Non i a manèra de guanhar un partit: empatam a 1 gol

U.E. Bossòst 1 – Etoile Cagire 1

Empat a 1 gol en un partit que poguèrem sentenciar enes prumères menutes en qu’ auèrem 3 ocasions ara seguida ; atau Ariel, tot solet dauant eth portèr, shutaue hloish as sues mans, Pèir remataue de cap dehòra dera porteria e Miguel shutaue as mans deth portèr. Er Etoile de Cagire responèc en ua jogada en qu’eth sòn delantèr se presentèc dauant Monchi e obliguèc ath portèr aranés a ua bona arturada. En ua bona jogada dera U.E. Bossòst qu’acabèc en ua rematada de cap de Miguel en gol, er arbitre ac anulèc per dehòra de jòc. Eth madeish Miguel en ua jogada driblèc ath sòn defensor que lo derribèc laguens der àrea. Penalty clar que shutèc Pèir entà marcar eth 1-0. Tamb aguest resultat s’ arribaue ath descans.
Ena dusaua mietat, era U.E. Bossòst seguic cercant era porteria contraria entà ampliar era diferéncia en marcador. Non auèrem guaire ocasions de gol, mès portàuen era iniciatiua deth jòc. Xavi en ua rematada de cap dempús d’un cornèr auec ua bona ocasion. A 10 menutes dera fin er arbitre fiulèc penalty en ua caiguda d’ Embialet dauant de Monchi. Eth penalty lo shutèc Watel entà marcar eth 1-1. En ua pilota que se l’ escapèc ath portèr francés Javi estèc a punt de marcar mès eth portèr reaccionèc e despeguèc era pilota ath cornèr. Sagèrem de guanhar eth partit e mos quedèrem damb defensa de tres e aquieu er Etoile de Cagire podie auer sentenciat eth partit pr’amor qu’auèc dues ocasions entà marcar, mès enes dues jogades es delanters shutèren dehòra dera porteria.
Ath finau, repartiment de punts en un partit que siguèrem superiors en bona part e qu’ara fin lèu ac podíem auer perdut.

Eth pròplèu partit jogam en Estancarbon contra er equip deth Landorthe dimenge 5 de hereuèr tàs 15 :00 ores.

U.E. Bossòst: Monchi, Marc, José Ramón, Xavi, Viló, Álex, Gachi, Ivan, Pèir, , Ariel e Miguell. Remplaçants: Javi, Ignasi, León.

Tarjetes auriòles: Gachi (65'), Miguel (84'), Viló (88')

Trainer: Adrian.

Etoile Cagire: Domench, Bresquignan, Carpentier, Mola, Labarre, Kerjean, Sarradet, Brungard, Duffo, Furgaut, Embialet. Remplaçants: Watel, Bousquet.

Tarjetes auriòles: Embialet(50'), Bresquignan (60').

Trainer: Laplagne J. Michel.

Gols : 1-1 Pèir (p. 40’), 1-1 Watel (p.80’).

Arbitre : Magne Bertrand.

Derròta en Montespan

U.S. Garonne 2 – U.E. Bossòst 0

Derròta en Montespan, en un terren de jòc fòrça dolent e que dificultèc era practica deth bon jòc as dus equips. Tostemp mos ei dificil jogar contra aguest equip d’ U.S. Garonne e aguest viatge tanpòc siguec diferent. Ena prumèra mietat mos creèren fòrça perilh enes lançament de fautes, atau en un lançament de fauta Belarbi, remataue entà dehora dera porteria. Dempús auèrem mala sort e se mos lesionèc Felipe.
En ua contra dempús d’un lançament de cornèr, Garros podie auer auançat ath Garonne, mès eth sòn lançament anèc entà dehòra. Ena menuta 30 en un lançament de fauta lateral de Garros, Xavi pelejèc era pilota damb Pelegrin e metec involuntariament era pilota ena sua porteria. Ère eth 1-0 a favor der U.S. Garonne. Era U.E. Bossòst auèc dues bones ocasions entà poder empatar, Ariel remataue en bona posicion e eth portèr Khedim desviaue entà cornèr. Salva rematèc entà dehora en un shut des de laguens der àrea francesa. Damb eth 1-0 s’arribaue ath descans.
Ena dusaua mietat, eth Garonne siguec un shinhau milhor e artenhèc era victòria. Sonque començar Saaf obliguèc a Marcos a desviar era pilota entath cornèr. Dempús, era U.E. Bossòst patic es justes expulsions de Héctor (2ª auriòla) e Marcos (vermelha). Garros ena menuta 70 marcaue eth 2-0 e sentenciaue eth partit. Damb 9 jogadors er equip aranés luitèc enquiara darrèra menuta.
Ath finau, derròta. Era situacion se complique, sonque auem 3 equips darrèr nòste e aguest dissabte jogam contra un d’ eri; ath delà, dus jogadors sancionadi e cau demorar qu’era blesura de Felipe non sigue guaire importanta.

Eth pròplèu partit ( darrèr partit deth prumèr torn ), jogam en Bossòst contra er equip d’ Etoile Cagire eth dissabte 21 de gèr tàs 20 :00 ores.

