, dempús deth darrèr viatge que joguèc e 4 mesi a on guanhèc era Copa de Comminges.
Eth partit dauant er equip deth St. Gaudens siguèc força igualat. Ena prumèra part poques intervencions des dus porters ; es defenses poguèren damb es atacants. Damb eth 0-0 s’arribaue entara mieja part. Ena dusaua part es portèrs siguèren es grani protagonistas ;tant Juanmi coma Bosc auèren de empleà-se ath màxim. Era U.E. Bossòst auèc dues granes ocasions enes minutes 70 e 78, eth jogador Pèir enes dus xuts trobèc era man de Bosc que desviaue era pilota entà còrner. Per part deth St. Gaudens, boni xuts de Ottonelli e Marque que Juanmi desvièc entà còrner. Quant semblaue qu’eth resultat finau serie 0-0, en ua recuperacion dera pilota per part de Moha, driblèc ath darrèr defensa e siguèc derribat laguens der àrea. Era jogada ère penalty e expulsion deth darrèr defensa, mès er arbitre sonque fiulèc penalti e non ensenhèc cap de tarjeta. Eth penalti tirat per Felipe metie eth 0-1 en marcador. Erem ena minuta 89, sabíem que quedaue poc entàth finau. Er arbitre non pensaue çò de madeish, joguerem enquiara minuta 99, alonguèc 9 minutes eth partit e quant portauem 7 minutes fiulèc un penalty inexistent contra nosati e que Galibert marquèc entà empatar 1-1. Atau acabèc eth partit. Se pendent eth partit eth resultat d’empat non semblaue mau resultat, dempús d’artènher eth 0-1, si que estauem decepcionadi per empat e sustot dera manèra que pasèc. De totes manères eth campionat continue damb un derby, eth pròplèu partit jogam en Bossòst ( per fin jogam en casa ) contra er equip deth B. Luchon eth dissabte 3 de noveme tàs 20 :00 ores.
Cau dar gràcies peth suport que recebèc er equip per part d’un petit numero d’aficionadi amassa damb era mainadèra.

Huelha deth partit.
Resultat: U..S. St. Gaudens 1 – U.E. Bossòst 1
U..S. St. Gaudens: Bosc, Dutech, Carceller, Louis, Prieto, Farre, Bouigue, Galibert, Ottonelli, Pujo, Marque. Remplaçants:Lavigne, Marin, Duchein.
Trainer : Perin Sebastien

U.E. Bossòst: Juanmi, J.Carlos, Viló (50’ Cuny), Felipe, Chapo, Javi, Alex (65’ Ariel), Ignasi, Moha, Filloy(85’ Eric), Pèir.
Trainer :Jordi
Arbitre : Belondrade Florian
Gols : 0-1 Felipe (89’ penalty), 1-1 Galibert (97’ penalti)

Tarjeta auriòla : Ignasi (35’), Viló (40’)

Era U.E. Bossòst eliminada dera Copa de Midi

Era U.E. Bossòst perdèc per 4-1 dauant er equip deth Flourens Dremi Lafage. Eth resultat non reflexe era igualtat que i auèc pendent es 90 minutes. Ena prumèra mietat, fòrça igualtat. Era U.E. Bossòst auèc bèra ocasion a pilota parada a prop der àrea contrària ,mès es sòns xuts non trapèren era porteria. Er equip contrari, se mostrèc perilhòs enes contraatacs e lèu ath finau dera mieja part, auèc ua bona ocasión mès no podèren marcar. Damb eth 0-0 s’arribaue entàth descans. Quan portauen 7 minutes dera dusaua part, en ua falta tirada per Alex, Javi arribèc a mèter eth sòn pè e marquèc eth 0-1. Non disfrutèrem fòrça dera ventaja en marcador, ja que 5 minutes mès tard ,en un corner rematat per Moga ( jogador d’origen aranés), eth Flourens Dremi Lafage empataue eth partit ; en minut 70’ Larrieu en un contraatac marcaue eth 2-1. En minut 80 en un cop de cap de Liaño, un defensa treiguèc era pilota quan entraue. Aguesta siguèc era clara ocasion entà empatar eth partit. Dempús, un sinhau degut ara lesion de Cuny, e tanben pr´amor qu`er equip anèc a cercar er empat, en dos contratacs er equip deth Flourens Dremi Lafage artenhien dus gols, marcats per Kazmic e Moga enes minutes 92 e 94. Aciu s’acabe era nòsta trajectòria ena Copa de Midi. Partit fòrça ben fiulat pera tripleta arbitrau.
Eth pròplèu partit jogam contra er equip deth St. Gaudens eth dimenge 28 d’octobre tàs 15 :00 ores.

Huelha deth partit.
Resultat: Flourens Dremi Lafage 4 – U.E. Bossòst 1
Flourens Dremi Lafage : Eyna, Thomas, Zamomi, Chaubard, Zanet, Dupuy, Guillaume, Faget, Kazmic, Basquet, Franinschi. Remplaçants : Larrieu, Climent, Moga.
Trainer : Vicente Philippe
U.E. Bossòst: Juanmi, Eric, Cuny, Felipe, Borja Javi , Liaño, Alex (65’ Wilfred), Ariel, Moha, Pèir.
Trainer :Jordi
Arbitre : Chanabe Marc
Liniers:Gueguen Hugues, Benallal Miloud

Gols : 0-1 Javi (52’), 1-1 (60’) , 2-1 (70’), 3-1 (92’), 4-1 (94’)

Tarjeta auriòla : Pèir (62’), Faget (70’), Zamomi (81’), Felipe (87’).

Prumèra derròta dera sason

Era U.E. Bossòst perdèc eth sòn prumèr partit d’aguesta sason en perdre per 2 a 0 dauant eth MontespanFigarol. Eth partit dauant un rival fòrça físic e ben colocat en terren de jòc, comencèc damb domini dera U.E. Bossòst ; a xuts de Jon, Filloy,Pèir e Felipe, bones parades deth portèr locau Bilbe qu’ena prumèra part siguèc eth milhor jogador deth sòn equip. Lèu deth minut 35 en ua falta de luenh xutada per Garros, eth balon, tocat peth nòste portèr Roger anèc tath garrot e dempús Sourd rematèc tot solet de cap eth 1 a 0. Era prumèra part acabaue damb ua bona ocasion per part de Ruben que xutèc lèu deth garrot. Ena dusaua part,a prop dera minuta 60 se decidic eth partit ; prumèr,en ua auta falta de luenh, Garros marcaue eth 2-0 e ara seguida eth nòste jogador Jon ère expulsat per dues amonestacions. Tamb 10 jogadors sagèren de talhar distàncies en marcador, mès toti es xuts anèren dehòra. Eri, ara contra, auèren ua clara ocasion entà marcar un gol. Cau díder qu´er arbitre estèc molt riguròs ena expulsión de Jon (2 fautes, 2 tarjetes), en canvi eth jogador locau Laforgue tamb tarjeta auriòla en minut 25 tanben ère meregedor d´ua auta tarjeta per non deishar de xutar ua falta de pressa. Er arbitre fiulet era falta mès non èra tarjeta (minut 40). Entà acabar cau díder que damb aguesta derrota encara èm plaçadi en dusau lòc tamb 9 punts amassa damb er Isle en Dodon e St.Gaudens que tanben perdèren. Eth més beneficiat siguèc eth B.Luchon que tamb era sua victoria 1-2 en St.Gaudens ei eth prumèr tamb 12 punts. Eth pròplèu partit jogam 3ª eliminatòria Copa de Midi,( eth nòste partit de liga dauant eth F.C. Gourdan quede aplaçat ) .Mo´n vam a jogar a 10 km dempús de Toulose, contra er equip deth Flourens Dremil Lafage eth dimenge 21 d’octobre tàs 15 :00 ores.

Huelha deth partit.
Resultat : MontespanFigarol 2 – U.E. Bossòst 0
MontespanFigarol : Bilbe, Zelmat, Bresquignan, Baboulet, Garros, Laforgue, Lafforgue, Tico, Dutheil, Sourd, Verge. Remplaçants : Watel, Mebtoul, Laplagne.
Trainer : Arreou Patrice

U.E. Bossòst: Roger, Jaime, Filloy, Cuny, Felipe, Javi (60’ Chapo), Jon, Adrian (62’ Manu), Ignasi ( 62’ Moha), Ruben, Pèir.
Trainer :Jordi
Arbitre : Reynaud Sebastien.

Gols : 1-0 Sourd (35’), 2-0 Garros (58’)

Tarjeta auriòla : Jon (18’ e 60’), Laforgue (25’),Jaime (55’), Pèir (65’), Ruben (70’), Verge (75’), Javi (80’), Lafforgue (80’)
Tarjeta vermelha: Jon (60’)