U.S. Garonne : Khedim, Belarbi, Ricardo Costa, Heuillet, Loutfi, Pailloux, Saaf, Essaoui, Garros, Pellegrin, Verney. Remplaçants : Benchohra, Ginet
Tarjetes auriòles: Belarbi, Ricardo Costa, Pailloux, Saaf, Pellegrin.
Trainer : Serrano Michel.

U.E. Bossòst: Marcos, Marc, José Ramón, Xavi, Felipe, Álex, Gachi, Héctor, Mutu, , Ivan e Ariel. Remplaçants: Salva, Paul, Youssef.
Tarjetes auriòles : Héctor, Álex.
Tarjetes vermelhes:Héctor, Marcos.
Trainer: Adrian.

Gols : 1-0 Xavi (p.p 30’), 2-0 Garros (70’).

Arbitre : Hubert Marc.

Era U.E. Bossòst en ARAN tv

Eth darrèr 10 de ger en programa de Lleida Tv, gessèc aguest reportatge sus era U.E. Bossòst. Se non vos campar eth video complet, a compdar dera menuta 5.

http://arantv.xiptv.cat/embed/44003?width=548&iframe_width=570&share=&height=308&iframe_height=354"

Dehòra dera Copa de Comminges

E.F.C. Aurignac 2 - U.E. Bossòst 1

Dehòra dera Copa de Comminges en un partit en qu’ ena prumèra mietat siguèc igualat e damb poques ocasions de gol. Era U.E. Bossòst sonque començar auec ua bona ocasion en ua passada de Pèir e ena que Moha non podec marcar. Er Aurignac responèc damb eth prumèr gol deth partit quan Fabre profitaue ua pilota en àrea aranesa entà marcar eth 1-0. A compdar d’aquiu ,domini der equip aranés sense auer ocasions. Ara fin dera prumèra mietat, Miguel auec ua ocasion qu’ eth portèr francés despeguéc. Tamb 1-0 s’arribaue ath descans.
Era dusaua mietat siguèc un monòleg der equip aranés sense auer sort en gol. Atau, sonque començar, en ua fauta de Àlex tocaue eth garròt dera porteria francesa e un defensa treiguie era pilota dera línha de gol. Auèrem bones ocasions en shuts d’ Àlex e Pèir, mès era pilota non volie entrar. Er Aurignac, en ua fauta de luenh, profitèc ua pilota mòrta en àrea aranesa entà marcar eth 2-0. Quedàuem 15 menutes enquiath finau e era U.E. Bossòst podec escuerçar distàncies en marcador damb un bon shut de luenh d’Ivan que plaçaue era pilota ena esquaira dera porteria. Ère eth 2-1. A manca de 10 menutes, er Aurignac patic era expulsion deth sòn jogador Dreher. Eth domini der equip aranés encara siguèc mès gran. Ena darrèra menuta auèrem era milhor ocasion entà empatar eth partit e poder jogar era prorroga: Viló remataue ua pilota que toca eth garròt e era pilota anèc a Miguel que a pòrta ueda e ath costat deth garròt, remataue enta dehòra dera porteria.
Ath finau, eliminadi dera Copa de Comminges a despiet de non jogar ua bona prumèra mietat. Ena dusaua, er equip a jogat entà poder passar era eliminatòria. Er Aurignac ath finau deth partit, reconeshie era gran sort qu’ auerem enes dues porteries.
Eth pròplèu partit ac jogam en Montespan contra er equip d’ U.S. Garonne eth dimenge 15 de ger tàs 15 :00.

E.F.C. Aurignac : Massarin, Boudes, Cazenave I, Ane, Zunnui I, Dreher I, Arnould, Guezenec, Dastugue, Zunnui II, Fabre. Remplaçants: Cazenave II, Barat, Dreher II.
Tarjetes auriòles: Dreher I (62’ e 80’).
Tarjeta vermelha: Dreher I (80’)
Trainer : Lapuyade Joel.

U.E. Bossòst: Marcos, Héctor, José Ramón, Viló, Felipe, Álex, Javi, Pèir, Moha, Ivan e Miguel. Remplaçants: Marc, Ariel, Pipe.
Tarjetes auriòles : Héctor(40’), Ariel (80’).
Trainer: Adrian.

Gols : 1-0 Fabre (15’), 2-0 Fabre (75’), 2-1 Ivan (80’).

Arbitre : Riffier Mathieu.

Sorteig 1/8 de finau dera Copa de Comminges

dia 07 de gèr deth 2012 tas 20:00 en Boussan
E.F.C. Aurignac - U.E. Bossòst

Patim ua golejada damb un resultat de tenis

U.S. Cazères 6 - U.E. Bossòst 3

Dusaua derròta contundent era que patírem aguest darrèr dissabte en Cazères. A diferéncia deth partit dera broma mos trapèrem un milhor equip reforçat damb jogadors des equips superiors. De totes manères, era U.E. Bossòst non joguèc bric ben donques era sua actitud defensiua non siguèc bona. Eth Cazères s’adelantaue as 5 menutes en recuélher un rebot deth garròt: Lazare marcaue eth 1-0. Ara mieja ora de jòc, artenhíem er empat quan Miguel marcaue en un shut sus era gessuda deth portèr. Quan semblaue que damb eth 1-1 s’arribarie ath descans, Fonbonne profitaue un error e shutaue ras ena porteria de Marcos. Ère eth 2-1.
Sonque començar era dusuau mietat, eth Cazères marcaue dus gols ara seguida que deishaue eth partit sentenciat: Lejeune en un gran shut pera esquaira e Sejrady en profitar ua jogada embolicada en àrea aranesa deishàuen eth marcador en 4-1. Encara eth Cazères hèc mès gran era diferéncia damb un cincau gol. Ara fin, s’alternèren es dus equips en marcar gols: Miguel marcaue eth 5-2, Arrouy marcaue eth 6-2 e Ariel marcaue eth 6-3, resultat definitiu ara fin deth partit.
Ua auta derròta damb fòrça gols en darrèr partit der an; auem de retrapar es sensacions deth començament dera sason.

U.S. Cazères : Digiovanni, Brun, Dehaouti, Loiseau, Jaud, Fonbonne, Lejeune, Fabre, Arrouy, Sejrady, Lazare. Remplaçants : Bomraya, Pradier.
Trainer : Molina Gilles.

U.E. Bossòst: Marcos, Salva, Jaime, Marc, Felipe, Gachi, León, Javi, Alex, Pipe e Miguel. Remplaçants: Paba, Ariel, Mutu.
Tarjetes auriòles: Jaime (41’), León (52’), Gachi (67’)-
Trainer: Adrian.

Gols :1-0 Lazare (5’), 1-1 Miguel (30’), 2-1 Fonbonne (40’), 3-1 Lejeune (46’), 4-1 Sejrady (50’), 5-1 Arrouy (60’), 5-2 Miguel (70’), 6-2 Arrouy (75’), 6-3 Ariel (85’).

Arbitre : Laille Guy.

¡¡¡ Bon Nadau e Eròs an Nau 2012 entà toti !!!

Perdem x golejada

F.C. Mabroc 5 - U.E. Bossòst 1

Fòrta golejada era que patirem eth diuendres darrèr en Boussens contra er equip deth Mabroc. Sonque començar, as 5 menutes, ja perdíem per 2-0 e açò en un equip damb fòrça baishes mos hèc mau. As 20 menutes eth Mabroc encara hège mès grana era diferéncia en profitar un error defensiu. Ère eth 3-0. A manca de 5 menutes entath descans ,León en shutar ua fauta laterau plaçaue era pilota ena esquaira francesa. Ère eth 3-1, resultat damb eth que s’arribaue ath descans.
Ena dusaua mietat ath començament, auèrem ua clara ocasion entà marcar eth 3-2 que mos auèsse metut eth partit, mès Madrid tot solet dauant deth portèr Bouron shutaue ath costat deth garrot. Deth possible 3-2, passèrem ath 5-1; ei a díder , passèc coma ena prumèra mietat donques en 4 menutes mos marquèren 2 gols marcadi per Busca; eth prumèr d’ ua bona jogada e eth dusau d’ un error defensiu. D’aquiu enquiath finau auec ua ocasion cada equip: eth Mabroc en un shut de Saliba toquèc eth garròt dera porteria de Marcos, e ara U.E. Bossòst li anulèren un gol a Mutu per dehòra de jòc mès que dubtòs.
Ath finau 5-1; ei vertat que patíem fòrça baishes mès en un equip de pòca experiéncia encaishar es dus primèrs gols quan encara non s’auie arribat as 5 menutes marquèc eth partit. Er equip sonque estèc en partit en darrèr quart d’ ora dera prumèra mietat e ath començament dera dusaua mietat; ena resta, eth Mabroc mos passèc per dessús.
Ara mos toque jogar eth darrèr partit der an. Mos auem plaçat ath miei dera taula mès apròp des darrèrs que des prumèrs, per aquerò serie fòrça important guanhar aguest dissabte abantes deth repòs pes hèstes de Nadau.

Pròplèu partit desplaçament enquià Cazeres entà jogar tot eth partit suspenut pera broma contra er equip locau, dissabte 17 de deseme tàs 19:00 ores.

F.C. Mabroc : Bourot, Querre, Bresteau, Carayon, Cotanciau, Saliba, Caussade, Busca, Marque, Hritane, Batralle. Remplaçants : Raufast, Nadal, Eylaenne.
Tarjetes auriòles : Raufast (60’).
Trainer : Maury Herve

U.E. Bossòst: Marcos, Salva, José Ramón, Marc, Madrid, Gachi, León, Mutu, Pèir, Pipe e Moha. Remplaçants: Paba, Paul, Youssef.
Tarjetes auriòles: Cuny (85’).
Trainer: Adrian.

Gols :1-0 Busca (1’), 2-0 Batralle, 3-0 Marque (20’), 3-1 León, 4-1 Busca (65’), 5-1 Busca (70’).

Arbitre : Ferran David.