FOTOS MONTAUDRAN - U.E. BOSSÒST

Ignasi marquèc eth 0-1 Alex marquèc eth 0-2


Moha marquèc eth 0-3 Ariel marquèc eth 0-4
Era U.E. Bossòst en Toulouse

ENA COPA DE MIDI TANBEN GUANYAM

Era U.E. Bossòst guanyèc per 1-4 ena 2ª eliminatòria dera Copa de Midi ath Montaudran. Resultat clar e ampli en camp contrari. Er equip deth Montaudran sonque se mostrèc damb perilh enes prumères menutes des dues miejes parts. Es sòns delantèrs Agzemni e Poeyten rematèren damb perilh, mès eth nòste portèr Roger parèc aguestes pilotes. En minut 15 en un error dera defensa locau, Ignasi marcaue eth 0-1. Lèu dera mieja part Alex en ua auta badada dera defensa locau, marcaue eth 0-2, marcador amb qu’arrivauen ath descans. Ena dusaua part encara se hèc mès grana era diferència tant técnica coma fisica, e atau en minut 60 Moha marcaue un pulit gol, ère eth 0-3. Eth Montaudran sajèc de reduir distàncies en marcador, mès un xut toquèc en garrot e un aute eth delantèr fallèc un gol fàcil. En minut 80 Ariel a pasada d´Ignasi marcaue eth 0-4. Ath finau deth partit er arbitre marcaue un penalti inexistent en contra dera U.E. Bossòst que hèc qu´er equip deth Montaudran marquèsse eth 1-4 e fiulet dempús eth finau deth partit. En resumen, partit guanyat e clasificacion comoda ta ua auta eliminatòria. Eth plòpèu partit ei eth dera 4ª jornada deth campionat de liga, jogam eth dimenge 14 d’octobre tàs 15 ores en Montespan contra eth MontespanFigarol.

Huelha deth partit.
Resultat : Toulouse Montaudran ASC 1 – U.E. Bossòst 4
Toulouse Montaudran ASC : Andurand, Besse, Sentenac, Cayborieux, Gros, Lacraype, Baceiredo, El Mansouri, Poeyten, Benkhermossa, Agzemni ;remplaçants : Schafer, Rabanel, El Basir
Trainer : Mauffrey Michalt

U.E. Bossòst: Roger, J.Carlos, Chapo, Cuny, Felipe, Javi, Jon, Alex (45’ Adrian), Ignasi, Ariel (45’ Moha), Filloy.
Trainer :Jordi
Arbitre : Nicodemo Jacques.

Gols : 0-1 Ignasi (15’), 0-2 Alex (40’), 0-3 Moha (60’), 0-4 Ariel (80’), 1-4 El Basir (p.90’).

Tarjeta auriòla : Cuny (43’).

UA AUTA VICTÒRIA: U.E. BOSSÒST 2 – U.S. SALIESMANE 0

Era U.E. Bossòst continue era sua bona trayectòria en campionat e guanyèc eth sòn partit per 2-0. Siguèc un molt bon partit de fotbòl jogat per dus equips que cercauen eth bon jòc entà artènher era victoria. Eth SaliesMane ei segurament er equip que mos auem enfrontat aguesta sason que més bona sensacion a deishat. Enes prumèrs minutes gràcies a un esplèndic cop de cap de Ruben, artenhíem eth 1-0. Er equip deth Salies Mane metèc es causes fòrça difícils mès, uns viatges peth nòste portèr Roger e uns auti pes nòsti defenses evitèrem qu´ empatèssem eth partit. Lèu dera mieja ora de jòc, ua pilota que se trapèc laguens der àrea, eth nòste gran capità Tito marcaue eth 2-0 ; damb aguest marcador arrivauem tara mieja part. Ena dusaua part, era U.E. Bossòst portèc eth domini deth jòc e eth SaliesMane volie profitar bèth contratac entà reduir distàncies en marcador. Eth resultat ja non se moirie enquiath finau deth partit. Damb aguest resultat, era U.E. Bossòst continue ath dauant dera clasificacion damb 9 punts amassa damb eth Saint-Gaudens ,Isle en Dodon e B. Luchon.
Dam es gràcies ath suport incondicionau dera nòsta gran aficion.
Eth pròplèu partit ei era segona eliminatòria dera Copa de Midi .Mo´n vam a jogar a Tolouse contra Montaudran ASC eth dimenge 7 d’octobre tàs 15 ores.
Huelha deth partit.
Resultat : U.E. Bossòst 2 – U.S. SaliesMane 0
U.E. Bossòst : Roger, Jaime, Filloy, Felipe, Liaño, Javi, Tito, Adrian ( 45’ Manu), Jon ( 45’ Ignasi ), Ruben (45’ Moha), e Peir.

Trainer : Miki
U.S. SaliesMane: Marrot, Le Moel, Fort (62’ Lagrange), Ertlen Renoud, Fuentes, Bourgade, Giaveri, Franco, Cep, Erlen Romain, Buffalan
Trainer :Ajas Jean.
Arbitre : Tintelin Laurent.

Gols : 1-0 Ruben (5’), 2-0 Tito (27’).

Tarjeta auriòla : Liaño (25’).